ഭൂ​ക​മ്പ ദു​രി​താ​ശ്വാ​സം; മ​ണി​ക്കൂ​റു​ക​ൾ​കൊ​ണ്ട് സ​മാ​ഹ​രി​ച്ച​ത് 17 കോ​ടി റി​യാ​ൽ

ദോ​ഹ: തു​ർ​ക്കി​യ​യി​ലെ​യും സി​റി​യ​യി​ലെ​യും ഭൂ​ക​മ്പ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ​ക്കാ​യി ഖ​ത്ത​ർ ടി.​വി​യും ഖ​ത്ത​ർ മീ​ഡി​യ കോ​ർ​പ​റേ​ഷ​നും (ക്യു.​എം.​സി) വെ​ള്ളി​യാ​ഴ്ച ന​ട​ത്തി​യ ത​ത്സ​മ​യ കാ​മ്പ​യി​നി​ലൂ​ടെ 168 ഖ​ത്ത​ർ മി​ല്യ​ണി​ല​ധി​കം (17 കോ​ടി​യോ​ളം റി​യാ​ൽ) ​ശേ​ഖ​രി​ച്ചു. ഖ​ത്ത​ർ റെ​ഡ് ക്ര​സ​ന്റ് സൊ​സൈ​റ്റി, ഖ​ത്ത​ർ ചാ​രി​റ്റി, റെ​ഗു​ലേ​റ്റ​റി അ​തോ​റി​റ്റി ഫോ​ർ ചാ​രി​റ്റ​ബി​ൾ ആ​ക്റ്റി​വി​റ്റീ​സ് (ആ​ർ.​എ.​സി.​എ) എ​ന്നി​വ​യു​ടെ സ​ഹ​ക​ര​ണ​ത്തോ​ടെ​യാ​യി​രു​ന്നു കാ​മ്പ​യി​ൻ.

വൈ​കീ​ട്ട് 5.30ന് ​ആ​രം​ഭി​ച്ച ധ​ന​സ​മാ​ഹ​ര​ണ കാ​മ്പ​യി​ൻ അ​ർ​ധ​രാ​ത്രി​യോ​ടെ 168,015,836 റി​യാ​ലി​ലെ​ത്തി. ഖ​ത്ത​രി​ക​ളും പ്ര​വാ​സി​ക​ളും വ്യ​വ​സാ​യി​ക​ളും വി​വി​ധ ക​മ്പ​നി​ക​ളും രാ​ജ്യ​ത്തു​ട​നീ​ള​മു​ള്ള വി​വി​ധ സ്ഥാ​പ​ന​ങ്ങ​ളും കാ​മ്പ​യി​നി​ൽ പ​ങ്കാ​ളി​ക​ളാ​യി. കൂ​ടാ​തെ നി​ര​വ​ധി ഖ​ത്ത​രി കു​ട്ടി​ക​ൾ ഉ​ൾ​പ്പെ​ടെ സ​മൂ​ഹ​ത്തി​ന്റെ എ​ല്ലാ ഭാ​ഗ​ങ്ങ​ളി​ൽ​നി​ന്ന് സം​ഭാ​വ​ന​ക​ൾ ഒ​ഴു​കി​യെ​ത്തി.

ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് ഔ​ഖാ​ഫും ഖ​ത്ത​ർ നാ​ഷ​ന​ൽ ബാ​ങ്കും (ക്യു.​എ​ൻ.​ബി) 10 മി​ല്യ​ൺ റി​യാ​ൽ വീ​തം ന​ൽ​കി. ഉ​രീ​ദു ഖ​ത്ത​ർ, ദോ​ഹ ബാ​ങ്ക്, ഖ​ത്ത​റി​ലെ പ്ര​മു​ഖ വ്യ​വ​സാ​യി ഹു​സൈ​ൻ അ​ൽ​ഫ​ർ​ദാ​ൻ എ​ന്നി​വ​ർ ഒ​രു മി​ല്യ​ൺ റി​യാ​ൽ വീ​തം സം​ഭാ​വ​ന ന​ൽ​കി​യ​വ​രി​ൽ ഉ​ൾ​പ്പെ​ടു​ന്നു. നി​ര​വ​ധി ആ​ളു​ക​ൾ വ​ലി​യ തു​ക​ക​ൾ സം​ഭാ​വ​ന ചെ​യ്തു. റൗ​ദ ബി​ൻ​ത് ഫ​ഹ​ദ് എ​ന്ന കു​ട്ടി ര​ണ്ടു മി​ല്യ​ൺ റി​യാ​ൽ സം​ഭാ​വ​ന ചെ​യ്തു. പേ​രു വെ​ളി​പ്പെ​ടു​ത്താ​തെ ഒ​രു വ്യ​ക്തി 1.5 മി​ല്യ​ൺ റി​യാ​ൽ ന​ൽ​കി. പേ​രു ​വെ​ളി​പ്പെ​ടു​ത്ത​രു​തെ​ന്ന നി​ബ​ന്ധ​ന​യോ​ടെ​യും പ​ല​രും വ​ൻ​തു​ക​ക​ൾ ന​ൽ​കി​യി​ട്ടു​ണ്ട്.

ഖ​ത്ത​ർ ടി.​വി ആ​തി​ഥേ​യ​ത്വം വ​ഹി​ച്ച ച​ട​ങ്ങി​ൽ തു​ർ​ക്കി​യ അം​ബാ​സ​ഡ​ർ ഡോ. ​മു​സ്ത​ഫ ഗോ​ക്‌​സു 10,000 റി​യാ​ൽ സം​ഭാ​വ​ന ചെ​യ്തു. ഭൂ​ക​മ്പ​ബാ​ധി​ത​രെ സ​ഹാ​യി​ക്കാ​ൻ വേ​ഗ​ത്തി​ലും മി​ക​ച്ച രീ​തി​യി​ലും പി​ന്തു​ണ​യും ന​ൽ​കു​ന്ന ഖ​ത്ത​റി​ലെ ജ​ന​ങ്ങ​ളു​ടെ​യും സ​ർ​ക്കാ​റി​ന്റെ​യും ശ്ര​മ​ങ്ങ​ളെ ഗോ​ക്സു വ​ള​രെ​യ​ധി​കം അ​ഭി​ന​ന്ദി​ച്ചു. ദു​ര​ന്ത​ത്തി​ന്റെ പ്ര​ത്യാ​ഘാ​ത​ങ്ങ​ളെ ഉ​ട​ന​ടി നേ​രി​ടാ​ൻ മാ​ത്ര​മ​ല്ല, ബാ​ധി​ത പ്ര​ദേ​ശ​ങ്ങ​ളി​ലെ ജ​ന​ങ്ങ​ളു​ടെ സാ​ധാ​ര​ണ​ജീ​വി​തം പു​നഃ​സ്ഥാ​പി​ക്കു​ന്ന​തി​നാ​യി അ​ടി​സ്ഥാ​ന സൗ​ക​ര്യ​ങ്ങ​ൾ പു​ന​ർ​നി​ർ​മി​ക്കു​ന്ന​തി​ന് തു​ർ​ക്കി​യ സ​ർ​ക്കാ​റി​നു​മു​ന്നി​ൽ ഏ​റെ ക​ടു​ത്ത വെ​ല്ലു​വി​ളി​ക​ളാ​ണു​ള്ള​തെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി. എ​ങ്കി​ലും, ഖ​ത്ത​ർ ഉ​ൾ​പ്പെ​ടെ​യു​ള്ള ആ​ത്മാ​ർ​ഥ സു​ഹൃ​ത്തു​ക്ക​ളു​ടെ സ​ഹാ​യ​ത്തോ​ടെ അ​ത്ത​രം സാ​ഹ​ച​ര്യ​ങ്ങ​ളെ നേ​രി​ടാ​ൻ തു​ർ​ക്കി​യ സ​ർ​ക്കാ​ർ പ​രി​ച​യ​സ​മ്പ​ന്ന​രും സ​ജ്ജ​രു​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി. ദു​ര​ന്ത​ത്തി​ന്റെ തു​ട​ക്കം മു​ത​ൽ​ത​ന്നെ സി​റി​യ​ൻ ജ​ന​ത​യെ വി​വേ​ച​ന​ങ്ങ​ളൊ​ന്നു​മി​ല്ലാ​തെ സ​ഹാ​യി​ക്കാ​നും തു​ർ​ക്കി​യ ഉ​ത്സു​ക​രാ​യി​രു​ന്നു​വെ​ന്നും അ​വ​ർ​ക്ക് ആ​വ​ശ്യ​മാ​യ എ​ല്ലാ ര​ക്ഷാ​പ്ര​വ​ർ​ത്ത​ന​ങ്ങ​ളും പി​ന്തു​ണ​യും വാ​ഗ്ദാ​നം ചെ​യ്തി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ക​ഠി​ന​മാ​യ ശൈ​ത്യ​കാ​ല​ത്തെ അ​തി​ജീ​വി​ക്കാ​ൻ ഇ​രു രാ​ജ്യ​ങ്ങ​ളി​ലെ​യും ദു​രി​ത​ബാ​ധി​ത പ്ര​ദേ​ശ​ങ്ങ​ളി​ലെ ജ​ന​ങ്ങ​ൾ​ക്ക് അ​വ​ശ്യ​സാ​ധ​ന​ങ്ങ​ളാ​യ പു​ത​പ്പു​ക​ൾ, ഹീ​റ്റ​റു​ക​ൾ, വൈ​ദ്യു​തി ജ​ന​റേ​റ്റ​റു​ക​ൾ, മൊ​ബൈ​ൽ ടോ​യ്‌​ല​റ്റ് കാ​ബി​നു​ക​ൾ, മ​റ്റ് അ​ടി​സ്ഥാ​ന സാ​മ​ഗ്രി​ക​ൾ എ​ന്നി​വ അ​ത്യാ​വ​ശ്യ​മാ​ണെ​ന്നും അം​ബാ​സ​ഡ​ർ പ​റ​ഞ്ഞു. ക​ടു​ത്ത ത​ണു​പ്പി​ലും കെ​ട്ടി​ട​ങ്ങ​ളി​ൽ താ​മ​സി​ക്കു​ന്ന​തി​ലു​ള്ള അ​പ​ക​ട​സാ​ധ്യ​ത കാ​ര​ണം തു​റ​ന്ന സ്ഥ​ല​ങ്ങ​ളി​ലാ​ണ് ജ​ന​ങ്ങ​ൾ പ​ല​രും ക​ഴി​ഞ്ഞു​കൂ​ടു​ന്ന​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ആ​ർ.​എ.​സി.​എ​യു​ടെ സ​ഹാ​യ​ത്തോ​ടെ, ഖ​ത്ത​റി​ലെ ജ​ന​ങ്ങ​ളു​ടെ സം​ഭാ​വ​ന​ക​ൾ ശേ​ഖ​രി​ക്കു​ന്ന​തി​നും അ​വ ദു​രി​ത​ബാ​ധി​ത പ്ര​ദേ​ശ​ങ്ങ​ളി​ലേ​ക്ക് അ​യ​ക്കു​ന്ന​തി​നു​മാ​യി തു​ർ​ക്കി​യ എം​ബ​സി​ക്ക് മൂ​ന്ന് ക​ല​ക്ഷ​ൻ പോ​യ​ന്റു​ക​ളു​ണ്ട്. ഏ​റ്റ​വും ദു​ഷ്‌​ക​ര​മാ​യ സ​മ​യ​ങ്ങ​ളി​ലും സ​ഹാ​യി​ക്കാ​ൻ തി​ര​ക്കു​കൂ​ട്ടു​ന്ന ഖ​ത്ത​റും അ​വി​ട​ത്തെ ജ​ന​ങ്ങ​ളും എ​പ്പോ​ഴും വി​ശ്വ​സ്ത​രാ​യ സു​ഹൃ​ത്തു​ക്ക​ളാ​യി തു​ട​രു​മെ​ന്നും ഖ​ത്ത​റി​ന്റെ ശ്ര​മ​ങ്ങ​ൾ​ക്ക് തു​ർ​ക്കി​യ ജ​ന​ത​യു​ടെ അ​ക​മ​ഴി​ഞ്ഞ ന​ന്ദി അ​റി​യി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.

വി​വി​ധ ചാ​രി​റ്റ​ബി​ൾ ഓ​ർ​ഗ​നൈ​സേ​ഷ​നു​ക​ളി​ൽ​നി​ന്നു​ള്ള നി​ര​വ​ധി ഉ​ദ്യോ​ഗ​സ്ഥ​ർ ഖ​ത്ത​ർ ടി.​വി​യി​ലെ പ​രി​പാ​ടി​യി​ൽ പ​ങ്കെ​ടു​ത്തു. ഇ​ത്ത​രം ശ്ര​മ​ങ്ങ​ളി​ൽ പ​ങ്കാ​ളി​ക​ളാ​കേ​ണ്ട​തി​ന്റെ പ്രാ​ധാ​ന്യ​ത്തെ​ക്കു​റി​ച്ച് പു​രോ​ഹി​ത​ന്മാ​രും ഇ​സ്‍ലാ​മി​ക പ​ണ്ഡി​ത​ന്മാ​രും സം​സാ​രി​ച്ചു. ദു​ര​ന്ത​ങ്ങ​ളി​ൽ പ​ര​സ്പ​രം സ​ഹാ​യി​ക്കാ​ൻ ആ​ളു​ക​ൾ പ​ര​മാ​വ​ധി ശ്ര​മി​ക്ക​ണ​മെ​ന്ന് അ​വ​ർ ആ​വ​ശ്യ​പ്പെ​ട്ടു. ഈ ​ഡ്രൈ​വി​ന് കീ​ഴി​ൽ, ക​ൾ​ച​റ​ൽ വി​ല്ലേ​ജ് ഫൗ​ണ്ടേ​ഷ​ൻ -ക​ത്താ​റ, സൂ​ഖ് വാ​ഖി​ഫ്, ആ​സ്പ​യ​ർ സോ​ൺ പാ​ർ​ക്ക് എ​ന്നി​വ​യു​ൾ​പ്പെ​ടെ രാ​ജ്യ​ത്തു​ട​നീ​ള​മു​ള്ള നി​ര​വ​ധി സ്ഥ​ല​ങ്ങ​ളി​ൽ പ​ണ​വും സാ​ധ​ന​ങ്ങ​ളും ശേ​ഖ​രി​ക്കു​ന്ന​തി​നു​ള്ള നി​ര​വ​ധി പോ​യ​ന്റു​ക​ൾ സ്ഥാ​പി​ച്ചി​ട്ടു​ണ്ട്.