തീ​രാ​ദു​രി​ത​ത്തി​ന്റെ രാ​ത്രി​യും പ​ക​ലും

ദോ​ഹ: അ​ഞ്ചു മ​ണി​ക്കൂ​ർ നീ​ണ്ട യാ​ത്ര​ക്കു​ശേ​ഷം, കു​ടും​ബ​ത്തി​നൊ​പ്പം ചേ​രാ​മെ​ന്ന പ്ര​തീ​ക്ഷ​യോ​ടെ ഞാ​യ​റാ​ഴ്ച വി​മാ​ന​ത്താ​വ​ള​ത്തി​ലേ​ക്കു പോ​യ യാ​ത്ര​ക്കാ​ർ താ​ണ്ടി​യ​ത് ദു​രി​ത​ങ്ങ​ളു​ടെ രാ​ത്രി​യും പ​ക​ലും.ഞാ​യ​റാ​ഴ്ച ഉ​ച്ച 12.25ന് ​ദോ​ഹ ഹ​മ​ദ് രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ​നി​ന്ന് കോ​ഴി​ക്കോ​ട്ടേ​ക്കു പു​റ​പ്പെ​ടേ​ണ്ട വി​മാ​നം 24 മ​ണി​ക്കൂ​റി​ലേ​റെ വൈ​കി​യ​തോ​ടെ സ​മാ​ന​ത​ക​ളി​ല്ലാ​ത്ത ദു​രി​ത​മാ​ണ് അ​നു​ഭ​വി​ച്ചു​തീ​ർ​ത്ത​തെ​ന്ന് യാ​ത്ര​ക്കാ​ർ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.

വേ​ന​ല​വ​ധി സീ​സ​ണാ​യ​തി​നാ​ൽ നേ​ര​ത്തേ​ത​ന്നെ വി​മാ​ന​ത്താ​വ​ള​ത്തി​ൽ എ​ത്തി​ച്ചേ​ര​ണ​മെ​ന്ന നി​ർ​ദേ​ശ​മു​ള്ള​തി​നാ​ൽ ഒ​മ്പ​തു മ​ണി​ക്ക് മു​മ്പു​ത​ന്നെ ഹ​മ​ദ് വി​മാ​ന​ത്താ​വ​ള​ത്തി​ൽ എ​ത്തി​യ​താ​യി കോ​ഴി​ക്കോ​ട് സ്വ​ദേ​ശി​യാ​യ റ​ഫീ​ഖ് പ​റ​ഞ്ഞു. ഭാ​ര്യ​യും മ​ക​നും ഉ​ൾ​പ്പെ​ടു​ന്ന കു​ടും​ബ​ത്തി​നൊ​പ്പ​മാ​യി​രു​ന്നു എ​ത്തി​യ​ത്. ചെ​ക്ക്ഇ​ന്നും ബോ​ഡി​ങ്ങു​മെ​ല്ലാം പൂ​ർ​ത്തി​യാ​ക്കി ടേ​ക്കോ​ഫി​ന് മു​ക്കാ​ൽ മ​ണി​ക്കൂ​ർ മു​മ്പു​ത​ന്നെ വി​മാ​ന​ത്തി​ൽ ക​യ​റി​യി​രു​ന്നു. ​

പു​റ​പ്പെ​ടു​ന്ന​തി​നാ​യി റ​ൺ​വേ​യി​ലേ​ക്ക് നീ​ങ്ങി​ത്തു​ട​ങ്ങി​യ ശേ​ഷ​മാ​ണ് യാ​ത്ര അ​നി​ശ്ചി​ത​ത്വ​ത്തി​ലാ​ക്കു​ന്ന നാ​ട​കീ​യ സം​ഭ​വ​ങ്ങ​ൾ​ക്ക് തു​ട​ക്ക​മാ​കു​ന്ന​ത്. ​സാ​​ങ്കേ​തി​ക ത​ക​രാ​ർ ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന് പ​രി​ശോ​ധ​ന​ക്കാ​യി വി​മാ​നം മാ​റ്റി. അ​പ്പോ​ഴെ​ല്ലാം യാ​ത്ര​ക്കാ​ർ വി​മാ​ന​ത്തി​ൽ ത​ന്നെ​യാ​യി​രു​ന്നു. 44 ഡി​ഗ്രി​യോ​ളം വ​രു​ന്ന ചൂ​ടി​ൽ ന​ട്ടു​ച്ച​നേ​ര​ത്ത് വി​മാ​ന​ത്തി​നു​ള്ളി​ൽ കു​ടു​ങ്ങി​യ യാ​ത്ര​ക്കാ​ർ വി​യ​ർ​ത്തു​കു​ളി​ച്ചു. എ​യ​ർ​ക​ണ്ടീ​ഷ​ൻ​കൂ​ടി ഓ​ഫാ​യ​തോ​ടെ കൈ​ക്കു​ഞ്ഞു​ങ്ങ​ൾ ഉ​ൾ​പ്പെ​ടെ കു​ട്ടി​ക​ൾ ക​ര​ച്ചി​ൽ തു​ട​ങ്ങി​യ​താ​യി യാ​ത്ര​ക്കാ​ർ പ​റ​യു​ന്നു.

പി​ന്നീ​ട് മ​റ്റു യാ​ത്ര​ക്കാ​ർ​കൂ​ടി ആ​വ​ശ്യ​മു​യ​ർ​ത്തി​യ​തോ​ടെ​യാ​യി​രു​ന്നു എ​ല്ലാ​വ​രെ​യും വീ​ണ്ടും വി​മാ​ന​ത്താ​വ​ള ടെ​ർ​മി​ന​ലി​ലേ​ക്കു മാ​റ്റി​യ​ത്. അ​വി​ടെ​യും മ​ണി​ക്കൂ​റു​ക​ൾ ചെ​ല​വ​ഴി​ച്ചി​ട്ടും വി​മാ​നം എ​പ്പോ​ൾ പു​റ​പ്പെ​ടു​മെ​ന്ന് വി​വ​ര​ങ്ങ​ളൊ​ന്നു​മു​ണ്ടാ​യി​ല്ല. തു​ട​ർ​ന്ന് യാ​ത്ര​ക്കാ​ർ ബ​ഹ​ളം​വെ​ച്ച​തോ​ടെ പൊ​ലീ​സ് എ​ത്തി ഇ​ട​പെ​ട്ടാ​ണ് ഹോ​ട്ട​ലി​ലേ​ക്കു മാ​റ്റാ​ൻ ന​ട​പ​ടി സ്വീ​ക​രി​ച്ച​ത്.

സാ​​ങ്കേ​തി​ക​പ്ര​ശ്ന​ങ്ങ​ൾ പ​രി​ഹ​രി​ച്ച് ഏ​താ​നും മ​ണി​ക്കൂ​റു​ക​ൾ​ക്ക​കം പു​റ​പ്പെ​ടു​മെ​ന്ന് ആ​വ​ർ​ത്തി​ച്ച​ത​ല്ലാ​തെ എ​പ്പോ​ൾ വി​മാ​ന​മു​യ​രു​മെ​ന്ന​ത് സം​ബ​ന്ധി​ച്ച് അ​ധി​കൃ​ത​ർ വി​ശ​ദീ​ക​ര​ണ​മൊ​ന്നും ന​ൽ​കി​യി​ല്ല.ല​ഗേ​ജു​ക​ളെ​ല്ലാം വി​മാ​ന​ത്തി​ലാ​യ​തി​നാ​ൽ, അ​ണി​ഞ്ഞ വ​സ്ത്ര​വു​മാ​യാ​ണ് യാ​ത്ര​ക്കാ​ർ ഹോ​ട്ട​ലി​ലേ​ക്കു മാ​റി​യ​ത്. രാ​ത്രി​യി​ലും രാ​വി​ലെ എ​ഴു​ന്നേ​റ്റ​പ്പോ​ഴും മാ​റാ​നു​ള്ള വ​സ്ത്ര​ങ്ങ​ളോ മ​റ്റോ കൈ​യി​ൽ ഇ​ല്ലാ​യി​രു​ന്നു​വെ​ന്ന് യാ​ത്ര​ക്കാ​ർ പ​റ​ഞ്ഞു. ല​ഗേ​ജു​ക​ൾ എ​ത്തി​ച്ചു​ന​ൽ​ക​ണ​മെ​ന്ന ആ​വ​ശ്യ​വും എ​യ​ർ ഇ​ന്ത്യ അ​ധി​കൃ​ത​ർ ചെ​വി​ക്കൊ​ണ്ടി​ല്ല.

തി​ങ്ക​ളാ​ഴ്ച ഉ​ച്ച​ക്കു​ള്ള വി​മാ​ന​ത്തി​ൽ യാ​ത്രാ​സൗ​ക​ര്യം ഒ​രു​ക്കാ​നു​ള്ള ആ​വ​ശ്യ​മു​ന്ന​യി​ച്ചെ​ങ്കി​ലും സീ​റ്റു​ക​ൾ ഒ​ഴി​വി​ല്ലെ​ന്നാ​യി​രു​ന്നു മ​റു​പ​ടി. ഹോ​ട്ട​ൽ റി​സ​പ്ഷ​നി​ൽ ന​ൽ​കി​യ ഒ​രു ന​മ്പ​റി​ൽ മാ​ത്ര​മാ​യി​രു​ന്നു എ​യ​ർ ഇ​ന്ത്യ അ​ധി​കൃ​​ത​രെ ബ​ന്ധ​പ്പെ​ടാ​നു​ള്ള സൗ​ക​ര്യ​മെ​ന്നും പ​ല​പ്പോ​ഴും ഫോ​ൺ വി​ളി​ച്ചാ​ൽ പ്ര​തി​ക​ര​ണം​പോ​ലും ല​ഭി​ച്ചി​ല്ലെ​ന്നും യാ​ത്ര​ക്കാ​ർ പ​റ​യു​ന്നു.

‘എ​മ​ർ​ജ​ൻ​സി യാ​ത്ര​ക്കാ​രും കു​ടു​ങ്ങി’

ബ​ന്ധു​ക്ക​ളു​ടെ മ​ര​ണ​ത്തെ തു​ട​ർ​ന്ന് അ​ടി​യ​ന്ത​ര​മാ​യി നാ​ട്ടി​ലേ​ക്കു പോ​കു​ന്ന​വ​ർ ഉ​ൾ​പ്പെ​ടെ യാ​ത്ര​ക്കാ​രി​ലു​ണ്ടെ​ന്ന് കോ​ഴി​ക്കോ​ട് കൊ​ടു​വ​ള്ളി സ്വ​ദേ​ശി​യാ​യ അ​ബ്ദു​ൽ ഗ​ഫൂ​ർ പ​റ​യു​ന്നു. ‘വി​മാ​നം പു​റ​പ്പെ​ട​ൽ വൈ​കി​യ​തോ​ടെ ര​ണ്ടു മ​ണി​ക്കൂ​റി​ല​ധി​കം ക​ടു​ത്ത ചൂ​ടി​ലാ​ണ് യാ​ത്ര​ക്കാ​ർ ക​ഴി​ഞ്ഞ​ത്. പ​ല​ർ​ക്കും ശ്വാ​സ​ത​ട​സ്സം​വ​രെ അ​നു​ഭ​വ​പ്പെ​ട്ടു. സ്ത്രീ​ക​ളും കു​ട്ടി​ക​ളും ഉ​ൾ​​​പ്പെ​ടെ​യു​ള്ള​വ​ർ അ​സ​ഹ​നീ​യ​മാ​യ സാ​ഹ​ച​ര്യ​ത്തി​ലൂ​ടെ​യാ​ണ് ക​ട​ന്നു​പോ​യ​ത്.

ല​ഗേ​ജു​ക​ൾ ഇ​ല്ലാ​ത്ത​തി​നാ​ൽ മാ​റി​യു​ടു​ക്കാ​ൻ വ​സ്ത്ര​ങ്ങ​ളി​ല്ല. ബ​ന്ധു​ക്ക​ളു​ടെ മ​ര​ണ​ത്തെ തു​ട​ർ​ന്ന് അ​ടി​യ​ന്ത​ര​മാ​യി നാ​ട്ടി​ലേ​ക്കു പോ​കാ​നു​ള്ള​വ​ർ മു​ത​ൽ ഹ്ര​സ്വ അ​വ​ധി​ക്ക് നാ​ട്ടി​ലേ​ക്കു പോ​കു​ന്ന​വ​രും ഹ​യ്യാ വി​സ​യി​ലെ​ത്തി മ​ട​ങ്ങു​ന്ന സ​ന്ദ​ർ​ശ​ക​രും സ​ന്ദ​ർ​ശ​ക വി​സാ കാ​ലാ​വ​ധി​യു​ടെ അ​വ​സാ​ന ദി​ന​ത്തി​ൽ യാ​ത്ര പു​റ​പ്പെ​ട്ട​വ​രു​മെ​ല്ലാം ഉ​​ണ്ട്’ -അ​ബ്ദു​ൽ ഗ​ഫൂ​ർ പ​റ​ഞ്ഞു.

‘മാ​റി​യു​ടു​ക്കാ​ൻ വ​സ്ത്ര​ങ്ങ​ളി​ല്ല, മ​രു​ന്നു​ക​ളും മു​ട​ങ്ങി’

തീ​രാ​ത്ത ദു​രി​ത​ങ്ങ​ളി​ലൂ​ടെ​യാ​ണ് ക​ട​ന്നു​പോ​യ​തെ​ന്ന് കോ​ഴി​ക്കോ​ട്ടേ​ക്കു​ള്ള യാ​ത്ര​ക്കാ​രി​യാ​യ ഉ​​ള്ള്യേ​രി സ്വ​ദേ​ശി ഹിം​യാ​ൻ അ​ഹ​മ്മ​ദ് പ​റ​യു​ന്നു. ‘12.25നു​ള്ള വി​മാ​ന​ത്തി​നാ​യി രാ​വി​ലെ ​ബ്രേ​ക്ക്ഫാ​സ്റ്റ് പോ​ലും നേ​രാം​വ​ണ്ണം ക​ഴി​ക്കാ​തെ 8.30ന് ​യാ​ത്ര പു​റ​പ്പെ​ട്ട​താ​ണ് ഞ​ങ്ങ​ൾ. റ​ൺ​വേ​യി​ൽ​നി​ന്നു നീ​ങ്ങി​ത്തു​ട​ങ്ങി​യ​ശേ​ഷം നി​ർ​ത്തി​യി​ട്ട വി​മാ​ന​ത്തി​ൽ ര​ണ്ടു മ​ണി​ക്കൂ​റി​ലേ​റെ​യാ​ണ് ക​ഴി​ഞ്ഞ​ത്. ക​ടു​ത്ത ചൂ​ടി​നി​ട​യി​ൽ എ.​സി​യു​ടെ പ്ര​വ​ർ​ത്ത​നം​കൂ​ടി നി​ല​ച്ച​തോ​ടെ കു​ട്ടി​ക​ൾ​ക്ക് പ്ര​ശ്ന​മാ​യി.

എ​ന്റെ ചെ​റി​യ കു​ട്ടി​ക്ക് ശ്വാ​സ​ത​ട​സ്സം സം​ബ​ന്ധി​ച്ച് പ്ര​ശ്നം​കൂ​ടി​യു​ണ്ടാ​യി​രു​ന്നു. അ​തേ​പോ​ലെ ഒ​രു​പാ​ട് പേ​ർ പ്ര​യാ​സ​ങ്ങ​ൾ നേ​രി​ട്ടു. തു​ട​ർ​ന്ന് എ​ല്ലാ യാ​ത്ര​ക്കാ​രും ആ​വ​ശ്യ​പ്പെ​ട്ട​തോ​ടെ ര​ണ്ടു മ​ണി​ക്കൂ​ർ ക​ഴി​ഞ്ഞാ​ണ് ടെ​ർ​മി​ന​ലി​ലേ​ക്കു മാ​റ്റി​യ​ത്. ഭ​ക്ഷ​ണ​വും രാ​ത്രി​യോ​ടെ ഹോ​ട്ട​ലി​ൽ താ​മ​സ​വും ന​ൽ​കി​യി​ട്ടു​​ണ്ടെ​ങ്കി​ലും എ​പ്പോ​ൾ വി​മാ​നം പു​റ​പ്പെ​ടു​മെ​ന്ന് ചൊ​വ്വാ​ഴ്ച ഉ​ച്ച ക​ഴി​ഞ്ഞും അ​ധി​കൃ​ത​ർ പ​റ​യു​ന്നി​ല്ല. മാ​റി​യു​ടു​ക്കാ​ൻ വ​സ്ത്ര​ങ്ങ​ളോ മ​റ്റോ ഇ​ല്ല. ഇ​ര​ട്ട​ക്കു​ട്ടി​ക​ൾ ഉ​ൾ​പ്പെ​ടെ കൈ​ക്കു​ഞ്ഞു​ങ്ങ​ളു​മാ​യി നി​ര​വ​ധി അ​മ്മ​മാ​രാ​ണ് രാ​ത്രി​യും പ​ക​ലു​മാ​യി ദു​രി​തം അ​നു​ഭ​വി​ച്ചു​തീ​ർ​ക്കു​ന്ന​ത്’ -ഹിം​യാ​ൻ അ​ഹ​മ്മ​ദ് പ​റ​യു​ന്നു.

സാ​​ങ്കേ​തി​ക ത​ക​രാ​ർ; ദോ​ഹ-​കോ​ഴി​ക്കോ​ട് എ​യ​ർ ഇ​ന്ത്യ എ​ക്സ്പ്ര​സ് ഒ​രു ദി​വ​സം വൈ​കി

ദോ​ഹ: ഞാ​യ​റാ​ഴ്​​ച ദോ​ഹ​യി​ൽ നി​ന്നും കോ​ഴി​ക്കോ​ട്ടേ​ക്ക് പു​റ​പ്പെ​ടാ​നി​രു​ന്ന എ​യ​ർ​ഇ​ന്ത്യ എ​ക്സ്പ്ര​സ് വി​മാ​നം അ​നി​ശ്ചി​ത​മാ​യി വൈ​കി​യ​തി​നെ തു​ട​ർ​ന്ന് ദു​രി​ത​ത്തി​ലാ​യി 150ലേ​റെ യാ​ത്ര​ക്കാ​ർ. ഒ​രു രാ​ത്രി​യും പ​ക​ലും നീ​ണ്ട ദു​ര​ത​ത്തി​നൊ​ടു​വി​ൽ ​തി​ങ്ക​ളാ​ഴ്ച രാ​ത്രി ഒമ്പത് മ​ണി​യോ​ടെ​യാ​ണ് വി​മാ​നം ദോ​ഹ​യി​ൽ നി​ന്നും പ​റ​ന്നു​യ​ർ​ന്ന​ത്. ഞാ​യ​റാ​ഴ്ച ഉ​ച്ച 12.25ന്​ ​ദോ​ഹ​യി​ൽ നി​ന്നും പ​റ​ക്കാ​നി​രു​ന്ന എ​യ​ർ ഇ​ന്ത്യ എ​ക്സ്പ്ര​സ് ഐ.​എ​ക്സ് 374 വി​മാ​ന​മാ​ണ് ടേ​ക്ക് ഓ​ഫി​നാ​യി ഒ​രു​ങ്ങ​വേ സാ​​ങ്കേ​തി​ക ത​ക​രാ​ർ ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന് യാ​ത്ര മാ​റ്റി​വെ​ച്ച​ത്.

പ്ര​ശ്നം പ​രി​ഹ​രി​ക്കാ​നു​ള്ള ശ്ര​മ​ങ്ങ​ൾ​ക്കി​ടെ ന​ട്ടു​ച്ച സ​മ​യ​ത്ത് ര​ണ്ട് മ​ണി​ക്കൂ​റി​ലേ​റെ നേ​രം യാ​ത്ര​ക്കാ​ർ വി​മാ​ന​ത്തി​ൽ​ത്ത​ന്നെ ക​ഴി​ഞ്ഞു.എ​യ​ർ​ക​ണ്ടീ​ഷ​ൻ പ്ര​വ​ർ​ത്ത​നം കൂ​ടി നി​ല​ച്ച​തോ​ടെ കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​ർ ഏ​റെ ദു​രി​തം അ​നു​ഭ​വി​ച്ച​താ​യി യാ​ത്ര​ക്കാ​ർ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. കോ​ഴി​ക്കോ​ട്, മ​ല​പ്പു​റം, ക​ണ്ണൂ​ർ സ്വ​ദേ​ശി​ക​ളാ​യി​രു​ന്നു യാ​ത്ര​ക്കാ​രി​ൽ ഏ​റെ​യും. ടേ​ക്ക്​ ഓ​ഫി​നാ​യി ദോ​ഹ ഹ​മ​ദ്​ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ നി​ന്നും നീ​ങ്ങി​ത്തു​ട​ങ്ങി​യ ശേ​ഷ​മാ​യി​രു​ന്നു യാ​ത്ര അ​ടി​യ​ന്ത​ര​മാ​യി നി​ർ​ത്തി​വെ​ച്ച​ത്. ​

ഉ​ട​ൻ പു​റ​പ്പെ​ടാ​ൻ ക​ഴി​യി​ല്ലെ​ന്ന്​ ഉ​റ​പ്പാ​യ​തോ​ടെ ര​ണ്ടു മ​ണി​ക്കൂ​ർ ക​ഴി​ഞ്ഞ്​ യാ​ത്ര​ക്കാ​രെ പു​റ​ത്തി​റ​ക്കി വി​മാ​ന​ത്താ​വ​ള ടെ​ർ​മി​ന​ലി​ലേ​ക്ക് മാ​റ്റി. തു​ട​ർ​ന്ന് ​ രാ​ത്രി ഒ​മ്പ​ത്​ മ​ണി​യോ​ടെ യാ​ത്ര​ക്കാ​രെ ഹോ​ട്ട​ലു​ക​ളി​ലേ​ക്ക്​ മാ​റ്റു​ക​യാ​യി​രു​ന്നു. ചി​ല​ർ താ​മ​സ​സ്​​ഥ​ല​ങ്ങ​ളി​ലേ​ക്കും മ​ട​ങ്ങി.

തി​ങ്ക​ളാ​ഴ്​​ച ഉ​ച്ച​ക്കു​ള്ള വി​മാ​നം ​പ​റ​ന്നു​യ​ർ​ന്നി​ട്ടും, ത​ലേ​ന്ന്​ പു​റ​പ്പെ​ടാ​നാ​യി വി​മാ​ന​ത്താ​വ​ള​ത്തി​ലെ​ത്തി​യ​വ​രു​ടെ കാ​ത്തി​രി​പ്പ് 32 മ​ണി​ക്കൂ​റി​ൽ ഏ​റെ തു​ട​ർ​ന്നു. രാ​ത്രി എ​ട്ടു​മ​ണി​ക്ക് പു​റ​പ്പെ​ടു​മെ​ന്ന അ​റി​യി​പ്പി​നു​പി​ന്നാ​ലെ വൈ​കീ​ട്ടോ​ടെ​യാ​ണ് യാ​ത്ര​ക്കാ​രെ ഹോ​ട്ട​ലി​ൽ നി​ന്നും വി​മാ​ന​ത്താ​വ​ള​ത്തി​ലെ​ത്തി​ച്ച​ത്.