വ​ലി​യ സ​ന്തോ​ഷ​ത്തി​ന്റെ ബ​ലിപെ​രു​ന്നാ​ൾ

ദോ​ഹ: സ​മ​ർ​പ്പ​ണ​ത്തി​ന്റെ​യും ത്യാ​ഗ​ത്തി​ന്റെ​യും സ്മ​ര​ണ​ക​ളും പാ​ഠ​ങ്ങ​ളു​മാ​യി വി​ശ്വാ​സി സ​മൂ​ഹം ബ​ലി​പെ​രു​ന്നാ​ൾ ആ​ഘോ​ഷി​ച്ചു. രാ​വി​ലെ ത​​ന്നെ മ​സ്​​ജി​ദു​ക​ളി​ലേ​ക്കും ഈ​ദ് ഗാ​ഹു​ക​ളി​ലേ​ക്കും​ ഒ​ഴു​കി​യ ജ​ന​ങ്ങ​ൾ ത​ക്​​ബീ​ർ ധ്വ​നി​ക​ളാ​ൽ ഭ​ക്തി​സാ​ന്ദ്ര​മാ​ക്കി. സ്​​ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള​വ​ർ അ​തി​രാ​വി​ലെ ഈ​ദു​ഗാ​ഹു​ക​ളി​ലെ​ത്തി.

ത്യാ​ഗ​ത്തി​​ന്റെ​യും സ​മ​ർ​പ്പ​ണ​ത്തി​​ന്റെ​യും ഉ​ദാ​ത്ത മാ​തൃ​ക​യാ​യ ഇ​ബ്റാ​ഹീം ന​ബി​യു​ടെ പാ​ത പി​ന്തു​ട​രാ​ൻ ഇ​മാ​മു​മാ​ർ പെ​രു​ന്നാ​ൾ ഖു​തു​ബ​യി​ൽ വി​ശ്വാ​സി​ക​ളെ ഉ​ണ​ർ​ത്തി. ഗ​സ്സ​യി​ലും ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലും പീ​ഡ​നം അ​നു​ഭ​വി​ക്കു​ന്ന​വ​ർ​ക്കാ​യി പ്രാ​ർ​ഥ​ന​ക​ൾ ഉ​യ​ർ​ന്നു. രാ​വി​ലെ 4.58നാ​യി​രു​ന്നു ഖ​ത്ത​റി​ൽ പെ​രു​ന്നാ​ൾ ന​മ​സ്കാ​രം. 675 പ​ള്ളി​ക​ളി​ലും വി​വി​ധ ഈ​ദ് ഗാ​ഹ് മൈ​താ​ന​ങ്ങ​ളി​ലും ബ​ലി പെ​രു​ന്നാ​ൾ ന​മ​സ്കാ​ര​ത്തി​ന് എ​ൻ​ഡോ​വ്മെ​ന്റ് ആ​ൻ​ഡ് ഇ​സ്‍ലാ​മി​ക​കാ​ര്യ മ​ന്ത്രാ​ല​യം (ഔ​ഖാ​ഫ്) വി​പു​ല​മാ​യ സൗ​ക​ര്യം ഏ​ർ​പ്പെ​ടു​ത്തി​യി​രു​ന്നു. ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി ലു​സൈ​ലി​ലെ ഈ​ദ് ഗാ​ഹി​ൽ ന​മ​സ്കാ​ര​ത്തി​നെ​ത്തി. എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ ഈ​ദ് ഗാ​ഹി​ൽ ആ​യി​ര​ങ്ങ​ൾ പ​ങ്കു​കൊ​ണ്ടു. ഇ​വി​ടെ ന​മ​സ്കാ​ര ശേ​ഷം ഖ​ത്ത​ർ ഫൗ​ണ്ടേ​ഷ​ൻ കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കു​മാ​യി വി​വി​ധ ഗെ​യിം​സ്, ആ​ക്ടി​വി​റ്റി​ക​ൾ സം​ഘ​ടി​പ്പി​ച്ചു. വൈ​കീ​ട്ട് ബ​ന്ധു​ക്ക​ളും സു​ഹൃ​ത്തു​ക്ക​ളു​മാ​യി സ്‌​നേ​ഹ​ബ​ന്ധം പു​തു​ക്കി പ്ര​വാ​സി സ​മൂ​ഹം ബ​ലി പെ​രു​ന്നാ​ൾ ജ​നം കൊ​ണ്ടാ​ടി. വാ​രാ​ന്ത അ​വ​ധി​ക​ൾ കൂ​ടി ചേ​ർ​ത്ത് ഒ​മ്പ​ത് ദി​വ​സം ഒ​ഴി​വ് ല​ഭി​ച്ച​തി​നാ​ൽ ധാ​രാ​ളം പ്ര​വാ​സി​ക​ൾ നാ​ട്ടി​ൽ പോ​യി​ട്ടു​ണ്ട്.

ധാ​രാ​ളം സ്വ​ദേ​ശി​ക​ൾ വി​ദേ​ശ യാ​ത്ര​യി​ലാ​ണ്. ക​ന​ത്ത ചൂ​ടി​ന്‍റെ പ​ശ്ചാ​ത്ത​ല​ത്തി​ലാ​യി​രു​ന്നു ഇ​ത്ത​വ​ണ​ത്തെ പെ​രു​ന്നാ​ൾ ആ​ഘോ​ഷ​ങ്ങ​ൾ. അ​തു​കൊ​ണ്ടു​ത​ന്നെ പ​ക​ലി​ലെ സം​ഗ​മ​ങ്ങ​ളും ആ​​ഘോ​ഷ പ​രി​പാ​ടി​ക​ളും കാ​ര്യ​മാ​യി ഉ​ണ്ടാ​യി​ല്ല. രാ​വി​ലെ ഹോ​ട്ട​ലു​ക​ളി​ൽ ന​ല്ല തി​ര​ക്ക് അ​നു​ഭ​വ​പ്പെ​ട്ടു.

സം​​ഗീ​​ത പ​​രി​​പാ​​ടി​​ക​​ൾ മു​​ത​​ൽ വെ​​ടി​​ക്കെ​​ട്ടും കു​​ട്ടി​​ക​​ളു​​ടെ ക​​ലാ പ​​രി​​പാ​​ടി​​ക​​ളും ഉ​​ൾ​​പ്പെ​​ടെ വൈ​​വി​​ധ്യ​​മാ​​ർ​​ന്ന പെ​​രു​​ന്നാ​​ൾ ​ആ​​ഘോ​​ഷ​​ങ്ങ​​ളാ​ണ് പെ​രു​ന്നാ​ളി​നോ​ട​നു​ബ​ന്ധി​ച്ച് ഖ​ത്ത​റി​ൽ ന​ട​ക്കു​ന്ന​ത്. ചൈ​ന, സി​റി​യ, മൊ​റോ​ക്കോ, ജോ​ർ​ഡ​ൻ എ​ന്നീ രാ​ജ്യ​ങ്ങ​ളി​ൽ നി​ന്നും നി​ര​വ​ധി ആ​ഫ്രി​ക്ക​ൻ രാ​ജ്യ​ങ്ങ​ളി​ൽ നി​ന്നു​മു​ള്ള ക​ലാ സം​ഘ​ങ്ങ​ളു​ടെ പ്ര​ക​ട​ന​വും പ​ര​മ്പ​രാ​ഗ​ത ഖ​ത്ത​രി അ​ർ​ദാ നൃ​ത്ത​വും പൊ​ലീ​സ് മ്യൂ​സി​ക് ബാ​ൻ​ഡി​ന്റെ പ്ര​ത്യേ​ക പ്ര​ദ​ർ​ശ​ന​വും അ​വ​ധി ദി​വ​സ​ങ്ങ​ളി​ൽ ക​താ​റ​യി​ൽ ന​ട​ക്കും. ഖ​ത്ത​ർ നാ​ഷ​ന​ൽ മ്യൂ​സി​യം, അ​ൽ ശ​ഖാ​ബ് കു​തി​ര​സ​വാ​രി കേ​ന്ദ്രം തു​ട​ങ്ങി​യ​വ വൈ​വി​ധ്യ​മാ​ർ​ന്ന പ​രി​പാ​ടി​ക​ൾ സം​ഘ​ടി​പ്പി​ക്കു​ന്നു. പ്ര​വാ​സി കൂ​ട്ടാ​യ്മ​ക​ളു​ടെ പെ​രു​ന്നാ​ൾ ആ​ഘോ​ഷ പ​രി​പാ​ടി​ക​ളും സം​ഗ​മ​ങ്ങ​ളും നി​ര​വ​ധി​യാ​ണ്. ദോ​​ഹ​​യു​​ടെ വി​​വി​​ധ ഭാ​​ഗ​​ങ്ങ​​ളി​​ലും പെ​​രു​​ന്നാ​​ൾ ആ​​ഘോ​​ഷ​​ങ്ങ​​ളു​​ടെ ഭാ​​ഗ​​മാ​​യി വി​​വി​​ധ പ​​രി​​പാ​​ടി​​ക​​ളാ​​ണ് ഖ​​ത്ത​​ർ ടൂ​​റി​​സം നേ​​തൃ​​ത്വ​​ത്തി​​ൽ ആ​​സൂ​​ത്ര​​ണം ചെ​യ്തി​ട്ടു​ള്ള​​ത്.