കോവിഡ്​: കിർഗിസ്​താന്​ ഖത്തറിൻെറ സഹായം

ദോഹ: കോവിഡ്​ പ്രതിരോധ നടപടികൾക്ക്​ കിർഗിസ്​താന്​ ഖത്തറിൻെറ സഹായം. ഖത്തർ ചാരിറ്റി അനുവദിച്ച വെൻറിലേറ്റർ അടങ്ങിയ മെഡിക്കൽ സഹായമാണ്​ കിർഗിസ്​താനിലേക്ക്​ അയച്ചത്​. കിർഗിസ്​താൻ വിദേശകാര്യമന്ത്രിയുടെ പ്രതിനിധിയായി എത്തിയ ആരോഗ്യവകുപ്പ്​ സഹമന്ത്രി, ഖത്തർ അംബാസഡർ ജാസിം സാലിഹ്​ അൽ ജാബിർ എന്നിവരാണ്​ സഹായം സ്വീകരിച്ചത്​.

420 ഓക്​സിജൻ ഉപകരണങ്ങൾ അടങ്ങിയ സഹായം ഏറെ വിലമതിക്കുന്നുവെന്നും ഖത്തറിന്​ നന്ദി അറിയിക്കുന്നതായും ആരോഗ്യ സഹമന്ത്രി പറഞ്ഞു. കോവിഡ്​ പ്രതിരോധത്തിലും വിവിധ മേഖലയിലെ ഉഭയകക്ഷി സഹകരണത്തിലും കിർഗിസ്​താനൊപ്പം എന്നും ഖത്തർ ഉണ്ടാവുമെന്ന്​ അംബാസഡർ അറിയിച്ചു.