ഇൗത്തപ്പഴ ഉൽപാദനം 27,000 ടൺ

ദോഹ: സീസണിൽ ഇൗത്തപ്പഴ ഉൽപാദനത്തിൽ രാജ്യം വൻ നേട്ടം സ്വന്തമാക്കിയെന്ന്​ ഖത്തർ മുനിസിപ്പാലിറ്റി-പരിസ്​ഥിതി മന്ത്രാലയത്തി​െൻറ റിപ്പോർട്ട്​. ഈ വർഷം 27,000 ടൺ ഈത്തപ്പഴം പ്രാദേശിക തോട്ടങ്ങൾ വഴി ഉൽപാദിപ്പിച്ചു. ലക്ഷ്യമിട്ടതി​െൻറ 76 ശതമാനത്തോളം വരും ഇത്​. പ്രതിവർഷം 10,000 ടൺ ഈത്തപ്പഴമാണ്​ ഇറക്കുമതി ചെയ്യുന്നത്​. അതേസമയം, 'നാഫ്​കാ'ക്കു കീഴിലുള്ള ഹസദ്​ ഫുഡ്​ കമ്പനി വിവിധങ്ങളായ ഈത്തപ്പഴങ്ങാണ്​ രാജ്യത്തിന്​ പുറത്തേക്ക്​ കയറ്റുമതി ചെയ്യുന്നത്​.

പ്രാദേശിക ഫാമുകൾക്കും കർഷകർക്കും സർക്കാർ കൂടുതൽ പിന്തുണ നൽകാൻ തുടങ്ങിയതോടെയാണ്​ രാജ്യത്തെ ഈത്തപ്പഴ ഉൽപാദനം വൻ​തോതിൽ വർധിക്കാൻ ഇടയായത്​. കൃഷിക്ക്​ ആവശ്യമായ സാ​ങ്കേതിക, സാമ്പത്തിക സഹായങ്ങളും പരിശീലനവും ഒരുക്കുന്നതിനൊപ്പം പരിസ്​ഥിതി-മുനിസിപ്പാലിറ്റി മന്ത്രാലയത്തിനു കീഴിൽ ദോഹ ഇൗത്തപ്പഴ ഫെസ്​റ്റും നടക്കുന്നുണ്ട്​. സീസണിലെ ആദ്യ ഫെസ്​റ്റ്​ വ്യാഴാഴ്​ചയാണ്​ ദോഹ സൂഖ്​ വഖിഫിൽ ആരംഭിച്ചത്​. ഈത്തപ്പഴവിപണിയിലെ ഖത്തർ വൈവിധ്യങ്ങൾ അറിയാൻ ആഗ്രഹിക്കുന്നവർ ജൂ​ൈല​ 30 വരെ നീണ്ടു നിൽക്കുന്ന ഫെസ്​റ്റ്​ സന്ദർശിക്കണമെന്ന്​ മന്ത്രാലയം അഭ്യർഥിച്ചു.