നബിവിവാഹങ്ങളിലെ വിവാദം അനാവശ്യം -എം.എം. അക്ബർ
text_fieldsഖത്തർ ഇന്ത്യൻ ഇസ്ലാഹി സെന്റർ ഹാളിൽ തുറന്ന സംവാദത്തിൽ എം.എം. അക്ബർ സംസാരിക്കുന്നു
ദോഹ: നിച്ച് ഓഫ് ട്രൂത്ത് ഖത്തർ ചാപ്റ്റർ 'നബി വിവാഹങ്ങൾ എന്നും മാതൃകാപരമാണ്'എന്ന വിഷയത്തിൽ തുറന്ന സംവാദം സംഘടിപ്പിച്ചു. ഇസ്ലാം എന്ന പവിത്രമതത്തെ സമൂഹത്തിനുമുന്നിൽ താറടിച്ചുകാണിക്കുക എന്ന ദുരുദ്ദേശ്യത്തിൽനിന്നും പ്രവാചകന്മാരെയും അവരുടെ പത്നിമാരെയും കുറിച്ച് തെറ്റിദ്ധാരണ പരത്തുന്ന വ്യാഖ്യാന ശൈലികളിൽനിന്നും പിന്മാറണമെന്നും മുൻ നൂറ്റാണ്ടുകളിലെ ചരിത്രപുരുഷന്മാർ വിവാഹം കഴിച്ച സ്ത്രീകളുടെ പ്രായം പരിശോധിച്ചാൽ നബി വിവാഹപ്രായ വിവാദം അനാവശ്യമാണെന്നു ബോധ്യപ്പെടുമെന്നും എം.എം. അക്ബർ പറഞ്ഞു.
നബിയുടെ ആദ്യ വിവാഹം തങ്ങളുടെ പ്രായത്തെക്കാൾ ഇരട്ടി പ്രായമുള്ള സ്ത്രീയുമായിട്ടായിരുന്നു എന്നത് വിമർശകർ കണ്ടില്ലെന്നു നടിക്കുന്നു. ശേഷം നടന്ന വിവാഹങ്ങൾ മുഴുവൻ പരിശോധിക്കണമെന്നും ഓരോ വിവാഹത്തിന്റെയും പശ്ചാത്തലം എന്തായിരുന്നുവെന്നു പഠിക്കണമെന്നും അദ്ദേഹം ഓർമിപ്പിച്ചു. മുനീർ മങ്കട അധ്യക്ഷത വഹിച്ചു. നജീബ് അബൂബക്കർ മോഡറേറ്ററായി. മുഹമ്മദ് മിസ്ബാഹ്, ഖല്ലാദ് ഇസ്മായിൽ സംസാരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.