കോൺകകാഫ് ഗോൾഡ് കപ്പ്: സാധ്യതാ ടീമിനെ പ്രഖ്യാപിച്ച് ഖത്തർ

ദോ​ഹ: ജൂ​ൺ-​ജൂ​ലൈ മാ​സ​ങ്ങ​ളി​ൽ അ​മേ​രി​ക്ക​യി​ലും കാ​ന​ഡ​യി​ലു​മാ​യി ന​ട​ക്കു​ന്ന കോ​ൺ​ക​കാ​ഫ് ഗോ​ൾ​ഡ് ക​പ്പ് ഫു​ട്ബാ​ളി​നു​ള്ള ഖ​ത്ത​റി​ന്റെ 26 അം​ഗ ടീ​മി​നെ കോ​ച്ച് കാ​ർ​ലോ​സ് ക്വി​റോ​സ് പ്ര​ഖ്യാ​പി​ച്ചു. സീ​നി​യ​ർ താ​ര​ങ്ങ​ൾ​ക്കെ​ല്ലാം വി​ശ്ര​മം ന​ൽ​കി, പു​തു​മു​ഖ​ങ്ങ​ളെ​യും യു​വ​ര​ക്ത​ങ്ങ​ളെ​യും ഉ​ൾ​പ്പെ​ടു​ത്തി​യാ​ണ് കോ​ച്ച് ക്വി​റോ​സ് ത​ന്റെ ആ​ദ്യ ദൗ​ത്യ​ത്തി​നു​ള്ള അ​ന്നാ​ബി സം​ഘ​ത്തെ പ്ര​ഖ്യാ​പി​ച്ച​ത്. നാ​യ​ക​ൻ ഹ​സ​ൻ അ​ൽ ഹൈ​ദോ​സ്, മു​ന്നേ​റ്റ​ത്തി​ലെ സൂ​പ്പ​ർ​താ​രം അ​ക്രം അ​ഫി​ഫ്, ബൗ​ദി​യാ​ഫ് ഉ​ൾ​പ്പെ​ടെ സീ​നി​യ​ർ താ​ര​ങ്ങ​ളൊ​ന്നും ടീ​മി​ലി​ല്ല.

ആ​സ്പ​യ​ർ അ​ക്കാ​ദ​മി​യി​ൽ 41 അം​ഗ ടീ​മി​ന്റെ പ​രി​ശീ​ല​ന​ത്തി​ൽ പ​ങ്കാ​ളി​യാ​യ​ശേ​ഷ​മാ​ണ് കോ​ച്ച് ടൂ​ർ​ണ​മെ​ന്റി​നു​ള്ള സം​ഘ​ത്തെ പ്ര​ഖ്യാ​പി​ച്ച​ത്. ഓ​സ്ട്രി​യ​യി​ൽ ആ​രം​ഭി​ക്കു​ന്ന പ​രി​ശീ​ല​ന സെ​ഷ​ൻ പൂ​ർ​ത്തി​യാ​ക്കി​യ​ശേ​ഷം മേ​യ് 30ന് 21 ​അം​ഗ അ​ന്തി​മ സം​ഘ​ത്തെ പ്ര​ഖ്യാ​പി​ക്കും. ജൂ​ൺ 24ന് ​കി​ക്കോ​ഫ് കു​റി​ക്കു​ന്ന കോ​ൺ​ക​കാ​ഫ് ഗോ​ൾ​ഡ് ക​പ്പി​ൽ അ​തി​ഥി ടീ​മാ​യാ​ണ് ഖ​ത്ത​ർ മ​ത്സ​രി​ക്കു​ന്ന​ത്. ജൂ​ലൈ 16നാ​ണ് ടൂ​ർ​ണ​മെ​ന്റി​ന്റെ ഫൈ​ന​ൽ. അ​മേ​രി​ക്ക​യി​ലേ​ക്ക് പു​റ​പ്പെ​ടും​മു​മ്പ് ജൂ​ൺ എ​ട്ടി​ന് ക്രൊ​യേ​ഷ്യ, 15ന് ​ജ​മൈ​ക്ക, 19ന് ​ന്യൂ​സി​ല​ൻ​ഡ് ടീ​മു​ക​ൾ​ക്കെ​തി​രെ ഖ​ത്ത​ർ ക​ളി​ക്കു​ന്നു​ണ്ട്.

ഗ്രൂ​പ് ‘ബി’​യി​ൽ മെ​ക്സി​കോ, ഹെ​യ്തി, ഹോ​ണ്ടു​റ​സ് ടീ​മു​ക​ൾ​ക്കൊ​പ്പ​മാ​ണ് ഖ​ത്ത​റി​ന്റെ സ്ഥാ​നം. 25ന് ​ഹോ​ണ്ടു​റ​സി​നെ​തി​രെ​യാ​ണ് ഗ്രൂ​പ്പി​ലെ ആ​ദ്യ മ​ത്സ​രം. 2021ൽ ​കോ​ൺ​ക​കാ​ഫി​ൽ ക​ളി​ച്ച ഖ​ത്ത​ർ സെ​മി ഫൈ​ന​ൽ വ​രെ എ​ത്തി​യി​രു​ന്നു. ക​ഴി​ഞ്ഞ പ​ത്തു വ​ർ​ഷ​​ത്തോ​ളം ദേ​ശീ​യ ടീ​മി​ന്റെ ഭാ​ഗ​മാ​യി​രു​ന്ന മു​ൻ പ​രി​ശീ​ല​ക​ൻ ഫെ​ലി​ക്സ് സാ​ഞ്ച​സ് ലോ​ക​ക​പ്പി​നു പി​ന്നാ​ലെ സ്ഥാ​ന​മൊ​ഴി​ഞ്ഞ​തോ​ടെ​യാ​ണ് പോ​ർ​ചു​ഗ​ൽ കോ​ച്ചാ​യ കാ​ർ​ലോ​സ് ക്വി​റോ​സ് ഖ​ത്ത​ർ ദേ​ശീ​യ ടീ​മി​ന്റെ പ​രി​ശീ​ല​ക​നാ​യി സ്ഥാ​ന​മേ​റ്റ​ത്. അ​ദ്ദേ​ഹ​ത്തി​നു കീ​ഴി​ൽ ആ​ദ്യ​ത്തെ സു​പ്ര​ധാ​ന ടൂ​ർ​ണ​മെ​ന്റി​നു​ള്ള ഒ​രു​ക്ക​ത്തി​ലാ​ണ് അ​ന്നാ​ബി.