കോവിഡ്​: പുതിയ രോഗികൾ 613

ദോഹ: ഖത്തറിൽ ഞായറാഴ്ച613 പേർക്ക്​ കോവിഡ്​ സ്ഥിരീകരിച്ചു. 570 പേർക്ക്​ സമ്പർക്കത്തിലൂടെയാണ്​ രോഗബാധ. 43 പേർ വിദേശങ്ങളിൽനിന്നും മടങ്ങിയെത്തിയവരാണ്​.

8555 പേർ നിലവിൽ രോഗികളായുണ്ട്​. 1035 പേർ ഞായറാഴ്ച രോഗമുക്തി നേടി. 28,166 പേരെയാണ്​ കഴിഞ്ഞ ദിവസം പരിശോധിച്ചത്​.

നിലവിൽ 67 പേർ ആശുപത്രികളിൽ ചികിത്സയിലുണ്ട്​. ആറുപേരെ കഴിഞ്ഞ ദിവസം പ്രവേശിപ്പിച്ചതാണ്​. ഐ.സി.യുകളിൽ 40 പേരും ചികിത്സയിലുണ്ട്​. പുതുതായി ആരും പ്രവേശിക്കപ്പെട്ടിട്ടില്ല. ഞായറാഴ്​ച 12,420 ഡോസ്​ വാക്​സിൻ നൽകി. ഇതുവരെ നൽകിയ ആകെ ഡോസ്​ വാക്​സിന്‍റെ എണ്ണം 60.84 ലക്ഷം ആയി. 10.35 ലക്ഷം ബൂസ്​റ്റർ ഡോസ്​ വാക്സിനും നൽകി.