സംസ്കൃതി ഖത്തർ രക്തദാന ക്യാമ്പ് സംഘടിപ്പിച്ചു

ദോഹ: ഹമദ് മെഡിക്കൽ കോർപറേഷൻ ബ്ലഡ് ബാങ്കുമായി സഹകരിച്ച് സംസ്കൃതി ഖത്തർ രക്തദാന ക്യാമ്പ് സംഘടിപ്പിച്ചു.

ക്യാമ്പിൽ 202 പേർ രജിസ്റ്റർ ചെയ്തു. 160 പേർ രക്തദാനം നിർവഹിച്ചു. ഹമദ് ഓർഗൺ ഡോണർ കൗണ്ടറിൽ അവയദാനത്തിനുള്ള സമ്മതപത്രവും നല്കി. ഐ.സി.സി പ്രസിഡന്‍റ് പി.എൻ. ബാബുരാജൻ, ഐ.സി.ബി.എഫ് പ്രസിഡന്‍റ് സിയാദ് ഉസ്മാൻ, സെക്രട്ടറി സാബിത്ത് സഹീർ, ലോക കേരള സഭാംഗം അബ്ദുൾ റൗഫ് കൊണ്ടോട്ടി എന്നിവർ ക്യാമ്പിന് ആശംസകളറിയിച്ചു.

രക്തദാന ക്യാമ്പിന്‍റെ ഔദ്യോഗിക ഉത്ഘാടനം സംസ്കൃതി പ്രസിഡൻ്റ് അഹമ്മദ് കുട്ടി നിർവഹിച്ചു. കൺവീനർ സന്തോഷ് ഒ.കെ. സ്വാഗതം പറഞ്ഞു. പ്രമോദ് ചന്ദ്രൻ, ശിവാനന്ദൻ, സാൾട്ടസ് സാമുവൽ, ഇ.എം. സുധീർ എന്നിവരും എച്ച്.എം.സി പ്രതിനിധിയായ അബ്ദുൾ ഖാദറും ആശംസയർപ്പിച്ചു. സുനിൽ കുമാർ നന്ദി പറഞ്ഞു.