സീലൈനിൽ ബൈക്കിനും കാരവനും വിലക്ക്

ദോഹ: ലോകത്തിന്റെ വിവിധ ഭാഗങ്ങളിൽനിന്നായി ഫുട്ബാൾ പ്രേമികൾ എത്തിത്തുടങ്ങവെ സഞ്ചാരികളുടെ പ്രധാന ആകർഷണ കേന്ദ്രമായ സീലൈൻ ബീച്ചിൽ നിയന്ത്രണം പ്രഖ്യാപിച്ച് പരിസ്ഥിതി- കാലാവസ്ഥാ വ്യതിയാന മന്ത്രാലയം. നിർദേശം ശനിയാഴ്ച മുതൽ പ്രാബല്യത്തിൽവരും. മോട്ടോര്‍ സൈക്കിളുകള്‍, കാരവനുകള്‍, പോര്‍ട്ട്കാബിനുകള്‍, സെമി ട്രെയിലറുകള്‍ എന്നിവ ബീച്ചിലേക്ക് അനുവദിക്കില്ല.

അതേസമയം, സന്ദര്‍ശകര്‍ക്ക് സീലൈനില്‍ പ്രവേശിക്കുന്നതിനും വിനോദങ്ങളില്‍ ഏര്‍പ്പെടുന്നതിനും തടസ്സമുണ്ടാവില്ല. ലോകകപ്പ് ടൂർണമെന്റ് കഴിയുന്നതുവരെ ഈ നിയന്ത്രണം നിലനിൽക്കുമെന്ന് മന്ത്രാലയം അറിയിച്ചു.ലോകകപ്പിനെത്തുന്ന വിദേശകാണികൾക്ക് വിനോദ സഞ്ചാരത്തിനുള്ള സൗകര്യവും, സുരക്ഷയും ഉറപ്പുവരുത്തുന്നതിന്റെ ഭാഗമായാണ് മോട്ടോർ സൈക്കിൾ, കാരവൻ എന്നിവക്ക് നിയന്ത്രണം ഏർപ്പെടുത്തിയത്.