ഖ​ത്ത​റി​ന്റെ ന​യ​ത​ന്ത്ര വി​ജ​യം; റ​ഷ്യ​ൻ ത​ട​വി​ലാ​യ യു​ക്രെ​യ്ൻ കു​ട്ടി​ക​ൾ കു​ടും​ബ​ങ്ങ​ളി​ലേ​ക്ക്

ദോ​ഹ: നയതന്ത്ര രംഗത്ത് ഖത്തറിന് മറ്റൊരു പൊൻതൂവൽ കൂടി നൽകി, യു​ദ്ധ​ത്തെ തു​ട​ർ​ന്ന് റ​ഷ്യ​യി​ൽ കു​ടു​ങ്ങി​യ യു​ക്രെ​യ്ൻ കു​ട്ടി​ക​ൾ മാ​താ​പി​താ​ക്ക​ൾ​ക്ക​രി​കി​ലേ​ക്ക്. 2022 ഫെ​ബ്രു​വ​രി​യി​ൽ ആ​രം​ഭി​ച്ച റ​ഷ്യ​യു​ടെ യു​ക്രെ​യ്ൻ അ​ധി​നി​വേ​ശ​ത്തി​നു പി​ന്നാ​ലെ സൈ​ന്യം പി​ടി​കൂ​ടു​ക​യും അ​തി​ർ​ത്തി ക​ട​ന്ന റ​ഷ്യ​ൻ മേ​ഖ​ല​യി​ൽ കു​ടു​ങ്ങു​ക​യും ചെ​യ്ത് ഒ​റ്റ​പ്പെ​ട്ട കു​ട്ടി​ക​ളി​ൽ നാ​ലു​പേ​രു​ടെ മോ​ച​ന​മാ​ണ് ഖ​ത്ത​റി​ന്റെ മ​ധ്യ​സ്ഥ​ത​യി​ലൂ​ടെ സാ​ധ്യ​മാ​യ​ത്. ര​ണ്ട് മു​ത​ൽ 17 വ​യ​സ്സു​വ​രെ പ്രാ​യ​മു​ള്ള​വ​രാ​ണ് നാ​ല് കു​ട്ടി​ക​ൾ. മോ​ചി​ത​രാ​യ എ​ല്ലാ​വ​രും മോ​സ്കോ​യി​ലെ ഖ​ത്ത​ർ എം​ബ​സി വ​ഴി ത​ങ്ങ​ളു​ടെ മാ​താ​പി​താ​ക്ക​ൾ​ക്കൊ​പ്പം ചേ​രു​മെ​ന്നും, മ​ധ്യ​സ്ഥ ശ്ര​മ​വു​മാ​യി സ​ഹ​ക​രി​ച്ച റ​ഷ്യ, യു​ക്രെ​യ്ൻ സ​ർ​ക്കാ​റു​ക​ൾ​ക്ക് ന​ന്ദി അ​റി​യി​ക്കു​ന്ന​താ​യും ഖ​ത്ത​ർ വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ അ​റി​യി​ച്ചു.

മാ​താ​പി​താ​ക്ക​ൾ​ക്കൊ​പ്പം ചേ​ർ​ന്ന് ബാ​ല​ൻ സ​ന്തോ​ഷം പ​ങ്കു​വെ​ക്കു​ന്ന ചി​ത്ര​ങ്ങ​ൾ ഖ​ത്ത​ർ വി​ദേ​ശ​കാ​ര്യ​മ​ന്ത്രാ​ല​യം അ​ന്താ​രാ​ഷ്ട്ര സ​ഹ​ക​ര​ണ മ​ന്ത്രി ലു​ൽ​വ അ​ൽ കാ​തി​ർ ട്വി​റ്റ​റി​ലൂ​ടെ പ​ങ്കു​വെ​ച്ചു. നാ​ലു​പേ​രി​ൽ ഒ​രാ​ൾ റ​ഷ്യ​യി​ൽ​നി​ന്ന് എ​സ്തോ​ണി​യ, ലാ​ത്വി​യ, പോ​ള​ണ്ട് വ​ഴി യു​ക്രെ​യ്നി​ലെ കു​ടും​ബ​ത്തി​നൊ​പ്പം ഇ​തി​ന​കം ചേ​ർ​ന്നു. ഒ​രാ​ൾ ഖ​ത്ത​ർ വ​ഴി മാ​താ​വി​ന​രി​കി​ലെ​ത്തി​യ​പ്പോ​ൾ, ര​ണ്ടു പേ​ർ ഖ​ത്ത​ർ വ​ഴി ഈ​യാ​ഴ്ച​ത​ന്നെ യു​ക്രെ​യ്നി​ലെ കു​ടും​ബ​ത്തി​ലെ​ത്തും. യു​ദ്ധ​ത്തെ തു​ട​ർ​ന്ന് ആ​യി​ര​ക്ക​ണ​ക്കി​ന് കു​ട്ടി​ക​ളെ​യാ​ണ് റ​ഷ്യ​ൻ സൈ​ന്യം യു​ക്രെ​യ്നി​ൽ​നി​ന്ന് ക​ട​ത്തി​ക്കൊ​ണ്ടു​പോ​യ​ത്. അ​ന്താ​രാ​ഷ്ട്ര ത​ല​ത്തി​ൽ ഏ​റെ പ്ര​തി​ഷേ​ധ​ത്തി​നി​ട​യാ​ക്കി​യ സം​ഭ​വ​ത്തെ തു​ട​ർ​ന്ന് ക​ഴി​ഞ്ഞ മാ​ർ​ച്ചി​ൽ റ​ഷ്യ​ൻ പ്ര​സി​ഡ​ന്റ് വ്ലാ​ദ്മി​ർ പു​ടി​നെ​തി​രെ അ​ന്താ​രാ​ഷ്ട്ര ക്രി​മി​ന​ൽ കോ​ട​തി യു​ദ്ധ​ക്കു​റ്റം ചു​മ​ത്തി അ​റ​സ്റ്റ് വാ​റ​ന്റ് പു​റ​പ്പെ​ടു​വി​ച്ചി​രു​ന്നു.

മോ​സ്കോ​യി​ലെ ഖ​ത്ത​ർ എം​ബ​സി​യി​ൽ കു​ട്ടി​ക​ൾ​ക്കും അ​വ​രു​ടെ കു​ടും​ബ​ങ്ങ​ൾ​ക്കും ആ​തി​ഥേ​യ​ത്വം ഒ​രു​ക്കി​യ​താ​യി വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. മോ​സ്കോ​യി​ൽ​നി​ന്ന് ല​ക്ഷ്യ​സ്ഥാ​ന​ത്തേ​ക്ക് സു​ര​ക്ഷി​ത​മാ​യ യാ​ത്ര​ക്ക് എ​ല്ലാ​സൗ​ക​ര്യ​വും ന​ൽ​കു​ക​യും അ​വ​രെ ഖ​ത്ത​റി​ന്റെ സം​ഘം അ​നു​ഗ​മി​ക്കു​ക​യും ചെ​യ്ത​തു.

ഖ​ത്ത​റി​ന്റെ മാ​സ​ങ്ങ​ൾ നീ​ണ്ട മ​ധ്യ​സ്ഥ ച​ർ​ച്ച​ക​ൾ​ക്കൊ​ടു​വി​ലാ​ണ് റ​ഷ്യ​ൻ ക​സ്റ്റ​ഡി​യി​ലു​ള്ള കു​ട്ടി​ക​ളി​ൽ​നി​ന്ന് നാ​ലു​പേ​രു​ടെ മോ​ച​നം സാ​ധ്യ​മാ​യ​ത്. 2022 ഫെ​ബ്രു​വ​രി​യി​ൽ ആ​രം​ഭി​ച്ച അ​ധി​നി​​വേ​ശ​ത്തി​നു പി​ന്നാ​ലെ ഏ​റ്റ​വും സ​ങ്കീ​ർ​ണ​വും വി​വാ​ദ​വു​മാ​യ പ്ര​ശ്ന​ങ്ങ​ളി​ൽ ഒ​ന്നാ​യി​രു​ന്നു റ​ഷ്യ​യി​ൽ കു​ടു​ങ്ങി​യ യു​ക്രെ​യ്ൻ കു​ട്ടി​ക​ളു​ടെ ഭാ​വി. യു​ദ്ധ​ത്തി​നു പി​ന്നാ​ലെ 16,000 കു​ട്ടി​ക​ളെ റ​ഷ്യ​ൻ സൈ​ന്യം ക​ട​ത്തി​ക്കൊ​ണ്ടു​പോ​യെ​ന്നാ​യി​രു​ന്നു യു​ക്രെ​യ്ൻ ആ​രോ​പ​ണം. അ​തേ​സ​മ​യം, യു​ദ്ധ​ഭൂ​മി​യി​ൽ​നി​ന്നു​ള്ള കു​ട്ടി​ക​ളെ ദ​ത്തെ​ടു​ക്കാ​ൻ റ​ഷ്യ​ൻ കു​ടും​ബ​ങ്ങ​ൾ​ക്ക് അ​നു​മ​തി​ന​ൽ​കു​ന്ന പു​ടി​ന്റെ ഉ​ത്ത​ര​വ് ഏ​റെ വി​വാ​ദ​മാ​യി​രു​ന്നു. അ​ന്താ​രാ​ഷ്ട്ര​ത​ല​ത്തി​ൽ പ്ര​തി​ഷേ​ധ​ങ്ങ​ൾ​ക്കും വ​ഴി​വെ​ച്ചു. ഇ​തി​നി​ടെ​യാ​ണ് ഖ​ത്ത​ർ മ​ധ്യ​സ്ഥ​ശ്ര​മം ആ​രം​ഭി​ക്കു​ന്ന​ത്.

ക​ഴി​ഞ്ഞ ജൂ​ണി​ൽ ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്താ​ൻ ബി​ൻ ജാ​സിം ആ​ൽ​ഥാ​നി മോ​സ്കോ സ​ന്ദ​ർ​ശി​ച്ച് പു​ടി​ൻ ഉ​ൾ​പ്പെ​ടെ​യു​ള്ള​വ​രു​മാ​യി ച​ർ​ച്ച ന​ട​ത്തി​യി​രു​ന്നു. തു​ട​ർ​ന്ന് യു​ക്രെ​യ്നും സ​ന്ദ​ർ​ശി​ച്ചു. ഇ​തി​നി​ടെ, വി​വി​ധ മ​ധ്യ​സ്ഥ​ശ്ര​മ​ങ്ങ​ളി​ൽ ഏ​താ​നും കു​ട്ടി​ക​ളെ കു​ടും​ബ​ങ്ങ​ളി​ലെ​ത്തി​ക്കാ​നും ക​ഴി​ഞ്ഞി​രു​ന്നു. മ​ധ്യ​സ്ഥ​ദൗ​ത്യ​ത്തി​ലെ വി​ജ​യം അ​ന്ത​ർ​ദേ​ശീ​യ ത​ല​ത്തി​ൽ സ​മാ​ധാ​ന​വും സ്ഥി​ര​ത​യും സു​ര​ക്ഷ​യും ഉ​റ​പ്പാ​ക്കാ​നു​ള്ള പ്ര​തി​ബ​ദ്ധ​ത ഉ​റ​പ്പി​ക്കു​ന്ന​താ​ണെ​ന്ന് വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ വ്യ​ക്ത​മാ​ക്കി.

ആ​റാം മാ​സ​ത്തി​ൽ ഒ​റ്റ​പ്പെ​ട്ട​വ​ൻ; റ​ഷ്യ​ൻ അ​ധി​നി​വേ​ശ​സ​മ​യ​ത്ത് ആ​റു മാ​സ​മാ​യ ബാ​ല​ൻ ര​ണ്ടാം വ​യ​സ്സി​ലാ​ണ് കു​ടും​ബ​ത്തി​നൊ​പ്പം ചേ​രു​ന്ന​ത്

ദോ​ഹ: 2022 ഫെ​ബ്രു​വ​രി​യി​ൽ റ​ഷ്യ​ൻ​സേ​ന യു​ക്രെ​യ്ൻ മ​ണ്ണി​ലേ​ക്ക് അ​ധി​നി​വേ​ശം ന​ട​ത്തു​മ്പോ​ൾ ആ​റു മാ​സം മാ​ത്ര​മാ​യി​രു​ന്നു അ​വ​ന്റെ പ്രാ​യം. റ​ഷ്യ​യി​ൽ​നി​ന്ന് മോ​ച​ന​വാ​ർ​ത്ത അ​റി​യി​ച്ചു​കൊ​ണ്ട് ഖ​ത്ത​ർ വി​ദേ​ശ​കാ​ര്യ​മ​ന്ത്രാ​ല​യം ഇ​ന്റ​ർ​നാ​ഷ​ന​ൽ കോ​ർ​പ​റേ​ഷ​ൻ മ​ന്ത്രി ലു​ൽ​വ അ​ൽ കാ​തി​ർ പ​ങ്കു​വെ​ച്ച ചി​ത്ര​ത്തി​ൽ മു​ത്ത​ശ്ശി​​ക്കും റ​ഷ്യ​ൻ പ്ര​സി​ഡ​ന്റി​ന്റെ ബാ​ലാ​വ​കാ​ശ ക​മീ​ഷ​ൻ പ്ര​സി​ഡ​ന്റ് മ​റി​യ വോ​വ ​ബി​ലോ​വ​ക​ക്കും ന​ടു​വി​ലി​രി​ക്കു​ന്ന അ​വ​ന്റെ പ്രാ​യം ര​ണ്ടു വ​യ​സ്സ് പി​ന്നി​ട്ടി​രു​ന്നു. മോ​ച​ന​ത്തി​ന് മ​ധ്യ​സ്ഥ​ത വ​ഹി​ച്ച ഖ​ത്ത​ർ അ​ധി​കൃ​ത​ർ സ​മ്മാ​നി​ച്ച പൊ​തി​യി​ൽ​നി​ന്നും ഖ​ത്ത​റി​ന്റെ ദേ​ശീ​യ​പ​താ​ക ഉ​യ​ർ​ത്തി​പ്പി​ടി​ച്ച് സ​ന്തോ​ഷം പ​ങ്കു​വെ​ക്കു​ക​യാ​ണ് ര​ണ്ടു വ​യ​സ്സു​കാ​ര​ൻ.

യു​ക്രെ​യ്നെ റ​ഷ്യ ആ​ക്ര​മി​ക്കു​മ്പോ​ൾ സി​തോ​മി​ർ മേ​ഖ​ല​യി​ലെ ആ​ശു​പ​ത്രി​യി​ലാ​യി​രു​ന്നു ആ​റു മാ​സം മാ​ത്രം പ്രാ​യ​മു​ള്ള ബാ​ല​ൻ. മേ​ഖ​ല​യി​ൽ ആ​ക്ര​മ​ണം അ​ര​ങ്ങേ​റി​യ​തി​നു പി​ന്നാ​ലെ, അ​മ്മ​യും മ​ക​നും ത​മ്മി​ൽ ബ​ന്ധ​ങ്ങ​ൾ ന​ഷ്ട​മാ​യി. പി​​ന്നെ​യാ​ണ് റ​ഷ്യ​യു​ടെ അ​ധീ​ന​ത​യി​ലാ​യി മാ​റു​ന്ന​ത്. ഒ​ന്ന​ര വ​ർ​ഷ​ത്തോ​ളം നീ​ണ്ട കാ​ത്തി​രി​പ്പി​നൊ​ടു​വി​ൽ മോ​സ്കോ​യി​ലെ ഖ​ത്ത​ർ എം​ബ​സി​യി​ൽ വെ​ച്ച് മു​ത്ത​ശ്ശി​യെ ക​ണ്ട് അ​വ​ൻ വീ​ണ്ടും കു​ടും​ബ​ത്തി​ന്റെ ത​ണ​ലി​ലെ​ത്തു​ക​യാ​യി​രു​ന്നു.

ഏ​ഴു​വ​യ​സ്സു​കാ​ര​നാ​യ മ​റ്റൊ​രു കു​ട്ടി എ​സ്തോ​ണി​യ, പോ​ള​ണ്ട് വ​ഴി യു​ക്രെ​യ്നി​ലെ​ത്തി. അ​വ​ന്റെ അ​മ്മ ഇ​പ്പോ​ഴും റ​ഷ്യ​ൻ ത​ട​വി​ലാ​ണെ​ന്ന് വാ​ഷി​ങ്ട​ൺ പോ​സ്റ്റ് റി​പ്പോ​ർ​ട്ട് ചെ​യ്തു. ഒ​മ്പ​ത്, 17 വ​യ​സ്സു​ക​രാ​ണ് മ​റ്റു ര​ണ്ടു കു​ട്ടി​ക​ൾ.