ലോ​ക​ത്തെ മി​ക​ച്ച 30 ന​ഗ​ര​ങ്ങ​ളി​ൽ ദോ​ഹ​യും

ദോ​ഹ: രാ​ജ്യ​ത​ല​സ്ഥാ​ന​മാ​യ ദോ​ഹ ലോ​ക​ത്തെ മി​ക​ച്ച 30 ന​ഗ​ര​ങ്ങ​ളി​ൽ ഇ​ടം​പി​ടി​ച്ചു. ലോ​ക​ത്തെ മി​ക​ച്ച ന​ഗ​ര​ങ്ങ​ൾ, സ്ഥ​ല​ങ്ങ​ൾ, വി​ക​സ​നം തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട ​പ്ലേ​സ്മേ​ക്കി​ങ്, ബ്രാ​ൻ​ഡി​ങ്, മാ​ർ​ക്ക​റ്റി​ങ് എ​ന്നി​വ​യി​ലെ മു​ൻ​നി​ര ഉ​പ​ദേ​ശ​ക​രാ​യ റി​സോ​ണ​ൻ​സ് ക​ൺ​സ​ൽ​ട്ട​ൻ​സി​യു​ടെ പു​തി​യ റാ​ങ്കി​ങ്ങി​ലാ​ണ് ജീ​വി​ക്കാ​ൻ ഏ​റ്റ​വും മി​ക​ച്ച 30 ന​ഗ​ര​ങ്ങ​ളു​ടെ ലി​സ്റ്റി​ൽ ദോ​ഹ​യും ഇ​ടം​നേ​ടി​യ​ത്. പ​ട്ടി​ക​യി​ൽ ദോ​ഹ 27ാം സ്ഥാ​ന​ത്താ​ണ്.

പ​ത്ത് ല​ക്ഷ​ത്തി​നു​മേ​ൽ ജ​ന​സം​ഖ്യ​യു​ള്ള മെ​ട്രോ​പൊ​ളി​റ്റ​ൻ ന​ഗ​ര​ങ്ങ​ളെ​യാ​ണ് ഗ്ലോ​ബ​ൽ സി​റ്റീ​സ് റാ​ങ്കി​ങ്ങി​ൽ റി​സോ​ണ​ൻ​സ് ക​ൺ​സ​ൽ​ട്ട​ൻ​സി ഉ​ൾ​പ്പെ​ടു​ത്തി​യ​ത്. 24 വ്യ​ത്യ​സ്ത മേ​ഖ​ല​ക​ളി​ൽ ത​ദ്ദേ​ശീ​യ​രും സ​ന്ദ​ർ​ശ​ക​രും ന​ട​ത്തി​യ വി​ല​യി​രു​ത്ത​ലു​ക​ളും സ്ഥി​തി​വി​വ​ര​ക്ക​ണ​ക്കു​ക​ളും അ​ടി​സ്ഥാ​ന​മാ​ക്കി ആ​ഗോ​ള​ന​ഗ​ര​ങ്ങ​ളെ ആ​റ് പ്ര​ധാ​ന വി​ഭാ​ഗ​ങ്ങ​ളാ​യി ത​രം​തി​രി​ച്ചാ​ണ് റാ​ങ്കി​ങ്. ജീ​വി​ക്കാ​നും ജോ​ലി​ചെ​യ്യാ​നും നി​ക്ഷേ​പ​മി​റ​ക്കാ​നും സ​ന്ദ​ർ​ശ​ന​ത്തി​നും ഉ​ത​കു​ന്ന ഇ​ട​മാ​യാ​ണ് ​27ാമ​ത് മി​ക​ച്ച ന​ഗ​ര​മാ​യി ദോ​ഹ തി​ര​ഞ്ഞെ​ടു​ക്ക​പ്പെ​ട്ട​ത്.

മി​ഡി​ലീ​സ്റ്റി​ലെ അ​ടു​ത്ത ടൂ​റി​സം ഹോ​ട്സ്പോ​ട്ടാ​വാ​നു​ള്ള ല​ക്ഷ്യ​ങ്ങ​ളി​ലേ​ക്ക് ക​രു​ത്തോ​ടെ ഉ​റ്റു​നോ​ക്കു​ക​യാ​ണ് ഖ​ത്ത​ർ. ദോ​ഹ അ​തി​ന്റെ കി​രീ​ട​ത്തി​ലെ തി​ള​ക്ക​മാ​വു​ക​യാ​ണ് -റി​സോ​ണ​ൻ​സ് ക​ൺ​സ​ൽ​ട്ട​ൻ​സി പു​റ​ത്തി​റ​ക്കി​യ റി​പ്പോ​ർ​ട്ടി​ൽ പ​റ​യു​ന്നു.

‘ക​ഴി​ഞ്ഞ ഒ​രു നൂ​റ്റാ​ണ്ടി​ൽ ഖ​ത്ത​ർ താ​ണ്ടി​യ ദൂ​ര​മേ​റെ​യാ​ണ്. ഇം​ഗ്ല​ണ്ടി​ന്റെ അ​ധി​കാ​ര​ത്തി​ന് കീ​ഴി​ലാ​യി​രു​ന്ന​കാ​ല​ത്ത് ദു​ർ​ബ​ല​മാ​യ മ​ത്സ്യ​ബ​ന്ധ​ന വ്യ​വ​സാ​യ​ത്തി​​ന്റെ മാ​ത്രം പി​ൻ​ബ​ല​മു​ണ്ടാ​യി​രു​ന്ന പാ​വ​പ്പെ​ട്ട രാ​ജ്യ​മെ​ന്ന​തി​ൽ​നി​ന്ന് മാ​റി, ലോ​ക​ത്ത് ഏ​റ്റ​വു​മ​ധി​കം പ്ര​തി​ശീ​ർ​ഷ​വ​രു​മാ​ന​മു​ള്ള, സ്വ​ത​ന്ത്ര രാ​ജ്യ​മാ​ണി​ന്ന് ഖ​ത്ത​ർ. അ​ടി​സ്ഥാ​ന​സൗ​ക​ര്യ വി​ക​സ​ന​ത്തി​ൽ കു​തി​ച്ചു​ചാ​ട്ടം​ത​ന്നെ​യു​ണ്ടാ​യി.

ആ​ഗോ​ള​ത​ല​ത്തി​ൽ ഒ​ന്നാ​മ​തു​ള്ള പ്ര​തി​ശീ​ർ​ഷ വ​രു​മാ​നം, തൊ​ഴി​ൽ​നി​ര​ക്ക് എ​ന്നി​വ​ക്കൊ​പ്പം മൊ​ത്തം സ​മൃ​ദ്ധി​യി​ലും ഖ​ത്ത​ർ മു​ന്നി​ലാ​ണ്’ -റി​പ്പോ​ർ​ട്ടി​ൽ വി​ശ​ദീ​ക​രി​ക്കു​ന്നു.

ലി​സ്റ്റി​ൽ മി​ഡി​ലീ​സ്റ്റി​ൽ ര​ണ്ടാ​മ​ത് നി​ൽ​ക്കു​ന്ന ന​ഗ​ര​മാ​ണ് ദോ​ഹ. പ​ട്ടി​ക​യി​ൽ ദു​ബൈ അ​ഞ്ചാ​മ​തും അ​ബൂ​ദ​ബി 28ാമ​തു​മാ​ണ്. 83ാം സ്ഥാ​ന​ത്തു​ള്ള റി​യാ​ദ് ഉ​ൾ​പ്പെ​ടെ നാ​ല് അ​റ​ബ് ന​ഗ​ര​ങ്ങ​ളാ​ണ് നൂ​റു മി​ക​ച്ച ന​ഗ​ര​ങ്ങ​ളു​ടെ ലി​സ്റ്റി​ൽ ഇ​ടം​നേ​ടി​യ​ത്. സ​മ്പ​ദ്‌​വ്യ​വ​സ്ഥ, വ​രു​മാ​നം, പൗ​ര​ന്മാ​രു​ടെ സാ​മ്പ​ത്തി​ക സു​ര​ക്ഷ, നൂ​ത​ന​ത്വം എ​ന്നി​വ അ​ടി​സ്ഥാ​ന​മാ​ക്കി​യു​ള്ള സ​മൃ​ദ്ധി സൂ​ചി​ക​യി​ൽ ദോ​ഹ ഒ​ന്നാ​മ​താ​ണ്.

ആ​ധു​നി​ക ഹൈ​വേ​ക​ൾ, മെ​ട്രോ സി​സ്റ്റം, മ്യൂ​സി​യം ഓ​ഫ് ഇ​സ്‍ലാ​മി​ക് ആ​ർ​ട്ട്, പു​തി​യ ഖ​ത്ത​ർ നാ​ഷ​ന​ൽ മ്യൂ​സി​യം തു​ട​ങ്ങി​യ​വ ദോ​ഹ സി​റ്റി ടൂ​റി​സ്റ്റു​ക​ളു​ടെ ആ​ക​ർ​ഷ​ണ​കേ​ന്ദ്ര​മാ​ക്കി മാ​റ്റി. ഫി​ഫ ലോ​ക​ക​പ്പ് കാ​ല​ത്ത് പ​ടു​ത്തു​യ​ർ​ത്തി​യ ലു​സൈ​ൽ ഐ​ക​ണി​ക് സ്റ്റേ​ഡി​യം, 974 സ്റ്റേ​ഡി​യം, അ​ൽ ബെ​യ്ത്ത് സ്റ്റേ​ഡി​യം തു​ട​ങ്ങി​യ​വ ഖ​ത്ത​റി​ന്റെ നി​ർ​മാ​ണ​ചാ​തു​രി​യു​ടെ മ​കു​ടോ​ദാ​ഹ​ര​ണ​ങ്ങ​ളാ​യി ലോ​ക​ത്തി​ന്റെ പ്ര​ശം​സ​ക്ക് പാ​ത്ര​മാ​യി. നൂ​റി​ലേ​റെ ലോ​കോ​ത്ത​ര ഹോ​ട്ട​ലു​ക​ൾ പ​ടു​ത്തു​യ​ർ​ത്തി​യ​തും റി​സോ​ണ​ൻ​സ് ക​ൺ​സ​ൽ​ട്ട​ൻ​സി ത​ങ്ങ​ളു​ടെ റി​പ്പോ​ർ​ട്ടി​ൽ സൂ​ചി​പ്പി​ച്ചു.

ല​ണ്ട​ൻ, പാ​രി​സ്, ന്യൂ​യോ​ർ​ക്, ടോ​ക്യോ, ദു​ബൈ, ബാ​ഴ്സ​ലോ​ണ, റോം, ​മ​ഡ്രി​ഡ്, സിം​ഗ​പ്പൂ​ർ, ആം​സ്റ്റ​ർ​ഡാം എ​ന്നി​വ​യാ​ണ് ലി​സ്റ്റി​ൽ ഒ​ന്നു​മു​ത​ൽ പ​ത്തു​വ​രെ​യു​ള്ള ന​ഗ​ര​ങ്ങ​ൾ. യു​ക്രെ​യ്ൻ ത​ല​സ്ഥാ​ന​മാ​യ കി​യ​വി​ന് ലോ​ക​ത്തെ മി​ക​ച്ച ന​ഗ​ര​മെ​ന്ന ഓ​ണ​റ​റി അം​ഗീ​കാ​ര​വും റി​പ്പോ​ർ​ട്ടി​ൽ പ​രാ​മ​ർ​ശി​ക്കു​ന്നു. റ​ഷ്യ​യു​ടെ ആ​ക്ര​മ​ണ​ത്തി​ൽ പി​ടി​ച്ചു​നി​ന്ന നാ​ടി​ന്റെ ത​ല​സ്ഥാ​ന​മെ​ന്ന​നി​ല​യി​ൽ ധീ​ര​ത​യു​ടെ​യും ചെ​റു​ത്തു​നി​ൽ​പി​ന്റെ​യും പ്ര​തീ​ക​മെ​ന്ന നി​ല​യി​ലാ​ണി​ത്.