ലോ​ക​ക​പ്പ്​ ലോ​ഗോ പ​തി​ച്ച് സു​ഗ​ന്ധ​ദ്ര​വ്യ​ങ്ങ​ൾ; ന​ട​പ​ടി

ദോ​ഹ: വാ​ണി​ജ്യ, വ്യ​വ​സാ​യ മേ​ഖ​ല​യി​ലെ നി​യ​മ ലം​ഘ​ന​ങ്ങ​ൾ ക​ണ്ടെ​ത്താ​നാ​യു​ള്ള മ​ന്ത്രാ​ല​യ​ത്തി‍െൻറ പ​രി​ശോ​ധ​ന​ക​ൾ സ​ജീ​വ​മാ​കു​ന്നു. ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി തു​ട​രു​ന്ന പ​രി​ശോ​ധ​ന​യു​ടെ ഭാ​ഗ​മാ​യി സൗ​ത്​ മു​ഐ​ദ​റി​ൽ ട്രേ​ഡി​ങ്​ ലൈ​സ​ൻ​സ്​ ഇ​ല്ലാ​തെ പ്ര​വ​ർ​ത്തി​ക്കു​ന്ന സു​ഗ​ന്ധ​ദ്ര​വ്യ ഉ​ൽ​പാ​ദ​ന ഫാ​ക്​​ട​റി​ക്കെ​തി​രെ ന​ട​പ​ടി സ്വീ​ക​രി​ച്ചു. അ​ത്ത​റു​ക​ൾ, ച​ന്ദ​ന​ത്തി​രി, ഊ​ദ്​ എ​ന്നി​വ നി​ർ​മി​ക്കു​ന്ന ഫാ​ക്​​ട​റി​യി​ലാ​ണ്​ നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യ​ത്. ലോ​ക​ക​പ്പ്​ ലോ​ഗോ പ​തി​ച്ച്​ വ്യാ​ജ​മാ​യി ഉ​ൽ​പ​ന്ന​ങ്ങ​ൾ നി​ർ​മി​ച്ച്​ വി​ൽ​ക്കു​ന്ന​താ​യും ക​ണ്ടെ​ത്തി. കു​റ്റ​ക്കാ​ർ​ക്കെ​തി​രെ ശ​ക്​​ത​മാ​യ ന​ട​പ​ടി സ്വീ​ക​രി​ക്കു​മെ​ന്ന്​ അ​ധി​കൃ​ത​ർ അ​റി​യി​ച്ചു.

2022ൽ ​ഖ​ത്ത​ർ വേ​ദി​യാ​വു​ന്ന ഫി​ഫ ലോ​ക​ക​പ്പി‍െൻറ ഔ​ദ്യോ​ഗി​ക ലോ​ഗോ അ​നു​മ​തി​യി​ല്ലാ​​തെ പ​തി​ച്ചാ​യി​രു​ന്നു വ്യാ​ജ ഉ​ൽ​പ​ന്ന​ങ്ങ​ൾ നി​ർ​മി​ച്ച​ത്. ഫി​ഫ ബ്രാ​ൻ​ഡി​ങ്​ ​നി​യ​മ​പ്ര​കാ​ര​വും ഇ​ത്​ കു​റ്റ​കൃ​ത്യ​മാ​ണ്. വാ​ണി​ജ്യ, വ്യ​വ​സാ​യ മേ​ഖ​ല​ക​ളി​ൽ നി​യ​മ​ലം​ഘ​ന​ങ്ങ​ൾ ത​ട​യു​ന്ന​തി‍െൻറ ഭാ​ഗ​മാ​യി മ​​ന്ത്രാ​ല​യം നേ​തൃ​ത്വ​ത്തി​ൽ ക​ഴി​ഞ്ഞ ദി​വ​സ​ങ്ങ​ളി​ലാ​യി പ​രി​ശോ​ധ​ന സ​ജീ​വ​മാ​ണ്. പ്ര​മു​ഖ വ്യാ​പാ​ര ശൃം​ഖ​ല​യു​ടെ നാ​ല്​ ശാ​ഖ​ക​ൾ ഒ​രു മാ​സ​ത്തേ​ക്ക്​ അ​ട​ച്ചു​പൂ​ട്ടാ​ൻ ക​ഴി​ഞ്ഞ ദി​വ​സം നി​ർ​ദേ​ശം ന​ൽ​കി​യി​രു​ന്നു. ഇ​റ​ക്കു​മ​തി ചെ​യ്​​ത പ​ഴം, പ​ച്ച​ക്ക​റി, മാം​സം ഉ​ൽ​പ​ന്ന​ങ്ങ​ളി​ൽ രാ​ജ്യ​ത്തി‍െൻറ പേ​ര്​ മാ​റ്റി വി​ൽ​പ​ന ന​ട​ത്തി​യ​തി​നും കാ​ലാ​വ​ധി തീ​യ​തി​യി​ൽ കൃ​ത്രി​മം ന​ട​ത്തി​യ​തി​നു​മാ​യി​രു​ന്നു ന​ട​പ​ടി.