കോവിഡ്​: പുതിയ രോഗികൾ 249

ദോഹ: ഖത്തറിൽ ഇന്നലെ 249 പേർക്കുകൂടി കോവിഡ്​ സ്​ഥിരീകരിച്ചു. ഇതിൽ 38 പേർ വിദേശത്തുനിന്ന് തിരിച്ചെത്തിയവരാണ്​. 266 പേരാണ്​ രോഗമുക്തി നേടിയത്​. നിലവിലുള്ള ആകെ രോഗികൾ 2707 ആണ്​. ഇന്നലെ 12,064 പേരെയാണ്​ പരിശോധിച്ചത്​. ഇന്നലെ ആരും മരിച്ചിട്ടില്ല. ആകെ മരണം 232 ആണ്​. ഇതുവരെ 10,01,488 പേരെ പരിശോധിച്ചപ്പോൾ 1,33,619 പേർക്കാണ്​ ആകെ വൈറസ്​ബാധയുണ്ടായത്​. മരിച്ചവരും രോഗം ഭേദമായവരും ഉൾപ്പെടെയാണിത്​. 1,30,680 പേർക്കാണ്​ ആകെ രോഗം ഭേദമായത്​. 304 പേരാണ്​ ആശുപത്രികളിൽ ചികിത്സയിലുള്ളത്​. 40 പേർ തീവ്രപരിചരണ വിഭാഗത്തിലാണ്​.