പ്രമേഹരോഗികൾ ​ശ്രദ്ധിക്കണം, ഡയബറ്റിക് ഫൂട്ടിനെ

ദോഹ: കാലുകൾക്കുണ്ടാകുന്ന ഡയബറ്റിക് ഫൂട്ട്​ രോഗം സംബന്ധിച്ച്​ പ്രമേഹരോഗികൾ ജാഗ്രത പാലിക്കണമെന്ന്​ ൈപ്രമറി ഹെൽത്ത് കെയർ കോർപറേഷൻ (പി.എച്ച്.സി.സി). മുറിവ്, വീക്കം, ബാക്ടീരിയ-ഫംഗസ്​ കാരണമുണ്ടാകുന്ന ഇൻഫെക്​ഷൻ എന്നിവയാണ് ഡയബറ്റിക് ഫൂട്ടിെൻറ പ്രധാന ലക്ഷണങ്ങളെന്നും പി.എച്ച്.സി.സി അറിയിച്ചു. ദീർഘകാലം രക്തത്തിലെ ഗ്ലൂക്കോസിെൻറ അളവ് കൂടിയ നിലയിലുള്ളവർക്കാണ് ഡയബറ്റിക് ഫൂട്ട് രോഗം വരുന്നത്​.

ദീർഘകാലം രക്തത്തിലെ ഗ്ലൂക്കോസി​െൻറ അളവ് കൂടിയ നിലയിലുള്ളവർക്കാണ് ഈ രോഗം വരിക. പ്രമേഹം കാരണം കാലിലെ ഞരമ്പുകൾ ദുർബലമായതിനാൽ കാലിന് സംഭവിക്കുന്ന നിർവികാരത മൂലമാണ് ഡയബറ്റിക് ഫൂട്ട് ഉണ്ടാകുന്നത്​. ഇതിനെ നിസ്സാരമാക്കുകയാണെങ്കിൽ ഗുരുതര ആരോഗ്യ പ്രശ്നങ്ങൾ അഭിമുഖീകരിക്കേണ്ടി വരും. കാലിൽ മുറിവ്, വീക്കം, ബാക്ടീരിയൽ/ഫംഗസ്​ ഇൻഫെക്​ഷൻ, പഴുപ്പ് തുടങ്ങിയവയാണ് ഇതിെൻറ പ്രധാന ലക്ഷണങ്ങൾ.

ഡയബറ്റിക് ഫൂട്ടിനെ പ്രതിരോധിച്ച് നിർത്തുകയെന്നതാണ് പ്രമേഹരോഗികൾ പ്രധാനമായും ശ്രദ്ധിക്കേണ്ടതെന്ന്​ അൽ വക്റ ഹെൽത്ത് സെൻറർ ഫാമിലി മെഡിസിൻ സ്​പെഷലിസ്​റ്റ് ഡോ. മുറാദ് മുത്​ലഖ് മിഖ്ദാദി പറയുന്നു. ഡയബറ്റിക് ഫൂട്ടിൽനിന്ന്​ രക്ഷ നേടുന്നതിന് ഏറ്റവും മികച്ച വഴി രക്തസമ്മർദത്തെ അതിെൻറ സാധാരണ നിലക്കുള്ളിൽ നിയന്ത്രിക്കുകയെന്നതാണ്​. ഓരോ രോഗിക്കും ഇത് വ്യത്യസ്​തമായ അളവിലായിരിക്കും. എല്ലാ പ്രമേഹ രോഗികളും ദിവസേന തങ്ങളുടെ കാലുകൾ പരിശോധിക്കണം. മുറിവ്, അസാധാരണമായ ചുവപ്പ്, വീക്കം, പുളിപ്പ്, തൊലിയുടെ നിറം മാറുക, മുറിവ് പറ്റിയാൽ ഭേദമാകുന്നതിന് സമയമെടുക്കുക തുടങ്ങിയവ ശ്രദ്ധയിൽ പെടുകയാണെങ്കിൽ ഉടൻ തന്നെ ഡോക്ടറെ കണ്ട് ഉപദേശം തേടണം.