വിദ്യാഭ്യാസ മന്ത്രാലയ തീരുമാനം; രക്ഷിതാക്കൾക്ക്​ ആശ്വാസം

ദോഹ: ഖത്തറിൽ കുട്ടികളെ സ്​കൂളിൽ വിടണോ അതോ ഓൺലൈൻക്ലാസ്​ മാത്രം മതിയോ എന്ന്​ ഇനി രക്ഷിതാക്കൾക്ക്​ തീരുമാനിക്കാമെന്ന വിദ്യാഭ്യാസ മന്ത്രാലയത്തിൻെറ പുതിയ തീരുമാനം രക്ഷിതാക്കൾക്ക്​ നൽകുന്നത്​ ഏ​െറ ആശ്വാസം. സെപ്​റ്റംബർ ഒന്നുമുതൽ രാജ്യത്തെ എല്ലാ സ്​കൂളുകളും തുറന്നുപ്രവർത്തിക്കാൻ തുടങ്ങിയിരുന്നു. എന്നാൽ, പരിശോധനയിൽ ചില സ്​കൂളുകളിലെ കുട്ടികൾക്കും അധ്യാപകരടക്കമുള്ള ജീവനക്കാർക്കും കോവിഡ്​ സ്ഥിരീകരിച്ചതോടെയാണ്​ രക്ഷിതാക്കളുടെ ആശങ്ക ഇരട്ടിച്ചത്​.

രാജ്യത്ത്​ കോവിഡ്​ പൂർണമായി ഇല്ലാതാകുന്നതിന്​ മുമ്പുത​ന്നെ സ്​കൂളുകൾ തുറക്കുന്നതിനെതിരെ രക്ഷിതാക്കൾ ആദ്യഘട്ടത്തിൽ തന്നെ രംഗത്തിറങ്ങിയിരുന്നു. എന്നാൽ, എല്ലാ പ്രതിരോധ നടപടികളും സ്വീകരിച്ചാണ്​ സ്​കൂളുകൾ തുറന്നത്​. മുൻകൂട്ടി തന്നെ എല്ലാ അധ്യാപകർക്കും ജീവനക്കാർക്കും കോവിഡ്​ പരിശോധന നടത്തിയിരുന്നു. സ്​കൂൾ തുറന്ന്​ ഇതുവരെ ആകെ 0.2 ശതമാനത്തിൽ താഴെ കുട്ടികൾക്കും അധ്യാപകർക്കും മാത്രമേ കോവിഡ്​ പോസിറ്റിവ്​ ആയിട്ടുള്ളൂവെന്ന്​ കഴിഞ്ഞ ദിവസം വിദ്യാഭ്യാസ മന്ത്രാലയവും ആരോഗ്യ മന്ത്രാലയവും നടത്തിയ സംയുക്​ത വാർത്തസമ്മേളനത്തിൽ അറിയിച്ചിരുന്നു. വിദ്യാഭ്യാസ മന്ത്രിയുടെ ഉപദേഷ്​ടാവ്​ മുഹമ്മദ്​ അൽ ബഷ്​രിയും കോവിഡ്​ നാഷനൽ സ്​ട്രാറ്റജിക്​ ഗ്രൂപ്​ തലവൻ ഡോ. അബ്​ദുൽലത്തീഫ്​ അൽ ഖാലുമാണ്​ വാർത്തസമ്മേളനത്തിൽ പ​ങ്കെടുത്തത്​. കുട്ടികൾ സ്​കൂളുകളിൽ എത്തു​േമ്പാൾ കോവിഡ്​ രോഗം ഉണ്ടാകുന്നു എന്ന ആശങ്ക വേണ്ട. എന്നാൽ, നിലവി​ലെ സാഹചര്യത്തിൽ കുടുംബസംഗമങ്ങളിലൂടെയും വീടുകളിലെ സന്ദർശനങ്ങൾക്കിടയിലുമാണ്​ രാജ്യത്ത്​ കോവിഡ്​ സ്​ഥിരീകരിക്കപ്പെടുന്നതെന്നും അധികൃതർ പറയുന്നു.

ഏതായാലും പുതിയ തീരുമാനം രക്ഷിതാക്കൾ സ്വാഗതം ചെയ്യുന്നുണ്ട്​. അടുത്തയാഴ്​ച മുതലാണ്​ രക്ഷിതാക്കൾക്ക്​ കുട്ടികളുടെ പഠനകാര്യത്തിൽ സ്വന്തമായി തീരുമാനമെടുക്കാൻ കഴിയുക. വേണമെങ്കിൽ കുട്ടികൾക്ക്​ ഓൺലൈൻ ക്ലാസ്​ മാത്രം മതിയെന്ന്​ തീരുമാനിക്കാം. അല്ലെങ്കിൽ നേരിട്ട്​ സ്​കൂളിലെത്തിയുള്ള നിലവിലുള്ള പഠനവും തിരഞ്ഞെടുക്കാം. സ്​കൂളുകൾക്കും മന്ത്രാലയത്തിനും ഇതിനായി ഏറെ നടപടിക്രമങ്ങൾ പൂർത്തിയാക്കാനുള്ളതിനാൽ അന്തിമമായ തീരുമാനമായിരിക്കും ഇത്​. ഇതിനാൽ ഏറെ ശ്രദ്ധയോടെ മാത്രമേ രക്ഷിതാക്കൾ അന്തിമ തീരുമാനമെടുക്കാവൂവെന്നും വിദ്യാഭ്യാസ മന്ത്രാലയം അധികൃതർ ആവശ്യ​െപ്പടുന്നുണ്ട്​.

സെപ്​റ്റംബർ ഒന്നുമുതൽ രാജ്യത്തെ സ്​കൂളുകൾ വീണ്ടും തുറന്നതിന്​ ശേഷമുള്ള സാഹചര്യങ്ങൾ വിലയിരുത്തിയശേഷമാണ്​ പുതിയ തീരുമാനം. അതേസമയം, എല്ലാ സ്​കൂളുകളിലും നിലവിലുള്ള ഓൺലൈൻ, നേരിട്ടുള്ള ക്ലാസ്​ റൂം പഠനം എന്നിവ സമന്വയിപ്പിച്ചുള്ള പഠനരീതി തുടരും. 30 ശതമാനം കുട്ടികൾ മാത്രമേ സ്​കൂളിൽ എത്തേണ്ടതുള്ളൂ.കോവിഡ്​ സ്​ഥിരീകരിച്ച ചില സ്​കൂളുകളിലെ ചില ക്ലാസ്​റൂമുകൾ അടച്ചിട്ടുണ്ട്​. അവിടങ്ങളിൽ എല്ലാ പ്രതിരോധ നടപടികളും സ്വീകരിച്ചിട്ടുമുണ്ട്​.അധിക സ്​കൂളുകളിലും 85 ശതമാനത്തിലധികമാണ് വിദ്യാർഥികളുടെ ഹാജർ നില.3,40,000ത്തിലധികം വിദ്യാർഥികളും 30,000ത്തിലധികം അധ്യാപകരും ജീവനക്കാരും സർക്കാർ–സ്വകാര്യ സ്​കൂളുകളിലായുണ്ട്​. വളരെ കുറച്ച് പേർക്ക് മാത്രമാണ് നിലവിൽ രോഗം സ്​ഥിരീകരിച്ചിരിക്കുന്നത്​.

കോവിഡ്–19 സ്​ഥിരീകരിച്ചതിനെ തുടർന്ന് ഖത്തറിലെ ചില സ്​കൂളുകളിലെ ചില ക്ലാസ്​ റൂമുകൾ താൽക്കാലികമായി പൂട്ടിയിരുന്നു. ഇന്ത്യൻ സ്​കൂളുകൾ അടക്കമുള്ളവ ഇതിൽ ഉൾപ്പെടും. അടച്ച ക്ലാസുകളിലെ വിദ്യാർഥികൾ ഒാൺലൈൻ വഴി ക്ലാസിൽ ഹാജരാകുന്നുമുണ്ട്​.ഒരു ഇന്ത്യൻ സ്​കൂളിലെ നാല് ബസ്​ ജീവനക്കാർക്ക് കോവിഡ് സ്​ഥിരീകരിച്ചിരുന്നു. നിലവിലെ ഓൺലൈൻ -ക്ലാസ്​ റൂം മിശ്ര പാഠ്യപദ്ധതി പ്രകാരം ആഴ്ചയിൽ ഒന്നോ രണ്ടോ ദിവസം മാത്രമാണ്​ ഒരു വിദ്യാർഥിക്ക് സ്​കൂളിലെത്തേണ്ടി വരുന്നത്​. ആദ്യ രണ്ടാഴ്ചയിൽ വിദ്യാർഥികളുടെ ഹാജർനില പരിഗണിച്ചിരുന്നില്ല.

സ്​കൂളിലെത്തിയുള്ള പഠനം ദുഷ്കരമായ ആരോഗ്യ പ്രശ്​നങ്ങളുള്ള വിദ്യാർഥികൾ ക്ലാസുകളിൽ നേരി​ട്ടെത്തേണ്ടതില്ലെന്നും മന്ത്രാലയം അറിയിച്ചിരുന്നു. ഇവർക്ക്​ ഇളവിനായി മെഡിക്കൽ സർട്ടിഫിക്കറ്റുകൾ ഹാജരാക്കിയാൽ മതി.വിട്ടുമാറാത്ത രോഗങ്ങളുള്ള വിദ്യാർഥികൾ, വീടുകളിൽ മാറാരോഗമുള്ള വിദ്യാർഥിയുടെ ഉറ്റബന്ധു എന്നിവർണ് സ്കൂളിലെത്തിയുള്ള പഠനത്തിൽ മന്ത്രാലയം ഇളവ് നൽകിയത്.കോവിഡ്​ ഭീഷണി പൂർണമായും ഒഴിയാത്ത സാഹചര്യത്തിൽ സെപ്​റ്റംബർ ഒന്നുമുതൽ സ്​കൂളുകൾ തുറക്കുന്നതിൽ രക്ഷിതാക്കൾ നേരത്തേതന്നെ ആശങ്ക അറിയിച്ചിരുന്നു. 2020–2021 അധ്യയന വർഷത്തിെൻറ ആദ്യ സെമസ്​റ്ററിൽ ഒാൺലൈൻ പഠനരീതി മാത്രം മതിയെന്ന് 'ദി പെനിൻസുല' നടത്തിയ ഓൺലൈൻ സർവേയിൽ പ​ങ്കെടുത്ത ഭൂരിഭാഗം രക്ഷിതാക്കളും ആവശ്യപ്പെട്ടിരുന്നു.കുറച്ച് രക്ഷിതാക്കൾ മാത്രമാണ് ക്ലാസ്​ റൂം പഠനം പുനരാരംഭിക്കണമെന്ന്​ ആവശ്യപ്പെട്ടത്​. കുട്ടികളുടെ ആരോഗ്യസുരക്ഷ മാത്രമാണ്​ തങ്ങൾ കണക്കിലെടുക്കുന്നതെന്നാണ്​ രക്ഷിതാക്കൾ പറയുന്നത്​. മന്ത്രാലയത്തി​െൻറ പുതിയ തീരുമാനത്തോടെ രക്ഷിതാക്കളുടെ ആശങ്കകൂടിയാണ്​ പരിഹരിക്ക​െപ്പടുന്നത്​.