സി.ഐ.സി മെഡിക്കൽ പരിശോധന പാക്കേജ്​

ദോഹ: ഖത്തറിലെ പ്രമുഖ മെഡിക്കൽ ഗ്രൂപ്പായ യാസ് മെഡ് ക്ലിനിക് ഗ്രൂപ്പിനു കീഴിലുള്ള പാർകോ മെഡിക്കൽ സെൻററുമായി സഹകരിച്ച്​ സി.ഐ.സി, വുമൺ ഇന്ത്യ, യൂത്ത് ഫോറം മദീന ഖലീഫ സോൺ അംഗങ്ങൾക്കായി പ്രത്യേക മെഡിക്കൽ പരിശോധന പാക്കേജ്​ നടപ്പാക്കുന്നു.

ഇതു സംബന്ധിച്ച കരാറിൽ ഇരുവിഭാഗവും ഒപ്പുവെച്ചു. ഫുൾ ബോഡി ചെക്കപ് , ജനറൽ കൺസൽട്ടേഷൻ, സ്പെഷലിസ്​റ്റ്​ കൺസൽട്ടേഷൻ, ഡെൻറൽ ചികിത്സ, ലബോറട്ടറി ടെസ്​റ്റുകൾ എന്നീ മേഖലകളിലാണ് കരാർ പ്രകാരം ആനുകൂല്യം ലഭ്യമാവുക.

യാസ് മെഡ് ക്ലിനിക് ഗ്രൂപ്പിനെ പ്രതിനിധാനം ചെയ്​ത്​ സി.ഇ.ഒ. ഡോക്ടർ യാസ്മിൻ ഹംസയും സി.ഐ.സിയെ പ്രതിനിധാനം ചെയ്​ത് സോണൽ വൈസ് പ്രസിഡൻറ്​ അബ്​ദുൽ അസീസ് പൊയിലും കരാറിൽ ഒപ്പുവെച്ചു. സി.ഐ.സി, വുമൻ ഇന്ത്യ, യൂത്ത്‌ഫോറം സോണൽ ഭാരവാഹികളും ചടങ്ങിൽ പങ്കെടുത്തു.