ലോ​ക​നേ​താ​ക്ക​ളെ​ത്തി; ദോ​ഹ ഫോ​റ​ത്തി​ന് ഇ​ന്ന് തു​ട​ക്കം

ദോ​ഹ: ലോ​ക രാ​ജ്യ​ങ്ങ​ളു​ടെ നേ​താ​ക്ക​ളും മ​ന്ത്രി​മാ​രും ന​യ​ത​ന്ത്ര വി​ദ​ഗ്ധ​രും ശാ​സ്ത്ര -സാ​​​​ങ്കേ​തി​ക പ്ര​തി​ഭ​ക​ളും എ​ഴു​ത്തു​കാ​രും ചി​ന്ത​ക​രും സം​ഗ​മി​ക്കു​ന്ന ദോ​ഹ ഫോ​റ​ത്തി​ന് ശ​നി​യാ​ഴ്ച തു​ട​ക്കം. എ​ല്ലാ വ​ർ​ഷ​ങ്ങ​ളി​ലു​മാ​യി ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള നേ​താ​ക്ക​ളും ന​യ​രൂ​പ​ക​ർ​ത്താ​ക്ക​ളും ഒ​രു വേ​ദി​യി​ൽ ഒ​ത്തു​ചേ​ർ​ന്ന് സ​മ​കാ​ലി​ക രാ​ഷ്ട്രീ​യ -പാ​രി​സ്ഥി​തി​ക വി​ഷ​യ​ങ്ങ​ൾ ച​ർ​ച്ച ചെ​യ്യു​ന്ന ദോ​ഹ ഫോ​റ​ത്തി​ന്റെ 22ാമ​ത് പ​തി​പ്പി​നാ​ണ് ഇ​ത്ത​വ​ണ രാ​ജ്യ ത​ല​സ്ഥാ​നം വേ​ദി​യൊ​രു​ക്കു​ന്ന​ത്. ശ​നി, ഞാ​യ​ർ ദി​വ​സ​ങ്ങ​ളി​ലാ​യി ഷെ​റാ​ട്ട​ൺ ഗ്രാ​ൻ​ഡ് ഹോ​ട്ട​ൽ വേ​ദി​യാ​കു​ന്ന ​ഫോ​റ​ത്തി​ൽ ​150 രാ​ജ്യ​ങ്ങ​ളി​ൽ​നി​ന്നാ​യി 4500ലേ​റെ പ്ര​തി​നി​ധി​ക​ൾ പ​​ങ്കെ​ടു​ക്കു​മെ​ന്ന് ദോ​ഹ ഫോ​റം ജ​ന​റ​ൽ മാ​നേ​ജ​ർ മ​ഹ അ​ൽ കു​വാ​രി ക​ഴി​ഞ്ഞ ദി​വ​സം അ​റി​യി​ച്ചു.

‘ന​വീ​ക​ര​ണ​ത്തി​ന്റെ അ​നി​വാ​ര്യ​ത’ എ​ന്ന പ്ര​മേ​യ​ത്തി​ലാ​ണ് ഇ​ത്ത​വ​ണ ദോ​ഹ ഫോ​റം ന​ട​ക്കു​ന്ന​ത്. ര​ണ്ടു ദി​വ​സ​ങ്ങ​ളി​ലാ​യി 80ലേ​റെ സെ​ഷ​നു​ക​ളി​ൽ ച​ർ​ച്ച​ക​ളും സെ​മി​നാ​റു​ക​ളും പ്ര​ഭാ​ഷ​ണ​ങ്ങ​ളും ന​ട​ക്കു​ന്ന ഫോ​റ​ത്തി​ൽ 300 പ്ര​മു​ഖ പ്ര​ഭാ​ഷ​ക​ർ പ​​ങ്കെ​ടു​ക്കും. ഏ​ഴ് രാ​ഷ്ട്ര​ത്ത​ല​വ​ന്മാ​ർ, ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി ഡോ. ​എ​സ്. ജ​യ​ശ​ങ്ക​ർ ഉ​ൾ​പ്പെ​ടെ 15 വി​ദേ​ശ​കാ​ര്യ മ​ന്ത്രി​മാ​ർ, വി​വി​ധ മ​ന്ത്രി​മാ​ർ, മു​തി​ർ​ന്ന സ​ർ​ക്കാ​ർ ഉ​ദ്യോ​ഗ​സ്ഥ​ർ, മേ​ഖ​ല​യി​ലെ​യും അ​ന്താ​രാ​ഷ്​​​ട്ര ത​ല​ത്തി​ലെ​യും സം​ഘ​ട​നാ നേ​താ​ക്ക​ൾ, ഐ​ക്യ​രാ​ഷ്ട്ര സ​ഭ പ്ര​തി​നി​ധി​ക​ൾ, മാ​ധ്യ​മ​പ്ര​വ​ർ​ത്ത​ക​ർ എ​ന്നി​വ​ർ പ​​ങ്കെ​ടു​ക്കും. ജി​യോ പൊ​ളി​റ്റി​ക്സ്, സാ​മ്പ​ത്തി​കം, നൂ​ത​ന സാ​ങ്കേ​തി​ക വി​ദ്യ​ക​ള്‍, സു​ര​ക്ഷ, സാം​സ്കാ​രി​ക ന​യ​ത​ന്ത്രം തു​ട​ങ്ങി അ​ഞ്ച് വി​ഷ​യ​ങ്ങ​ളി​ലാ​ണ് പ്ര​ധാ​ന​മാ​യും ച​ര്‍ച്ച​ക​ള്‍ ന​ട​ത്തു​ക.

ശ​നി​യാ​ഴ്ച രാ​വി​ലെ ഒ​മ്പ​ത് മ​ണി​ക്കാ​ണ് ഉ​ദ്ഘാ​ട​നം. വി​വി​ധ രാ​ഷ്ട്ര​ത്ത​ല​വ​ന്മാ​രും ലോ​ക​നേ​താ​ക്ക​ളും ഉ​ദ്ഘാ​ട​ന ച​ട​ങ്ങി​ൽ പ​​ങ്കെ​ടു​ക്കും. രാ​വി​ലെ 10.50 പു​തു​യു​ഗ​ത്തി​ലെ സം​ഘ​ർ​ഷ​ങ്ങ​ളു​ടെ പ​രി​ഹാ​രം സം​ബ​ന്ധി​ച്ച് ന​ട​ക്കു​ന്ന ആ​ദ്യ സെ​ഷ​നി​ൽ ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്മാ​ൻ ആ​ൽ ഥാ​നി, ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി ഡോ. ​എ​സ്. ജ​യ​ശ​ങ്ക​ർ, നോ​ർ​വേ വി​ദേ​ശ​കാ​ര്യ മ​ന്ത്രി എ​സ്പ​ൻ ബാ​ർ​ത് ഈ​ദ് എ​ന്നി​വ​ർ സം​സാ​രി​ക്കും. സി.​എ​ൻ.​എ​ൻ അ​വ​താ​ര​ക ക്രി​സ്റ്റി​ൻ അ​മ​ൻ​പു​ർ ആ​ണ് മോ​ഡ​റേ​റ്റ​ർ.

‘ഇ​ന്റ​ലി​ജെ​ന്റ് ഇ​ക​ണോ​മി കാ​ല​ത്തെ മ​ത്സ​രം’ എ​ന്ന വി​ഷ​യ​ത്തി​ൽ ന​ട​ക്കു​ന്ന ച​ർ​ച്ച​യി​ൽ ഖ​ത്ത​ർ ധ​ന​കാ​ര്യ മ​ന്ത്രി അ​ലി ബി​ൻ അ​ഹ്മ​ദ് അ​ൽ കു​വാ​രി, റു​വാ​ണ്ട ഐ.​ടി മ​ന്ത്രി പൗ​ല ഇ​ൻ​ഗാ​ബി​ർ, തു​ർ​ക്കി ധ​ന​കാ​ര്യ മ​ന്ത്രി മ​ഹ്മ​ദ് സിം​സെ​ക് എ​ന്നി​വ​ർ പ​​ങ്കെ​ടു​ക്കും. ഈ​ജി​പ്ത് പ്ര​ധാ​ന​മ​ന്ത്രി ഡോ. ​മു​സ്ത​ഫ മ​ദ്ബൗ​ലി, തു​ർ​ക്കി​യ പ്ര​ഥ​മ വ​നി​ത അ​മി​ൻ ഉ​ർ​ദു​ഗാ​ൻ, ജി.​സി.​സി സെ​ക്ര​ട്ട​റി ജ​ന​റ​ൽ ജാ​സിം മു​ഹ​മ്മ​ദ് അ​ൽ ബു​ദൈ​വി, യു.​എ​സ് പ്ര​ഥ​മ വ​നി​ത ഡോ. ​ജി​ൽ ബൈ​ഡ​ൻ, ഇ​റാ​ൻ വി​ദേ​ശ​കാ​ര്യ മ​ന്ത്രി അ​ബ്ബാ​സ് അ​റ​ഗാ​ചി, സെ​ന​ഗാ​ൾ പ്ര​സി​ഡ​ന്റ് ബാ​സി​റോ ഡി​യോ​മേ ഫാ​യെ, ഖ​ത്ത​ർ എ​ന​ർ​ജി സി.​ഇ.​ഒ​യും ഊ​ർ​ജ​കാ​ര്യ സ​ഹ​മ​ന്ത്രി​യു​മാ​യ സ​അ്ദ് ശ​രി​ദ അ​ൽ ക​അ്ബി, ഖ​ത്ത​ർ അ​ന്താ​രാ​ഷ്ട്ര സ​ഹ​ക​ര​ണ സ​ഹ​മ​ന്ത്രി മ​ർ​യം ബി​ൻ​ത് അ​ലി ബി​ൻ നാ​സ​ർ അ​ൽ മി​സ്ന​ദ്, വി​ദേ​ശ​കാ​ര്യ മ​ന്ത്രാ​ല​യം വ​ക്താ​വ് ഡോ. ​മാ​ജി​ദ് അ​ൽ അ​ൻ​സാ​രി, തു​ർ​ക്കി​യ വി​ദേ​കാ​ര്യ​മ​ന്ത്രി ഹ​കാ​ൻ ഫി​ദാ​ൻ, ഖ​ത്ത​ർ എ​യ​ർ​വേ​സ് ഗ്രൂ​പ് സി.​ഇ.​ഒ ബ​ദ്ർ മു​ഹ​മ്മ​ദ് അ​ൽ മീ​ർ തു​ട​ങ്ങി​യ പ്ര​മു​ഖ​ർ വി​വി​ധ സെ​ഷ​നു​ക​ളി​ൽ സം​സാ​രി​ക്കും. ശ​ശി ത​രൂ​ർ എം.​പി​യു​ടെ മ​ക​നും വാ​ഷി​ങ്ട​ൺ പോ​സ്റ്റ് ​ഗ്ലോ​ബ​ൽ അ​ഫ​യേ​ഴ്സ് കോ​ള​മി​സ്റ്റു​മാ​യ ഇ​ഷാ​ൻ ത​രൂ​ർ മോ​ഡ​റേ​റ്റ​റാ​യും പ​​ങ്കെ​ടു​ക്കും. മാ​റു​ന്ന ലോ​ക സാ​ഹ​ച​ര്യ​ങ്ങ​ളി​ൽ ആ​ഗോ​ള വെ​ല്ലു​വി​ളി​ക​ളെ അ​ഭി​മു​ഖീ​ക​രി​ക്കാ​നും ലോ​ക നേ​താ​ക്ക​ളും ന​യ​രൂ​പ​ക​ർ​ത്താ​ക​ളും പ​​ങ്കെ​ടു​ക്കു​ന്ന വേ​ദി​ക​ളി​ലൂ​ടെ പു​തി​യ ആ​ശ​യ​ങ്ങ​ൾ​ക്കും പ​രി​ഹാ​ര​ങ്ങ​ൾ​ക്കും രൂ​പം ന​ൽ​കാ​നും ര​ണ്ടു ദി​വ​സ​ത്തി​ലെ ഫോ​റ​ത്തി​ലൂ​ടെ സാ​ധി​ക്കു​മെ​ന്ന് സം​ഘാ​ട​ക​ർ പ്ര​തീ​ക്ഷ പ്ര​ക​ടി​പ്പി​ച്ചു.

അ​മീ​ർ ഉ​ദ്ഘാ​ട​നം ചെ​യ്യും

​ദോ​ഹ: ര​ണ്ടു ദി​വ​സ​ങ്ങ​ളി​ലാ​യി ന​ട​ക്കു​ന്ന 22ാമ​ത് ദോ​ഹ ഫോ​റ​ത്തി​ന്റെ ഉ​ദ്ഘാ​ട​നം അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി നി​ർ​വ​ഹി​ക്കും. ഷെ​റാ​ട്ട​ൺ ​ഹോ​ട്ട​ലി​ൽ രാ​വി​ലെ ഒ​മ്പ​ത് മ​ണി​ക്കാ​ണ് ഉ​ദ്ഘാ​ട​ന ച​ട​ങ്ങ്.

വി​വി​ധ രാ​ഷ്​​ട്ര​ത്ത​ല​വ​ന്മാ​ർ, സ​ർ​ക്കാ​ർ പ്ര​തി​നി​ധി​ക​ൾ, മേ​ഖ​ല​യി​ലെ​യും അ​ന്താ​രാ​ഷ്​​ട്ര ത​ല​ത്തി​ലെ​യും പ്ര​മു​ഖ​ർ ഉ​ൾ​പ്പെ​ടെ ഉ​ദ്ഘാ​ട​ന ച​ട​ങ്ങി​ന് സാ​ക്ഷി​യാ​കും.