സേ​വ​ന​ങ്ങ​ൾ ജ​ന​ങ്ങ​ളി​ലേ​ക്ക്; ബോ​ധ​വ​ത്ക​ര​ണ കാ​മ്പ​യി​നു​മാ​യി എ​ച്ച്.​എം.​സി

ദോ​ഹ: ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നി​ലെ ചി​കി​ത്സ​ക​ളും പു​തി​യ സേ​വ​ന​ങ്ങ​ളും പൊ​തു​ജ​ന​ങ്ങ​ളി​ലെ​ത്തി​ക്കാ​ൻ ബോ​ധ​വ​ത്ക​ര​ണ കാ​മ്പ​യി​ന് തു​ട​ക്കം കു​റി​ച്ച് എ​ച്ച്.​എം.​സി. ‘നി​ങ്ങ​ളു​ടെ ആ​രോ​ഗ്യം, ഞ​ങ്ങ​ളു​ടെ മു​ൻ​ഗ​ണ​ന’ എ​ന്ന ത​ല​ക്കെ​ട്ടി​ലാ​ണ് എ​ച്ച്.​എം.​സി ത​ങ്ങ​ളു​ടെ അ​ന്താ​രാ​ഷ്ട്ര നി​ല​വാ​ര​ത്തി​ലെ ആ​രോ​ഗ്യ പ​രി​ച​ര​ണം സം​ബ​ന്ധി​ച്ച് കാ​മ്പ​യി​ൻ ആ​രം​ഭി​ച്ചി​രി​ക്കു​ന്ന​ത്. മീ​ഡി​യ ടൂ​റു​ക​ൾ, അ​ഭി​മു​ഖ​ങ്ങ​ൾ, പ​ത്ര​ക്കു​റി​പ്പു​ക​ൾ, സോ​ഷ്യ​ൽ മീ​ഡി​യ ഇ​ൻ​ഫോ​ഗ്രാ​ഫി​ക്‌​സ്, വി​ഡി​യോ​ക​ൾ തു​ട​ങ്ങി വി​വി​ധ ചാ​ന​ലു​ക​ളി​ലൂ​ടെ എ​ച്ച്.​എം.​സി​യു​ടെ സ്പെ​ഷ​ലി​സ്റ്റ് സേ​വ​ന​ങ്ങ​ളു​ടെ ഗു​ണ​നി​ലാ​വ​രം പൊ​തു​ജ​ന​ങ്ങ​ളി​ലേ​ക്കെ​ത്തി​ക്കും.

വി​വി​ധ ഘ​ട്ട​ങ്ങ​ളി​ലാ​യു​ള്ള വ​ള​ർ​ച്ച​യി​ലൂ​ടെ എ​ച്ച്.​എം.​സി​യി​ലെ വി​വി​ധ സേ​വ​ന​ങ്ങ​ൾ ലോ​കോ​ത്ത​ര നി​ല​വാ​ര​ത്തി​ലെ​ത്തി​ക്കാ​ൻ ക​ഴി​ഞ്ഞ​താ​യി ചീ​ഫ് മെ​ഡി​ക്ക​ൽ ഓ​ഫി​സ​ർ ഡോ. ​അ​ബ്ദു​ല്ല അ​ൽ അ​ൻ​സാ​രി പ​റ​ഞ്ഞു. പ​ക്ഷാ​ഘാ​ത ചി​കി​ത്സ, ഹൃ​ദ്രോ​ഗം, ശ​സ്ത്ര​ക്രി​യ, അ​ർ​ബു​ദ ചി​കി​ത്സ, ട്രോ​മ സേ​വ​ന​ങ്ങ​ൾ തു​ട​ങ്ങി​യ പ്ര​ധാ​ന മേ​ഖ​ല​ക​ളി​ൽ അ​ന്താ​രാ​ഷ്ട്ര നി​ല​വാ​രം കൈ​വ​രി​ക്കാ​ൻ എ​ച്ച്.​എം.​സി​ക്കാ​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ഖ​ത്ത​റി​ലെ എ​ല്ലാ​വ​രി​ലും ഉ​യ​ർ​ന്ന നി​ല​വാ​ര​മു​ള്ള സ്പെ​ഷ​ലി​സ്റ്റ് ആ​രോ​ഗ്യ സേ​വ​ന​ങ്ങ​ൾ സം​ബ​ന്ധി​ച്ച് അ​വ​ബോ​ധം ഉ​റ​പ്പു​വ​രു​ത്തു​ന്ന​തി​നു​ള്ള സു​പ്ര​ധാ​ന ചു​വ​ടു​വെ​പ്പാ​ണ് കാ​മ്പ​യി​നെ​ന്ന് എ​ച്ച്.​എം.​സി ചീ​ഫ് ക​മ്യൂ​ണി​ക്കേ​ഷ​ൻ​സ് ഓ​ഫി​സ​ർ ഹ​സ​ൻ മു​ഹ​മ്മ​ദ് അ​ൽ ഹൈ​ൽ പ​റ​ഞ്ഞു. നേ​ട്ട​ങ്ങ​ളും സ്പെ​ഷ​ലി​സ്റ്റ് സേ​വ​ന​ങ്ങ​ളും ഉ​യ​ർ​ത്തി​ക്കാ​ട്ടു​ന്ന​തി​ലൂ​ടെ സ​മൂ​ഹ​ത്തി​ന് ന​ൽ​കു​ന്ന പ​രി​ച​ര​ണ​ത്തി​ൽ ആ​ത്മ​വി​ശ്വാ​സം വ​ള​ർ​ത്തി​യെ​ടു​ക്കാ​നും ഖ​ത്ത​റി​ലെ സ്പെ​ഷ​ലി​സ്റ്റ് ആ​രോ​ഗ്യ സേ​വ​ന​ങ്ങ​ളു​ടെ മു​ൻ​നി​ര ദാ​താ​വ് എ​ന്ന നി​ല​യി​ൽ എ​ച്ച്.​എം.​സി​യു​ടെ സ്ഥാ​നം ശ​ക്തി​പ്പെ​ടു​ത്താ​നും ല​ക്ഷ്യ​മി​ടു​ന്ന​താ​യും അ​ൽ ഹൈ​ൽ കൂ​ട്ടി​ച്ചേ​ർ​ത്തു.

ഖ​ത്ത​റി​ലെ ഏ​റ്റ​വും വ​ലി​യ സ്പെ​ഷ​ലി​സ്റ്റ് ആ​രോ​ഗ്യ സേ​വ​ന ദാ​താ​വാ​യ എ​ച്ച്.​എം.​സി ക​വി​ഞ്ഞ ഒ​ന്ന​ര​പ്പ​തി​റ്റാ​ണ്ടി​നി​ടെ അ​വി​ശ്വ​സ​നീ​യ മാ​റ്റ​ങ്ങ​ളാ​ണ് ന​ട​പ്പാ​ക്കി​യ​ത്. ഇ​ക്കാ​ല​യ​ള​വി​ൽ സേ​വ​ന​ങ്ങ​ളു​ടെ ഗു​ണ​നി​ല​വാ​ര​ത്തി​നും സു​ര​ക്ഷ​ക്കും 50ല​ധി​കം അ​ന്താ​രാ​ഷ്ട്ര അം​ഗീ​കാ​ര​ങ്ങ​ളും എ​ച്ച്.​എം.​സി​യെ തേ​ടി​യെ​ത്തി.