‘ബോ​ധ​വ​ത്ക​ര​ണം താ​ഴെ​ത്ത​ട്ടി​ൽ തു​ട​ങ്ങ​ണം’

ല​ഹ​രി​ക്ക​ട​ത്തു​മാ​യി ബ​ന്ധ​പ്പെ​ട്ട് ക​ഴി​ഞ്ഞ ഏ​താ​നും നാ​ളു​ക​ളാ​യി ‘ഗ​ൾ​ഫ് മാ​ധ്യ​മം’ പു​റ​ത്തു​കൊ​ണ്ടു​വ​ന്ന വാ​ർ​ത്ത​ക​ൾ ഏ​വ​രെ ഞെ​ട്ടി​ക്കു​ന്ന​തും അ​ത്ഭു​ത​പ്പെ​ടു​ത്തു​ന്ന​തു​മാ​ണ്. ക​ഴി​ഞ്ഞ ര​ണ്ടാ​ഴ്ച​യാ​യി വ​ട​ക്ക​ൻ കേ​ര​ള​ത്തി​ൽ​നി​ന്ന് ഒ​രു മാ​താ​വ് നി​ര​ന്ത​രം ബ​ന്ധ​പ്പെ​ട്ടു​കൊ​ണ്ടി​രി​ക്കു​ന്നു.

ഖ​ത്ത​റി​ലേ​ക്ക് വ​ന്ന മ​ക​ൻ ജ​യി​ല​റ​ക്കു​ള്ളി​ലാ​യ​തി​ന്റെ പ്ര​യാ​സം പ​റ​ഞ്ഞു ക​ര​ഞ്ഞു​കൊ​ണ്ടാ​ണ് ആ ​മാ​താ​വ് വി​ളി​ച്ചു​കൊ​ണ്ടി​രി​ക്കു​ന്ന​ത്. ഇ​ത്ത​ര​ത്തി​ലു​ള്ള നൂ​റു​ക​ണ​ക്കി​ന് കു​ടും​ബ​ങ്ങ​ൾ കേ​ര​ള​ത്തി​നും കേ​ര​ള​ത്തി​ന് പു​റ​ത്തു​മു​ണ്ട്. ഓ​രോ കു​ടും​ബ​ത്തി​ന്റെ​യും പ്ര​തീ​ക്ഷ​ക​ളാ​ണ് അ​ശ്ര​ദ്ധ​യു​ടെ പേ​രി​ൽ അ​ന​ന്ത​മാ​യി ജ​യി​ല​ഴി​ക​ൾ​ക്കു​ള്ളി​ൽ ക​ഴി​ഞ്ഞു കൂ​ടു​ന്ന​ത്. പെ​ട്ടെ​ന്ന് പ​ണ​മു​ണ്ടാ​ക്കാ​നു​ള്ള ചെ​റു​പ്പ​ത്തി​ന്റെ മോ​ഹം ഉ​പ​യോ​ഗ​പ്പെ​ടു​ത്തി അ​ങ്ങ​നെ​യു​ള്ള​വ​രെ കെ​ണി​യി​ൽ​പെ​ടു​ത്തു​ന്ന റാ​ക്ക​റ്റു​ക​ൾ ന​മ്മു​ടെ നാ​ട്ടി​ൽ അ​ങ്ങോ​ള​മി​ങ്ങോ​ളം പ്ര​വ​ർ​ത്തി​ച്ചു കൊ​ണ്ടി​രി​ക്കു​ന്നു​ണ്ട്.

വേ​ണ്ട​ത്ര വി​ദ്യാ​ഭ്യാ​സ​മോ പ്രാ​യോ​ഗി​ക പ​രി​ജ്ഞാ​ന​മോ ഇ​ല്ലാ​ത്ത ചെ​റു​പ്പ​ക്കാ​രെ ക​ണ്ടെ​ത്തു​ക​യും പ​ല മോ​ഹ​ന വാ​ഗ്ദാ​ന​ങ്ങ​ൾ ന​ൽ​കി അ​വ​രെ ച​തി​യി​ൽ​പെ​ടു​ത്തു​ക​യു​മാ​ണ് ചെ​യ്യു​ന്ന​ത്. പ​ല​പ്പോ​ഴും ബോ​ധ​ത്തോ​ടു​കൂ​ടി ത​ന്നെ ശി​ക്ഷ​യു​ടെ പ്ര​ത്യാ​ഘാ​തം മ​ന​സ്സി​ലാ​ക്കാ​തെ ഇ​ത്ത​രം കെ​ണി​യി​ൽ പെ​ടു​ന്ന​വ​രും ഏ​റെ​യാ​ണ്. ഗ​ൾ​ഫ് രാ​ജ്യ​ങ്ങ​ളി​ലെ മ​യ​ക്കു​മ​രു​ന്ന് ക​ള്ള​ക്ക​ട​ത്തു​ക​ളു​മാ​യി ബ​ന്ധ​പ്പെ​ട്ട കു​റ്റ​ത്തി​ന് പ്ര​വ​ചി​ക്കാ​ൻ പ​റ്റാ​ത്ത രീ​തി​യി​ലു​ള്ള ശി​ക്ഷ​യാ​ണു​ള്ള​ത് എ​ന്ന് അ​റി​യു​ന്ന​വ​രാ​ണ് ഭൂ​രി​ഭാ​ഗം പേ​രും.

പ്ര​ത്യേ​കി​ച്ച് ഈ ​കാ​ല​ത്ത് ക​ണ്ടു​വ​രു​ന്ന​ത് നാ​ട്ടി​ൽ​നി​ന്ന് താ​യ്‌​ല​ൻ​ഡ് പോ​ലു​ള്ള രാ​ജ്യ​ങ്ങ​ളി​ലേ​ക്ക് വി​സ കൊ​ടു​ത്ത് അ​വി​ടു​ന്ന് ഗ​ൾ​ഫ് രാ​ജ്യ​ങ്ങ​ളി​ലേ​ക്ക് കൊ​ണ്ടു​വ​രു​ന്ന രീ​തി​യാ​ണ്. ന​മു​ക്ക് പ​രി​ച​യ​മി​ല്ലാ​ത്ത നാ​ടു​ക​ളി​ലേ​ക്ക് വി​സ ഓ​ഫ​റു​ക​ൾ ത​രു​ന്ന​ത് ഇ​ത്ത​രം റാ​ക്ക​റ്റു​ക​ൾ​ക്ക് ഉ​പ​യോ​ഗ​പ്പെ​ടു​ത്താ​നാ​ണെ​ന്നു​ള്ള തി​രി​ച്ച​റി​വ് എ​ല്ലാ​വ​ർ​ക്കും ഉ​ണ്ടാ​യി​രി​ക്ക​ണം. ഖ​ത്ത​റി​ലെ ഇ​ന്ത്യ​ൻ എം​ബ​സി അ​പെ​ക്സ് ബോ​ഡി​യാ​യ ഐ.​സി.​ബി.​എ​ഫ് നേ​തൃ​ത്വ​ത്തി​ൽ ഓ​രോ ആ​ഴ്ച​ക​ളി​ലും ജ​യി​ൽ സ​ന്ദ​ർ​ശി​ക്കു​മ്പോ​ൾ ഇ​ത്ത​ര​ത്തി​ൽ കു​ടു​ങ്ങി​പ്പോ​യ ഒ​രു​പാ​ട് പേ​രു​ടെ ക​ദ​ന ക​ഥ​ക​ൾ കേ​ൾ​ക്കാ​റു​ണ്ട്. വി​ദ്യാ​സ​മ്പ​ന്ന​രാ​യ പെ​ൺ​കു​ട്ടി​ക​ൾ​പോ​ലും ഇ​ത്ത​രം കെ​ണി​ക​ളി​ൽ​പെ​ടു​ന്നു എ​ന്ന​ത് ഏ​റെ ഞെ​ട്ടി​പ്പി​ക്കു​ന്ന​താ​ണ്.

അ​തോ​ടൊ​പ്പം അ​തീ​വ ശ്ര​ദ്ധ ചെ​ലു​ത്തേ​ണ്ട വി​ഷ​യ​മാ​ണ് നാ​ട്ടി​ൽ​നി​ന്ന് കൊ​ണ്ടു​വ​രു​ന്ന വേ​ദ​ന സം​ഹാ​രി​ക​ൾ പോ​ലു​ള്ള മ​രു​ന്നു​ക​ളും. മ​രു​ന്നു​ക​ൾ കൊ​ണ്ടു​വ​രു​മ്പോ​ൾ ഗ​ൾ​ഫ് രാ​ജ്യ​ങ്ങ​ളി​ൽ നി​രോ​ധി​ക്ക​പ്പെ​ട്ട മ​രു​ന്നു​ക​ൾ കൂ​ട്ട​ത്തി​ലു​ണ്ടോ എ​ന്ന് സൂ​ക്ഷ്മ​മാ​യി പ​രി​ശോ​ധി​ക്കു​ക​യും അ​തേ​ക്കു​റി​ച്ച് വി​ശ​ദ​മാ​യി അ​റി​യു​ന്ന​വ​രോ​ട് കാ​ര്യ​ങ്ങ​ൾ ചോ​ദി​ച്ച​റി​യു​ക​യും ചെ​യ്യേ​ണ്ട​താ​ണ്.

ഓ​രോ ആ​ഴ്ച​ക​ളി​ലെ ജ​യി​ൽ സ​ന്ദ​ർ​ശ​ന​ത്തി​നു​ശേ​ഷ​വും പു​തി​യ പു​തി​യ കേ​സു​ക​ൾ ഈ ​രൂ​പ​ത്തി​ൽ റി​പ്പോ​ർ​ട്ട് ചെ​യ്യ​പ്പെ​ടു​ന്നു​ണ്ട് എ​ന്ന​ത് ഇ​ന്ത്യ​യി​ലു​ട​നീ​ളം ഈ ​റാ​ക്ക​റ്റു​ക​ൾ സ​ജീ​വ​മാ​ണ് എ​ന്ന​തി​ന്റെ തെ​ളി​വാ​ണ്.

നാ​ട്ടി​ലെ വി​ദ്യാ​ർ​ഥി യു​വ​ജ​ന പ്ര​സ്ഥാ​ന​ങ്ങ​ൾ, മ​ത​സാ​മൂ​ഹി​ക സം​ഘ​ട​ന​ക​ൾ, ക്ല​ബു​ക​ളൊ​ക്കെ ഈ ​കാ​ര്യ​ത്തി​ൽ ജ​ന​കീ​യ​മാ​യ ബോ​ധ​വ​ത്ക​ര​ണം ഇ​നി​യും ന​ട​ത്തേ​ണ്ട​തു​ണ്ട്. മാ​ത്ര​മ​ല്ല ഇ​ത്ത​രം റാ​ക്ക​റ്റു​ക​ളെ ക​ണ്ടെ​ത്തി അ​വ​രെ നി​യ​മ​പ​ര​മാ​യി നേ​രി​ട്ട് ഇ​ല്ലാ​യ്മ ചെ​യ്യാ​ൻ ക​ർ​ശ​ന​മാ​യ പൊ​ലീ​സ് ന​ട​പ​ടി​ക​ളു​മാ​യി കേ​ര​ള​ത്തി​ലേ​തു​ൾ​പ്പെ​ടെ മ​റ്റു സം​സ്ഥാ​ന ഗ​വ​ൺ​മെ​ന്റു​ക​ളും മു​ന്നോ​ട്ടു​വ​രേ​ണ്ട സ​മ​യം അ​തി​ക്ര​മി​ച്ചി​രി​ക്കു​ന്നു. അ​തു​പോ​ലെ ഇ​ന്ത്യ​യി​ലെ എ​ല്ലാ എ​യ​ർ​പോ​ർ​ട്ടു​ക​ളി​ലും ഇ​ത് ക​ട​ത്തി​വി​ടാ​നാ​വാ​ത്ത രൂ​പ​ത്തി​ൽ ക​ണ്ടു​പി​ടി​ക്കാ​നു​ള്ള ക​ർ​ശ​ന സം​വി​ധാ​ന​ങ്ങ​ൾ ഇ​നി​യും ഉ​ണ്ടാ​വേ​ണ്ട​തു​ണ്ട്.

പ്ര​വാ​സ​ലോ​ക​ത്തെ മു​ഴു​വ​ൻ കൂ​ട്ടാ​യ്മ​ക​ളു​ടെ​യും അ​ജ​ണ്ട​യു​ടെ ഒ​രു ഭാ​ഗ​മാ​യി ഇ​ത്ത​രം പ്ര​വ​ർ​ത്ത​ന​ങ്ങ​ൾ​ക്കെ​തി​രെ​യു​ള്ള ബോ​ധ​വ​ത്ക​ര​ണ​ങ്ങ​ളു​ണ്ടാ​യി​രി​ക്ക​ണം. എം​ബ​സി​ക​ൾ​ക്കും സാ​മൂ​ഹി​ക പ്ര​വ​ർ​ത്ത​ക​ർ​ക്കും ഇ​ട​പെ​ടാ​ൻ ഏ​റെ പ​രി​മി​തി​ക​ളും ഏ​റെ ത​ല​വേ​ദ​ന​ക​ളു​മു​ള്ള കേ​സു​ക​ളാ​ണ് മ​യ​ക്കു​മ​രു​ന്ന് കേ​സു​ക​ൾ.