പെ​രു​ന്നാ​ൾ: പ്രാ​ർ​ഥ​ന മൈ​താ​ന​ങ്ങ​ളും പാ​ർ​ക്കു​ക​ളും ഒ​രു​ങ്ങു​ന്നു

ദോ​ഹ: പെ​രു​ന്നാ​ളി​നാ​യി പ്രാ​ർ​ഥ​ന മൈ​താ​ന​ങ്ങ​ളും പൊ​തു​പാ​ർ​ക്കു​ക​ളും ത​യാ​റാ​ക്കു​ന്ന​തി​നു​ള്ള ഒ​രു​ക്കം സ​ജീ​വ​മാ​ക്കി രാ​ജ്യ​ത്തെ ന​ഗ​ര​സ​ഭ​ക​ൾ. ആ​രോ​ഗ്യ നി​ർ​ദേ​ശ​ങ്ങ​ൾ പാ​ലി​ക്കു​ന്ന​ത് ഉ​റ​പ്പു​വ​രു​ത്തു​ന്ന​തി​ന്റെ ഭാ​ഗ​മാ​യി വ​രും​ദി​വ​സ​ങ്ങ​ളി​ൽ ഭ​ക്ഷ്യ ഔ​ട്ട് ലെ​റ്റു​ക​ളി​ൽ പ​രി​ശോ​ധ​ന ക​ർ​ശ​ന​മാ​ക്കാ​നും ന​ഗ​ര​സ​ഭ അ​ധി​കൃ​ത​ർ തീ​രു​മാ​നി​ച്ചി​ട്ടു​ണ്ട്. ദോ​ഹ മു​നി​സി​പ്പാ​ലി​റ്റി​യു​ടെ പ​രി​ധി​യി​ലു​ള്ള ഷോ​പ്പി​ങ് കോം​പ്ല​ക്സു​ക​ളി​ലും മ​ധു​ര പ​ല​ഹാ​ര കേ​ന്ദ്ര​ങ്ങ​ളി​ലും അ​റ​വു​ശാ​ല​ക​ളി​ലും പ​രി​ശോ​ധ​ന​ക്കാ​യി വെ​റ്റ​റി​ന​റി ഡോ​ക്ട​ർ​മാ​ര​ട​ങ്ങു​ന്ന പ്ര​ത്യേ​ക പ​രി​ശോ​ധ​ക സം​ഘ​ത്തെ നി​യ​മി​ക്കു​ക​യും വി​ന്യ​സി​ക്കു​ക​യും ചെ​യ്തി​ട്ടു​ണ്ട്.

സെ​ൻ​ട്ര​ൽ മാ​ർ​ക്ക​റ്റ്, ശീ​തീ​ക​ര​ണ​കേ​ന്ദ്ര​ങ്ങ​ൾ, ഇ​ൻ​ഡ​സ്​​ട്രി​യ​ൽ ഏ​രി​യ​യി​ലെ സം​ഭ​ര​ണ​ശാ​ല​ക​ൾ എ​ന്നി​വി​ട​ങ്ങ​ളി​ലെ പ​ഴം, പ​ച്ച​ക്ക​റി​ക​ളും പ​രി​ശോ​ധ​ന​ക്ക് വി​ധേ​യ​മാ​ക്കും. പെ​രു​ന്നാ​ൾ ആ​ഘോ​ഷ​ങ്ങ​ൾ​ക്കാ​യു​ള്ള ത​യാ​റെ​ടു​പ്പു​ക​ളു​ടെ ഭാ​ഗ​മാ​യി റ​യ്യാ​ൻ മു​നി​സി​പ്പാ​ലി​റ്റി​ക്ക് കീ​ഴി​ലെ ഭ​ക്ഷ്യ ഔ​ട്ട് ലെ​റ്റു​ക​ളി​ൽ പ​രി​ശോ​ധ​ന ക​ടു​പ്പി​ക്കും. പൊ​തു പാ​ർ​ക്കു​ക​ളും ച​ത്വ​ര​ങ്ങ​ളും പ്രാ​ർ​ഥ​ന ഗ്രൗ​ണ്ടു​ക​ളും റോ​ഡു​ക​ളും അ​ധി​കൃ​ത​ർ വൃ​ത്തി​യാ​ക്കു​ന്ന പ്ര​വൃ​ത്തി ഊ​ർ​ജി​ത​മാ​ക്കി.

പെ​രു​ന്നാ​ളി​ന് മു​ന്നോ​ടി​യാ​യി ഭ​ക്ഷ്യ ഔ​ട്ട് ലെ​റ്റു​ക​ളി​ലും ഷോ​പ്പി​ങ് കോം​പ്ല​ക്സു​ക​ളി​ലും റ​സ്​​റ്റാ​റ​ൻ​റു​ക​ളി​ലും അ​റ​വു​ശാ​ല​ക​ളി​ലും അ​ധി​കൃ​ത​ർ പ​രി​ശോ​ധ​ന ന​ട​ത്തി​യി​രു​ന്നു. അ​ൽ സൈ​ലി​യ​യി​ലെ സെ​ൻ​ട്ര​ൽ മാ​ർ​ക്ക​റ്റി​ലെ പ​ച്ച​ക്ക​റി​ക​ളും പ​ഴ​ങ്ങ​ളും പ​രി​ശോ​ധി​ക്കു​ന്ന​തി​നാ​യി പ്ര​ത്യേ​ക സം​ഘ​ത്തെ നി​യ​മി​ക്കു​ക​യും ചെ​യ്തി​ട്ടു​ണ്ട്.

ഈ​ദ് അ​വ​ധി ദി​വ​സ​ങ്ങ​ളി​ൽ പ​രാ​തി​ക​ൾ ല​ഭി​ച്ചാ​ലു​ട​ൻ അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്കു​മെ​ന്നും നി​യ​മ​ന​ട​പ​ടി​ക​ൾ നേ​രി​ടേ​ണ്ടി വ​രു​മെ​ന്നും ബ​ന്ധ​പ്പെ​ട്ട അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. മൂ​ന്ന് ഷി​ഫ്റ്റു​ക​ളി​ൽ 24 മ​ണി​ക്കൂ​റും പ​രി​ശോ​ധ​ന ന​ട​ത്താ​നു​ള്ള സം​വി​ധാ​ന​വും ഒ​രു​ക്കി. അ​തേ​സ​മ​യം, പാ​ർ​ക്കു​ക​ളി​ലെ കാ​യി​ക സൗ​ക​ര്യ​ങ്ങ​ൾ, ഉ​പ​ക​ര​ണ​ങ്ങ​ൾ, ക​ളി​ക്ക​ള​ങ്ങ​ൾ എ​ന്നി​വ വൃ​ത്തി​യാ​ക്കാ​നു​ള്ള ന​ട​പ​ടി​ക​ൾ പ​ബ്ലി​ക് പാ​ർ​ക്സ്​ സെ​ക്ഷ​ന് കീ​ഴി​ൽ ആ​രം​ഭി​ച്ചു. റ​യ്യാ​ൻ മു​നി​സി​പ്പാ​ലി​റ്റി​ക്ക് കീ​ഴി​ലെ എ​ല്ലാ പാ​ർ​ക്കു​ക​ളും പു​ല​ർ​ച്ചെ അ​ഞ്ച് മു​ത​ൽ അ​ർ​ധ​രാ​ത്രി ഒ​ന്ന് വ​രെ തു​റ​ന്നു​കൊ​ടു​ക്കും.

ശ​മാ​ൽ മു​നി​സി​പ്പാ​ലി​റ്റി​ക്ക് കീ​ഴി​ലെ പാ​ർ​ക്കു​ക​ൾ രാ​വി​ലെ എ​ട്ട് മു​ത​ൽ ഉ​ച്ച​ക്ക് 12 വ​രെ തു​റ​ന്നു​ന​ൽ​കും. സ​ന്ദ​ർ​ശ​ക​രെ സ്വീ​ക​രി​ക്കാ​നു​ള്ള ഒ​രു​ക്കം ആ​രം​ഭി​ച്ച​താ​യി ശ​മാ​ൽ മു​നി​സി​പ്പാ​ലി​റ്റി വൃ​ത്ത​ങ്ങ​ൾ അ​റി​യി​ച്ചു. ഭ​ക്ഷ്യ ഔ​ട്ട് ലെ​റ്റു​ക​ളി​ലും മൊ​ത്ത, ചി​ല്ല​റ വ്യാ​പാ​ര കേ​ന്ദ്ര​ങ്ങ​ളി​ലും അ​റ​വു​ശാ​ല​ക​ളി​ലും പ​രി​ശോ​ധ​ന​യും ശ​ക്ത​മാ​ക്കി​യി​ട്ടു​ണ്ട്.