അൽ ഗറാഫ ഇൻറർചേഞ്ചിൽ ഭാഗിക ഗതാഗത നിയന്ത്രണം

ദോഹ: സബാഹ് അൽ അഹ്മദ് ഇടനാഴിയിലെ ഉം ലഖ്ബ ഇൻറർചേഞ്ചി​െൻറ നിർമാണം പൂർത്തീകരിക്കുന്നതി​െൻറ ഭാഗമായി മൂന്നുമാസത്തേക്ക് അൽ ഗറാഫ ഇൻറർചേഞ്ചിൽ (ഇമിേഗ്രഷൻ ഇൻറർചേഞ്ച്​) ഭാഗിക ഗതാഗതനിയന്ത്രണം നിലവിൽ വന്നു. ശമാൽ റോഡിലെ ഫെബ്രുവരി 22 സ്​ട്രീറ്റിൽ നിന്നും ലഖ്ത സ്​ട്രീറ്റ്, ഖലീഫ സ്​ട്രീറ്റ് എന്നിവിടങ്ങളിലേക്ക് പോകുന്ന ഭാഗമാണ് അടച്ചിടുന്നത്. 

ഫെബ്രുവരി 22 സ്​ട്രീറ്റിൽനിന്ന്​ ഇൻറർചേഞ്ചിലെ യൂ ടേണും ഇതോടൊപ്പം അടച്ചിടുന്നുണ്ട്. ശമാൽ റോഡിൽ ഫെബ്രുവരി 22 സ്​ട്രീറ്റിൽനിന്നും ലഖ്ത സ്​ട്രീറ്റിലേക്കും ഖലീഫ സ്​ട്രീറ്റിലേക്കുമുള്ളവരും യൂ ടേൺ എടുക്കാനുദ്ദേശിക്കുന്നവരും നേരെ അൽ റയ്യാൻ ഇൻറർചേഞ്ചിലെത്തി യൂ ടേൺ എടുത്ത് കൃത്യസ്​ഥാനങ്ങളിലെത്തണം. ഗതാഗത നിയന്ത്രണം നടപ്പാക്കുന്ന ഭാഗങ്ങളിൽ അശ്ഗാൽ അടയാളങ്ങളും നിർദേശങ്ങളും സ്​ഥാപിക്കും. ൈഡ്രവർമാർ വേഗതാ പരിധി പാലിച്ച് സുരക്ഷക്ക് പ്രാധാന്യം നൽകി വാഹനമോടിക്കണമെന്ന് അശ്ഗാൽ അറിയിച്ചു.