ശാന്തിനികേതന്‍ സ്കൂളിന് ഉജ്ജ്വലവിജയം

ദോഹ: സി.ബി.എസ്.സി പത്താംതരം പരീക്ഷയില്‍ ശാന്തിനികേതന്‍ ഇന്ത്യൻ സ്​കൂളിന്​ നൂറുശതമാനം വിജയം. 99 ശതമാനം മാർക്ക്​ നേടിയ ഗംഗ ചെക്കിവീട്ടിൽ മികച്ച പ്രകടനം കാഴ്​ചവെച്ചു. നീലിമ ഷാജി (97.2 ശതമാനം), മറിയം അബ്​ദുല്‍ സലാം (96.2 ശതമാനം) എന്നിവര്‍ യഥാക്രമം രണ്ടും മൂന്നും റാങ്കുകള്‍ കരസ്ഥമാക്കി.

മികച്ച വിജയം സമ്മാനിച്ച വിദ്യാർഥികളെയും സമഗ്രവും നിരന്തരവുമായ പരിശീലനത്തിലൂടെ വിദ്യാർഥികളെ വിജയത്തിലേക്ക് നയിച്ച അധ്യാപകരെയും പ്രചോദനം നൽകിയ രക്ഷിതാക്കളെയും സ്കൂള്‍ മാനേജ്മെൻറ്​ കമ്മിറ്റി പ്രസിഡൻറ്​ റഷീദ് അഹമ്മദ്, കമ്മിറ്റി അംഗങ്ങള്‍, പ്രിൻസിപ്പല്‍ ഡോ. സുഭാഷ്നായര്‍ എന്നിവര്‍ അഭിനന്ദിച്ചു.