ശൂറാ കൗൺസിൽ പ്രചാരണത്തുടക്കം

ദോഹ: ഒക്​ടോബർ രണ്ടിന്​ നടക്കുന്ന ശൂറാ കൗൺസിൽ തെരഞ്ഞെടുപ്പ്​ പ്രചാരണത്തിന്​ തുടക്കമായി. വ്യാഴാഴ്​ച വൈകീട്ട്​ അന്തിമ സ്​ഥാനാർഥിപ്പട്ടിക പ്രഖ്യാപിച്ചതിനു പിന്നാലെ വെള്ളിയാഴ്​ച മുതൽ സ്​ഥാനാർഥി പ്രചാരണം ആരംഭിച്ചു. സൂക്ഷ്​മ പരിശോധനകൾക്കൊടുവിൽ 284 സ്​ഥാനാർഥികളാണ്​ രാജ്യത്തെ 30 ഇലക്​ടറൽ ജില്ലകളിലേക്കായി മത്സര രംഗത്തുള്ളത്​. ഇവരിൽ 28 പേർ വനിതകളാണ്​. 20ാം നമ്പർ മണ്ഡലത്തിലാണ്​ ഏറ്റവും കൂടുതൽ സ്​ഥാനാർഥികൾ മത്സരിക്കുന്നത്​.

മൂന്നു​ വനിതകൾ ഉൾപ്പെടെ 21 പേരാണ്​ ഇവിടെ മത്സര രംഗത്തുള്ളത്​. 22ാം നമ്പർ മണ്ഡലത്തിൽ അഞ്ചു സ്​ത്രീകൾ ഉൾപ്പെടെ 20 പേർ സ്​ഥാനാർഥികളായുണ്ട്​. അതേസമയം, ഒരു മത്സരത്തിലെ സ്​ഥാനാർഥിക്ക്​ തെരഞ്ഞെടുപ്പിനു മു​േമ്പ സീറ്റുറപ്പിക്കാനായി. അഞ്ചാം നമ്പർ മത്സരത്തിലെ ഏക സ്​ഥാനാർഥിയായ ഹസൻ അബ്​ദുല്ല ഗാനിമാണ്​​ തെരഞ്ഞെടുപ്പിനു​ മു​േമ്പ സീറ്റുറപ്പിച്ചത്.

സമൂഹ മാധ്യമങ്ങളിലൂടെയാണ്​ തെരഞ്ഞെടുപ്പ്​ പ്രചാരണം സജീവമായത്​. അന്തിമ പട്ടിക പുറത്തുവന്നതിനു പിന്നാലെ പോസ്​റ്ററുകളും വിഡിയോ സന്ദേശങ്ങളും പങ്കുവെച്ച്​ സ്​ഥാനാർഥികൾ ടിക്​ടോക്​, ട്വിറ്റർ, ഫേസ്​ബുക്ക്​, വാട്​സ്​ആപ്​ വഴി പ്രചാരണം തുടങ്ങി. ചിലർ യോഗ്യതകളും നേട്ടങ്ങളും വിവരിക്കുന്ന വ്യക്​തമായ ബയോ​േഡറ്റയും പുറത്തിറക്കിയിട്ടുണ്ട്​. ഖത്തർ മീഡിയ കമ്മിറ്റി വഴിയാണ്​ പൊതു പ്രചാരണങ്ങൾ നടത്തുന്നത്​. ഒമ്പത്​ ക്ലബ്​ ഹാളുകളും അഞ്ച്​ യൂത്ത്​ സെൻററുകളും പ്രചാരണ പരിപാടികൾക്കായി രാജ്യത്തി​െൻറ വിവിധ ഭാഗങ്ങളിൽ സജ്ജമാക്കിയിട്ടുണ്ട്. ഒരു സ്​ഥാനാർഥിക്ക്​ പ്രചാരണങ്ങൾക്കായി 20 ലക്ഷം റിയാൽ വരെ ​െചലവഴിക്കാ​നാണ്​ അനുവാദമുള്ളത്​. സ്​ഥാനാർഥികൾക്കിടയിൽ പക്ഷം ചേരരുതെന്ന്​ മാധ്യമങ്ങൾക്കും നിർദേശം നൽകിയിട്ടുണ്ട്​.

നാമനിർദേശം പിൻവലിക്കാം; പ്രതിനിധിയെ നിർദേശിക്കാം

ശൂറാ കൗൺസിൽ തെരഞ്ഞെടുപ്പിൽ മത്സരിക്കുന്നയാളുടെ സ്​ഥാനാർഥിത്വം പിൻവലിക്കൽ, പ്രതിനിധിയെ നിശ്ചയിക്കൽ തുടങ്ങിയവ സംബന്ധിച്ച്​ ആഭ്യന്തര മന്ത്രാലയം നിർദേശം പുറത്തിറക്കി. പ്രചാരണം തുടങ്ങിയെങ്കിലും ഒരാൾക്ക്​ മത്സര രംഗത്തുനിന്ന്​ പിൻവാങ്ങാൻ അവസരമുണ്ട്​. നിർദിഷ്​ട ഫോമിൽ തയാറാക്കിയ അപേക്ഷ ​ഐൻ ഖാലിദിലെ തെരഞ്ഞെടുപ്പ്​ സമിതി ആസ്​ഥാനത്ത്​ സമർപ്പിച്ചുവേണം നോമിനേഷൻ പിൻവലിക്കാൻ.

തെരഞ്ഞെടുപ്പ്​ നടപടികൾ വീക്ഷിക്കുന്നതിനായി സ്​ഥാനാർഥിക്ക്​ ത​െൻറ പ്രതിനിധിയെ വേ​ാ​ട്ടെടുപ്പ്​ സ്​ഥലങ്ങളിൽ നിയമിക്കാൻ അവകാശമുണ്ട്​. അതിനായി തെരഞ്ഞെടുപ്പ്​ കമ്മിറ്റിയിൽനിന്ന്​ പവർ ഓഫ്​ അറ്റോണി അപേക്ഷ വഴി ത​െൻറ പ്രതിനിധിക്ക്​ അനുവാദം ​നേടണം. സെപ്​റ്റംബർ 23ന്​ മുമ്പായി അപേക്ഷ നൽകണമെന്ന്​ ആഭ്യന്തര മന്ത്രാലയം ആവശ്യപ്പെട്ടു. തെരഞ്ഞെടുപ്പി​െൻറ തലേ ദിനമായ ഒക്​ടോബർ ഒന്നിന്​ പ്രചാരണങ്ങൾ ഒന്നും പാടില്ല. 24 മണിക്കൂർ മുമ്പ്​ പ്രചാരണം അവസാനിപ്പിക്കണമെന്നാണ്​ നിർദേശം.