ഗസ്സയിലെ കുരുന്നുകൾക്ക്​ 'കാതോർത്ത്​' ഖത്തർ

ദോഹ: ഉപരോധവും, സംഘർഷവും കാരണം ദുരിതത്തിലായ ഗസ്സയിലെ കുരുന്നുകളുടെ ജീവിതത്തിലേക്ക്​ കേൾവിയും ശബ്​ദവുമായി ഖത്തറിന്‍റെ കാരുണ്യം. ഇസ്​ലാമികകാര്യ മന്ത്രാലയത്തി​െൻറയും ഹമദ് മെഡിക്കൽ കോർപറേഷ​െൻറയും ആഭിമുഖ്യത്തിൽ ഖത്തർ ഡെവലപ്മെൻറ് ഫണ്ടുമായി സഹകരിച്ച് ഗസ്സയിലെ കുട്ടികളിലെ ബധിരത മാറ്റാനുള്ള കോക്ലിയർ ഇംപ്ലാൻറ് ശസ്​ത്രക്രിയ നടപടികൾ പുനരാരംഭിച്ചു. ഗസ്സയിലെ ശൈഖ് ഹമദ് ബിൻ ഖലീഫ ആൽഥാനി റിഹാബിലിറ്റേഷൻ ആൻഡ് േപ്രാസ്​തെറ്റിക്സ്​ ആശുപത്രിയിലാണ് ശസ്​ത്രക്രിയ നടത്തുന്നത്. ബധിരത ബാധിച്ച കുട്ടികളുടെ ഒമ്പതാമത് സംഘത്തിനാണ് ശസ്​ത്രക്രിയ ആരംഭിച്ചത്. ഉപരോധത്താൽ പ്രയാസമനുഭവിക്കുന്ന ജനതക്ക് ഏറെ ആശ്വാസം പകരുന്നതാണ് ഖത്തറിന്‍റെ മേൽനോട്ടത്തിൽ കുട്ടികൾക്കായുള്ള കോക്ലിയർ ഇംപ്ലാൻറ് ശസ്​ത്രക്രിയകൾ. ബധിരത ബാധിച്ച കുട്ടികൾക്ക് മാത്രമല്ല, അവരുടെ കുടുംബങ്ങൾക്ക് കൂടി ഏറെ സന്തോഷം നൽകുന്നതാണ് പദ്ധതിയെന്നും, കോക്ലിയർ ഇംപ്ലാൻറ് ശസ്​ത്രക്രിയ പുനരാരംഭിക്കാൻ സാധിച്ചതിൽ ഏറെ സന്തോഷമുണ്ടെന്നും ശൈഖ് ഹമദ് ആശുപത്രി ബോർഡ് ഓഫ് ഡയറക്ടേഴ്സ്​ ചെയർമാൻ സുൽത്താൻ അൽ അസീരി വാർത്തക്കുറിപ്പിൽ വ്യക്തമാക്കി.

ഔഖാഫ് മന്ത്രാലയത്തിനു കീഴിലെ ജനറൽ അഡ്മിനിസ്​േട്രഷൻ ഓഫ് എൻഡോവ്മെൻറ്സും പൊതുജനാരോഗ്യ മന്ത്രാലയത്തിനു കീഴിൽ ഹമദ് മെഡിക്കൽ കോർപറേഷനും തമ്മിലുള്ള സഹകരണ കരാറി​െൻറ ഭാഗമായാണ് ശസ്​ത്രക്രിയകൾ. മൂന്നു മുതൽ ആറു വയസ്സു വരെയുള്ള കുട്ടികളിലാണ് കോക്ലിയർ ഇംപ്ലാൻറ് ശസ്​ത്രക്രിയ നടത്തുന്നത്​. ഔഖാഫ് മന്ത്രാലയവും ഖത്തർ പൊതുജനാരോഗ്യ മന്ത്രാലയവും തമ്മിലുള്ള അഞ്ച് വർഷത്തെ സഹകരണ കരാർ പ്രകാരം ഫലസ്​തീനിലെ ഗസ്സയിലും കിർഗിസ്താനിലുമായി 100 കുട്ടികളിൽ ശസ്​ത്രക്രിയ നടത്തുമെന്നും നേരത്തേ അധികൃതർ വ്യക്തമാക്കിയിരുന്നു. ഫലസ്​തീൻ റെഡ്ക്രസൻറ് സൊസൈറ്റിക്ക് കീഴിലെ അൽ ഖുദ്സ്​ ആശുപത്രിയിൽ നേരത്തേ 50 കുട്ടികളിൽ കോക്ലിയർ ഇംപ്ലാൻറ് ശസ്​ത്രക്രിയ നടത്തിയതായും അധികൃതർ അറിയിച്ചിരുന്നു. 2017മുതൽ ഹമദ് ആശുപത്രിയുടെ മേൽനോട്ടത്തിൽ ഖത്തർ ഡെവലപ്മെൻറ് ഫണ്ടി​െൻറ സഹായത്തോടെ 231 കോക്ലിയർ ഇംപ്ലാൻറ് ശസ്​ത്രക്രിയകൾ വിവിധ ഭാഗങ്ങളിലായി ഖത്തർ മെഡിക്കൽ സംഘം പൂർത്തിയാക്കിയിട്ടുണ്ട്.