ലു​സൈ​ലി​ൽ ന​മ​സ്കാ​രം നി​ർ​വ​ഹി​ച്ച് അ​മീ​ർ

ദോ​ഹ: അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി ലു​സൈ​ലി​ലെ പ്രാ​ർ​ഥ​നാ മൈ​താ​നി​യി​ൽ ഈ​ദ്​ ന​മ​സ്കാ​രം നി​ർ​വ​ഹി​ച്ചു. അ​മീ​റി​ന്റെ വ്യ​ക്തി​ഗ​ത പ്ര​തി​നി​ധി ശൈ​ഖ് ജാ​സിം ബി​ൻ ഹ​മ​ദ് ആ​ൽ​ഥാ​നി, ശൈ​ഖ് അ​ബ്ദു​ല്ല ബി​ൻ ഖ​ലീ​ഫ ആ​ൽ​ഥാ​നി, ശൈ​ഖ് ജാ​സിം ബി​ൻ ഖ​ലീ​ഫ ആ​ൽ​ഥാ​നി, പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ബി​ൻ ജാ​സിം ആ​ൽ​ഥാ​നി, ശൂ​റാ കൗ​ൺ​സി​ൽ സ്പീ​ക്ക​ർ ഹ​സ​ൻ ബി​ൻ അ​ബ്ദു​ല്ല അ​ൽ ഗാ​നിം, ശൈ​ഖു​മാ​ർ, മ​ന്ത്രി​മാ​ർ, ശൂ​റാ കൗ​ൺ​സി​ൽ അം​ഗ​ങ്ങ​ൾ, വി​വി​ധ അം​ബാ​സ​ഡ​ർ​മാ​ർ, ന​യ​ത​ന്ത്ര പ്ര​തി​നി​ധി​ക​ൾ എ​ന്നി​വ​ർ അ​മീ​റി​നൊ​പ്പം ലു​സൈ​ലി​ൽ രാ​വി​ലെ പെ​രു​ന്നാ​ൾ ന​മ​സ്കാ​ര​ങ്ങ​ളി​ൽ പ​ങ്കു​ചേ​ർ​ന്നു.

ശൈ​ഖ് ഡോ. ​യ​ഹ്‍യ ബാ​തി അ​ൽ നു​ഐ​മി ഈ​ദ് ന​മ​സ്കാ​ര​ത്തി​നും ഖു​തു​ബ​ക്കും നേ​തൃ​ത്വം ന​ൽ​കി. ഒ​രു​മാ​സ​ക്കാ​ലം വ്ര​ത​മെ​ടു​ത്ത് പ്രാ​ർ​ഥ​ന​ക​ളും ആ​രാ​ധ​നാ ക​ർ​മ​ങ്ങ​ളു​മാ​യി സ​ജീ​വ​മാ​യ വി​ശ്വാ​സി​ക​ൾ​ക്ക് സ​ന്തോ​ഷം ന​ൽ​കു​ന്ന വേ​ള​യാ​ണ് പെ​രു​ന്നാ​ളെ​ന്ന് അ​ദ്ദേ​ഹം പ​റ​ഞ്ഞു. കാ​രു​ണ്യ​ത്തി​ന്റെ​യും സ്നേ​ഹം പ​ങ്കി​ട​ലി​ന്റെ​യും ദി​ന​മാ​യ ഈ​ദി​ന് ദൈ​വ​ത്തോ​ട് കൂ​ടു​ത​ൽ ന​ന്ദി​യ​ർ​പ്പി​ക്ക​ണ​മെ​ന്നും ആ​ഹ്വാ​നം ചെ​യ്തു.

ഗ​സ്സ​യി​ലെ ഫ​ല​സ്തീ​നി​ക​ൾ അ​നു​ഭ​വി​ക്കു​ന്ന ന​ര​ക​സ​മാ​ന​മാ​യ ജീ​വി​ത​വും ഇ​മാം ഖു​തു​ബ​യി​ൽ ഓ​ർ​മി​പ്പി​ച്ചു. വീ​ടു​ക​ളി​ൽ നി​ന്നും പു​റ​ത്താ​ക്ക​പ്പെ​ടു​ക​യും സ്വ​ന്ത​ക്കാ​രെ ന​ഷ്ട​മാ​വു​ക​യും ചെ​യ്ത ഫ​ല​സ്തീ​നി​ക​ളോ​​ട് ഐ​ക്യ​പ്പെ​ടാ​ൻ ആ​ഹ്വാ​നം ചെ​യ്തു. ദൈ​വ വി​ശ്വാ​സം ആ​ശ്വാ​സം ന​ൽ​കും. ദു​രി​ത​ത്തി​നു ശേ​ഷം തീ​ർ​ച്ച​യാ​യും പ്ര​തീ​ക്ഷ​യു​ള്ള നാ​ളെ എ​ത്തു​മെ​ന്നും പ​റ​ഞ്ഞു.

പെ​രു​ന്നാ​ൾ ന​മ​സ്കാ​ര ശേ​ഷം, ലു​സൈ​ൽ പാ​ല​സി​ൽ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി സ​ന്ദ​ർ​ശ​ക​രെ സ്വീ​ക​രി​ച്ച് ഈ​ദ് ആ​ശം​സ​ക​ൾ കൈ​മാ​റി. പ്ര​ധാ​ന​മ​ന്ത്രി, മ​ന്ത്രി​മാ​ർ, ശൂ​റാ കൗ​ൺ​സി​ൽ സ്പീ​ക്ക​ർ, സ​ഹ​മ​ന്ത്രി​മാ​ർ, ശൈ​ഖു​മാ​ർ, വി​വി​ധ രാ​ജ്യ​ങ്ങ​ളു​ടെ ന​യ​ത​ന്ത്ര പ്ര​തി​നി​ധി​ക​ൾ, സേ​നാ മേ​ധാ​വി​ക​ളും മു​തി​ർ​ന്ന ഉ​ദ്യോ​ഗ​സ്​​ഥ​ർ എ​ന്നി​വ​രു​മാ​യി ഈ​ദ്​ ആ​ശം​സ​ക​ൾ കൈ​മാ​റി.