ഏഴാം വർഷവും ഭവൻസിന്​ നൂറുമേനി

ദോഹ: സി.ബി.എസ്​.ഇ പത്താം ക്ലാസ്​ പരീക്ഷയിൽ ദോഹ ഭവൻസ്​ പബ്ലിക്​ സ്​കൂളിന്​ തുടർച്ചയായി ഏഴാം വർഷവും നൂറു മേനി വിജയം. 110 വിദ്യാർഥികളിൽ 42 പേർ 90 ശതമാനത്തിന്​ മുകളിൽ മാർക്ക്​ നേടി. 98.8 ശതമാനം മാർക്ക്​ സ്വന്തമാക്കിയ വേദ മാഹാദേവൻ ആണ്​ സ്​കൂൾ ടോപ്പർ. ഹർഷി ഭവേഷ്​ മോഡി 98.6 ശതമാനവും, ദീപയാൻ മുഖർജി 97.8 ശതമാനവും മാർക്ക്​ നേടി. ഒമ്പത്​ വിദ്യാർഥികൾ എല്ലാ വിഷയങ്ങൾക്കും എവൺ ഗ്രേഡ്​ സ്വന്തമാക്കി. 84 ശതമാനം പേരും ഡിസ്​റ്റിങ്​ഷനോടെ പാസായി. വിദ്യാർഥികയെും സ്​കൂൾ അധ്യാപകരെയും ചെയർമാൻ ജെ.കെ മേനോൻ, അഡ്​മിനിസ്​ട്രേഷൻ ഡയറക്​ടർ അഞ്​ജന മേനോൻ, പ്രിൻസിപ്പാൾ എം. ഫിലിപ്പ്​, വൈസ്​ പ്രിൻസിപ്പാൾ ധർമരാജ്​ കുമാർ എന്നിവർ അഭിനനന്ദിച്ചു.