ഹൃദയത്തെ പിണക്കരുതേ...

ഡോ. ബിഗേഷ്​ ഉണ്ണികൃഷ്​ണൻ നായർ (നസീം അൽ റബീഹ്​ മെഡിക്കൽ സെൻറർ) MBBS, MD, DM, FACC, FSCAI (USA) | Cardiology

ഇന്ന്​ ലോക ഹൃദയ ദിനമാണ്​. ഹൃദ്രോഗം ലോകത്ത്​ വർധിച്ച്​ വരികയാണ്​. ലോകമെമ്പാടും വ്യാപിക്കുന്ന ഹൃദയ സംബന്ധിയായ രോഗങ്ങളെ ചെറുക്കാൻ നടത്തേണ്ട ഇടപെടലുകൾക്കായി നമുക്ക്​ ഈ ഹൃദയദിനം മാറ്റിവെക്കാം. നിത്യ ജീവിത ചുറ്റുപാടുകളെ, ഹൃദയ രോഗ പരിപാലനത്തിന്​ ഉതകും വിധം നമുക്ക്​ ഓരോരുത്തർക്കും മാറ്റിയെടുക്കാം. അവ ഹൃദയ സംബന്ധിയായ നിങ്ങളുടെ ബുദ്ധിമുട്ടുകളെ ലഘൂകരിച്ച്​ നമുക്കുചുറ്റം ഒരു സുരക്ഷാ വലയം സൃഷ്​ടിക്കും.

സ്വിറ്റ്​സർലൻഡിലെ ജനീവ ആസ്​ഥാനമായി പ്രവർത്തിക്കുന്ന ലോക ഹൃദയ ഫൗണ്ടേഷനാണ്​ ലോക ഹൃദയ ദിനത്തിൽ ഈ സന്ദേശം ജനങ്ങളിലെത്തിക്കുന്നത്​. സെപ്​റ്റംബർ 29 ആണ്​ ലോക ഹൃദയ ദിനമായി ആചരിച്ചു വരുന്നത്​. ഈ ദിവസത്തിൽ ലോകത്തെമ്പാടും സൗജന്യ ഹൃദയ പരിശോധന, വ്യായാമ പരിശീലനം, പ്രഭാഷണം, ശാസ്​ത്രീയ ചർച്ചകൾ, പ്രദർശനങ്ങൾ, കായിക മത്സരങ്ങൾ, ​ഭക്ഷ്യോത്സവങ്ങൾ എന്നിവ നടന്നുവരുന്നു. ഹൃ​ദ്രോഗം ലോകത്ത്​ വർധിച്ചുവരികയാണെന്ന്​ പറഞ്ഞല്ലോ. ഹൃദ്രോഗത്തെ കുറിച്ചുള്ള നിങ്ങളുടെ ധാരണ ശരിയാണോ?.

ഞാൻ ചെറുപ്പമാണ്​, എനിക്ക്​ ഹൃദ്രോഗം ഉണ്ടാവില്ല, ഇപ്പോഴത്തെ ആരോഗ്യ ശീലങ്ങളും ജീവിത രീതികളും ഹ​ൃ​ദ്രോഗത്തിൻെറ സാധ്യത വർധിപ്പിക്കും. ചെറുപ്പത്തിൽ തന്നെ ​ഹൃദ്രോഗത്തിലേക്ക്​ വഴി തുറക്കാൻ ഇത്​ കാരണമാവും. ഉയർന്ന രക്​തസമ്മർദം തിരിച്ചറിയാനാകും, എല്ലായ്​പോഴും ഇത്​ ശരിയല്ല. നിശബ്​ദ മരണമെന്ന്​ രക്​തസമ്മർദത്തെ വിശേഷിപ്പിക്കാനും ഇതാണ്​ കാരണം. ഇടക്ക്​ രക്​ത സമ്മർദം പരിശോധിക്കുകയാണ്​ ഇത്​ ചെറുക്കാനുള്ള ഒരേയൊരു മാർഗം.

ഹൃദയം വേഗത്തിൽ സ്​പന്ദിക്കുന്നത്​ ഹാർട്ട്​ അറ്റാക്ക്​ വരുത്തും. നിങ്ങൾ ചെയ്യുന്ന പ്രവൃത്തികൾ അനുസരിച്ചിരിക്കും ഹൃദയമിടിപ്പിൻെറ വേഗതയും. വ്യായാമം ചെയ്​താൽ ഹൃദയമിടിപ്പ്​ കൂടാം. അതൊന്നും ഹാർട്ട്​ അറ്റാക്കല്ല. പക്ഷേ, താളംതെറ്റുന്ന ഹൃദയമിടിപ്പിന്​ പിന്നിൽ രോഗങ്ങൾ ഒളിച്ചിരിക്കുന്നുണ്ടാവാം. വിശ്രമിച്ചാൽ ഹൃദയ സ്​തംഭനം ചെറുക്കാം. ഹൃദയ സ്​തംഭനം നിങ്ങൾക്ക്​ വിശ്രമംകൊണ്ട്​ മാറ്റിയെടുക്കാവുന്നതല്ല. ഉടനടി ചികിത്സതേടണം. ഇല്ലെങ്കിൽ മരണം വരെ സംഭവിക്കാം.

നെഞ്ചുവേദനിക്കുന്നില്ലെങ്കി​ൽ, അത്​ ഹൃദയാഘാതമല്ല. നെഞ്ചുവേദന ഹാർട്ട്​ അറ്റാക്കിൻെറ ഒരു ലക്ഷണം മാത്രമാണ്​. ശ്വാസം കിട്ടാതിരിക്കുക, മനംപുരട്ടൽ, വിയർപ്പ്​, തലചുറ്റൽ, ശരീരത്തിൽ വേദന, എല്ലാം ലക്ഷണങ്ങളാണ്​.

ഹൃദയസംരക്ഷണത്തിന് നിർദേശങ്ങൾ

• പച്ചക്കറികൾ, പഴങ്ങൾ, പഴവർഗങ്ങൾ, ഉണക്കപ്പഴങ്ങൾ എന്നിവ ഭക്ഷണത്തിൽ ഉൾപ്പെടുത്തുക.
• മത്സ്യങ്ങൾ (സാൽമൺ, മത്തി, അയല മത്സ്യങ്ങൾ ), ഒമേഗ ത്രീ ഫാറ്റി ആസിഡ്​ അടങ്ങിയ മത്സ്യങ്ങൾ ഭക്ഷണത്തിൽ ഉൾപ്പെടുത്തുക.
• സസ്യ എണ്ണകൾ ഉപയോഗിക്കാവുന്നതാണ്​.
• അനാരോഗ്യകരമായ (ട്രാൻസ്​ഫാറ്റ്​) ഭക്ഷണങ്ങൾ ഒഴിവാക്കുക.
• പ്രമേഹം, ഉയർന്ന രക്ത സമ്മർദം, ഉയർന്ന കൊളസ്​ട്രോൾ ഇവയെല്ലാം ഹൃദ്രോഗത്തിനുള്ള സാധ്യത വർധിപ്പിക്കുന്നു. അതിനാൽ ഈ രോഗങ്ങൾ നിയന്ത്രണ​വിധേയമായി നിലനിർത്തുക.
• ശരീരത്തിൻെറ ഉയരത്തിന്​ ആനുപാതികമായിട്ടുള്ള ശരീരഭാരമാണ്​ ഒരാൾക്കുള്ളത്​ എന്ന്​ ഉറപ്പുവരുത്തുക.
• ദിവസേന നമ്മുടെ ദിനചര്യയുടെ ഭാഗമായി കുറഞ്ഞത്​ മുപ്പത്​ മിനിറ്റെങ്കിലും വ്യായാമം ശീലമാക്കുക.
• പുകവലി പരിപൂർണമായി ഉപേക്ഷിക്കുക.
• പതിവായി ആരോഗ്യപരിശോധന നടത്തുക.