രാഷ്​ട്രനേതാക്കൾ സാക്ഷിയായി; ദോഹ അന്താരാഷ്​ട്ര എക്​സ്​പോക്ക്​ തുടക്കം

ദോഹ: ലോകകപ്പ്​ ഫുട്​ബാളിനു ശേഷം, ഖത്തറും മിഡിൽഈസ്​റ്റും നാളുകളെണ്ണി കാത്തിരുന്ന ദോഹ അന്താരാഷ്​​ട്ര ഹോർട്ടികൾചറൽ എക്​സ്​പോക്ക്​ പ്രൗ​േഢാജ്വല തുടക്കം. യു.എ.ഇ പ്രസിഡൻറ്​ ശൈഖ്​ മുഹമ്മദ്​ ബിൻ സായിദ്​ അൽ നഹ്​യാൻ ഉൾപ്പെടെ വിവിധ ലോകരാജ്യങ്ങളുടെ നേതാക്കൾ സാക്ഷിയായ ചടങ്ങിൽ അമീർശൈഖ്​ തമീം ബിൻ ഹമദ്​ ആൽഥാനി എക്​സ്പോ ഉദ്​ഘാടനം ചെയ്​തു. അൽബിദ പാർക്കിൽ ആരംഭിച്ച എക്​സ്​പോയിലേക്കുള്ള പൊതുജനങ്ങളുടെ പ്രവേശനം ചൊവ്വാഴ്​ച മുതൽ ആരംഭിക്കും. ഫാമിലി സോൺ, ഇൻറർനാഷണൽ സോൺ, കൾചറൽ സോൺ എന്നീ മേഖലകളിലായി വിവിധ സമയങ്ങളിലെ പരിപാടികൾക്കും ചൊവ്വാഴ്​ച തുടക്കമാകുന്നു. ആറു മാസം നീണ്ടുനിൽക്കുന്ന എക്​സ്​പോയിൽ 80ഓളം രാജ്യങ്ങളാണ്​ പ​ങ്കെടുക്കുന്നത്​. എക്​സ്​പോയിലെ അന്താരാഷ്​ട്ര പവലിയനുകളിലേക്ക്​ രാവിലെ 10 മുതൽ സന്ദർശനം അനുവദിക്കും. സൗജന്യമാണ്​ പ്രവേശനം.

യു.എ.ഇ പ്രസിഡൻറിന്​ പുറമെ, ഉസ്​ബെകിസ്​താൻ പ്രസിഡൻറ്​ ഷൗകത്​ മിർസിയോയേവ്​, ജിബൂട്ടി പ്രസിഡൻറ്​ ഇസ്​മായിൽ ഉമർഗലേ, താൻസാനിയ പ്രസിഡൻറ്​ സാമിയ സുലുഹ്​ ഹസൻ, ഇറാഖ്​ പ്രധാനമന്ത്രി മുഹമ്മദ്​ ഷിഅ അൽ സുഡാനി, യമൻ പ്രധാനമന്ത്രി ഡോ. മഈൻ അബ്​ദുൽ മാലിക്​ സഈദ്​, റുവാണ്ട പ്രധാനമന്ത്രി ഡോ. എഡ്വേർഡ്​ എൻഗ്രിൻെറ എന്നിവർ ഉദ്​ഘാടന ചടങ്ങിൽ സന്നിഹിതരായിരുന്നു. തുടർന്ന്​ ഇവർ അമീറിനൊപ്പം എക്​സ്​പോ വേദിയിലെ വിവിധ പവലിയനുകളും മറ്റും സന്ദർശിച്ചു. അമീറിൻെറ വ്യക്​തിഗത പ്രതിനിധി ശൈഖ്​ ജാസിം ബിൻ ഹമദ്​ ആൽഥാനി, പ്രധാനമന്ത്രിയും വിദേശകാര്യമന്ത്രിയുമായ ശൈഖ്​ മുഹമ്മദ്​ ബിൻ അബ്​ദുൽറഹ്​മാൻ ബിൻ ജാസിം ആൽഥാനി എന്നിവരും പ​ങ്കെടുത്തു.

എക്​സ്​പോയിൽ ഇന്ന്​

ഫാ​മി​ലി സോ​ൺ

വൈ​കു. മൂ​ന്നു മു​ത​ൽ 10 വ​രെ: ഡി​ജി​റ്റ​ൽ ച​ല​ഞ്ച് (വേ​ദി: ഡി​ജി​റ്റ​ൽ പാ​ർ​ക്), ഗ്രീ​ൻ ​േപ്ല ​ഗ്രൗ​ണ്ട് (വേ​ദി: എ​ക്സ്​​പോ സ്കൂ​ൾ), ഇ​ക്കോ വ​ർ​ക്ഷോ​പ് (എ​ക്സ്​​പോ സ്കൂ​ൾ).

വൈ​കു. 4 മു​ത​ൽ 5 വ​രെ: തു​ർ​ക്കി പെ​ർ​ഫോ​മ​ൻ​സ് (ഫാ​മി​ലി ആം​ഫി തി​യ​റ്റ​ർ).

രാ​വി​ലെ 10 മു​ത​ൽ രാ​ത്രി 10 വ​രെ: നോ​ർ​ത്ത് സി​ദ്ര ഫാ​മി​ലി ഫാം.

ക​ൾ​ച​റ​ൽ സോ​ൺ

മൂ​ന്നു മു​ത​ൽ ഒ​മ്പ​തു വ​​രെ: ക​ൾ​ച​റ​ൽ വ​ർ​ക്ക്ഷോ​പ് (ഇ​നാ​ത് എ​ക്സ്​​പോ), സാ​ൻ​ഡ് മീ​റ്റ് (ഇ​നാ​ത് എ​ക്സ്​​പോ), ഇ​ക്കോ ച​ല​ഞ്ച് (ഇ​നാ​ത് എ​ക്സ്​​പോ), ഖ​ത്ത​ർ ആ​ൻ​ഡ് ഇ​ന്‍റ​ർ​നാ​ഷ​ന​ൽ സ്ട്രീ​റ്റ് ഗെ​യിം​സ് (ഇ​നാ​ത് എ​ക്സ്​​പോ).

5.30 മു​ത​ൽ 6.30 വ​രെ: സ്​​പോ​ർ​ട്സ് ഇ​ൻ നാ​ച്വ​ർ (ഇ​നാ​ത് എ​ക്സ്​​പോ).

7 മു​ത​ൽ 8.15 വ​രെ: ഗ്രീ​ൻ ഡെ​സേ​ർ​ട്ട്, ബെ​റ്റ​ർ ടു​മോ​റോ (ക​ൾ​ച​റ​ൽ അ​റീ​ന).

ഇ​ന്‍റ​ർ​നാ​ഷ​ന​ൽ സോ​ൺ

രാ​വി​ലെ 10 മു​ത​ൽ രാ​ത്രി എ​ട്ടു വ​രെ: അ​ന്താ​രാ​ഷ്ട്ര പ​വി​ലി​യ​ൻ സ​ന്ദ​ർ​ശ​നം.

വൈ​കു. 3 മു​ത​ൽ രാ​ത്രി 9 വ​രെ: ഇ​ന്നൊ​വേ​ഷ​ൻ ക​ഫേ വ​ർ​ക്ക്ഷോ​പ് (​ഇ​ന്നൊ​വേ​ഷ​ൻ സെ​ന്‍റ​ർ)