സ​ത്യ​ത്തി​ലാ​രും തി​രി​ച്ച​റി​യാ​ത്തപെ​രു​ന്നാ​ൾ മൊ​ഞ്ചു​കാ​ർ

പെ​രു​ന്നാ​ൾ തി​ര​ക്കി​ന്റെ പ്ര​ധാ​ന കേ​ന്ദ്ര​മാ​ണ് ബാ​ർ​ബ​ർ​ ഷോ​പ്പു​ക​ൾ. ന​ടു​വൊ​ടി​യു​ന്ന നി​ൽ​പു​മാ​യി പെ​രു​ന്നാ​ളി​നെ മൊ​ഞ്ചാ​ക്കു​ന്ന​വ​രു​ടെ പെ​രു​ന്നാ​ൾ വി​ശേ​ഷ​ങ്ങ​ൾ.

ദോ​ഹ: പെ​രു​ന്നാ​ളു​ക​ളെ​ത്തി​യാ​ൽ ഇ​രി​പ്പു​റ​ക്കാ​ത്ത​വ​രാ​യി മാ​റു​ന്ന​വ​രാ​ണ്​ ബാ​ർ​ബ​ർ​ഷോ​പ്പു​ക​ളി​ലെ ജീ​വ​ന​ക്കാ​ർ. ചെ​റി​യ പെ​രു​ന്നാ​ളി​നും ബ​ലി​പെ​രു​ന്നാ​ളി​ലും നാ​ട്ടി​ൽ കാ​ണു​ന്ന ഈ ​തി​ര​ക്കി​ന്​ പ്ര​വാ​സ​ത്തി​ലും മാ​റ്റ​മൊ​ന്നു​മി​​ല്ല. ഇ​വി​ടെ മ​ല​യാ​ളി മാ​ത്ര​മ​ല്ല, സ്വ​ദേ​ശി​ക​ളും മ​റ്റു ദേ​ശ​ക്കാ​രു​മെ​ല്ലാ​മാ​യി നോ​മ്പി​ന്റെ അ​വ​സാ​ന ദി​വ​സ​ങ്ങ​ളി​ൽ പ​ക​ല​ന്തി​യോ​ളം കാ​ത്തി​രി​ക്കു​ന്ന​തും മു​ടി​വെ​ട്ടു​ക​ട​ക​ൾ​ക്കു മു​ന്നി​ൽ​ത​ന്നെ. നിന്നുനിന്ന് ന​ടു​വൊ​ടി​യു​ന്ന തി​ര​ക്കി​നി​ട​യി​ലെ മു​ടി​വെ​ട്ടു​കാ​രു​ടെ പെ​രു​ന്നാ​ളി​നെ കു​റി​ച്ച്​ ആ​ലോ​ചി​ക്കാ​റു​​ണ്ടോ. നോ​മ്പ്​ അ​വ​സാ​ന പ​ത്തി​ലെ ഏ​താ​നും ദി​വ​സ​ങ്ങ​ൾ പി​ന്നി​ട്ടാ​ൽ, ഉ​റ​ങ്ങി തെ​ളി​യും മു​​മ്പ്​ രാ​വി​ലെ ത​ന്നെ ക​ട​യു​ടെ വാ​തി​ലു​ക​ൾ തു​റ​ക്കും. പി​ന്നെ ക​ത്രി​ക​യും ട്രി​മ്മ​റും പി​ടി​ച്ച്, മു​ന്നി​ലെ​ത്തു​ന്ന ത​ല​ക​ളി​ൽ മാ​റി​മാ​റി​ പ​ണി​യാ​ണ്. ചി​ല്ല​റ മ​ണി​ക്കൂ​റു​ക​ള​ല്ല, അ​ടു​ത്ത ദി​നം പു​ല​രു​ന്ന​തി​ന്​ ഏ​താ​നും മ​ണി​ക്കൂ​റു​ക​ൾ മു​മ്പു​വ​രെ ഈ ​അ​ഭ്യാ​സം തു​ട​രും ​-ദോ​ഹ ന​ജ്​​മ​യി​ലെ ജ​ദ്‍വ ബ്യൂ​ട്ടി സ​ലൂ​ണി​ലെ രാ​മ​നാ​ട്ടു​ക​ര സ്വ​ദേ​ശി​യാ​യ ഹി​ഷാ​മി​ന്റെ​യും സ​ഹ​പ്ര​വ​ർ​ത്ത​ക​രു​ടെ​യും പെ​രു​ന്നാ​ളി​നോ​ട​നു​ബ​ന്ധി​ച്ച്​ ദി​ന​ങ്ങ​ൾ ഇ​ങ്ങ​നെ​യാ​ണ്.

പെ​രു​ന്നാ​ളി​ന്​ നാ​ല​ഞ്ചു ദി​നം മു​​മ്പേ തി​ര​ക്ക്​ തു​ട​ങ്ങും. രാ​വി​ലെ 8.30ന്​ ​ക​ട​തു​റ​ക്കു​​മ്പോ​ഴേ​ക്കും ക​സേ​ര​യി​ലി​രി​ക്കാ​ൻ ആ​ളു​ക​ളും എ​ത്തി​ത്തു​ട​ങ്ങും. പെ​രു​ന്നാ​ളി​ലേ​ക്ക​ടു​ക്കു​​മ്പോ​ൾ തി​ര​ക്ക്​ പി​ന്നെ​യും കൂ​ടും. ക​ഴി​ഞ്ഞ ര​ണ്ടു മൂ​ന്നു ദി​വ​സ​ങ്ങ​ളി​ലാ​യി രാ​വി​ലെ മു​ത​ലു​ള്ള പ​ണി പു​ല​ർ​ച്ചെ മൂ​ന്നും ക​ഴി​​ഞ്ഞേ അ​വ​സാ​നി​ക്കാ​റു​ള്ളൂ -പെ​രു​ന്നാ​ളി​നോ​ടു​ബ​ന്ധി​ച്ച ജോ​ലി​യെ കു​റി​ച്ച്​ ഹി​ഷാ​മും സ​ഹ​പ്ര​വ​ർ​ത്ത​ക​ൻ കൊ​ടു​വ​ള്ളി​ക്കാ​ര​ൻ ഷാ​നി​യും പ​റ​യു​ന്ന​ത്​ ഇ​ങ്ങ​നെ​യാ​ണ്. 17ഉം 18​ഉം മ​ണി​ക്കൂ​റാ​ണ്​ ഒ​രേ നി​ൽ​പ്​. ഇ​തി​നി​ട​യി​ൽ ഒ​ന്നി​നു പി​ന്നാ​ലെ ഒ​ന്നാ​യി ക​യ​റി​യെ​ത്തു​ന്ന ആ​വ​ശ്യ​ക്കാ​രെ മു​ഷി​പ്പി​ക്കാ​തെ എ​ല്ലാ​​വ​രെ​യും സു​ന്ദ​ര​ന്മാ​രാ​ക്കി പെ​രു​ന്നാ​ളോ​ഘോ​ഷ​ത്തി​ന്​ ഒ​രു​ക്ക​ണം. ഓ​രോ​രു​ത്ത​രു​ടെ​യും ഇ​ഷ്ട​ങ്ങ​ളി​ൽ പി​ഴ​ക്കാ​നും പാ​ടി​ല്ല. ക​ത്രി​ക​യും ട്രി​മ്മ​റും ചീ​പ്പു​മാ​യി പ​ക​ല​ന്തി​യോ​ളം ന​ട​ക്കു​ന്ന പ​യ​റ്റി​നി​ട​യി​ൽ ത​ന്നെ വേ​ണം നോ​മ്പു തു​റ​യും മ​റ്റു ക​ർ​മ​ങ്ങ​ളും പൂ​ർ​ത്തി​യാ​ക്കാ​ൻ. ഒ​ടു​വി​ൽ പെ​രു​ന്നാ​ൾ രാ​വി​ന്​ കൊ​ട്ടി​ക്ക​ലാ​ശ​മെ​ന്ന​പോ​ലെ ​പൂ​ര​ത്തി​ര​ക്കാ​യി​മാ​റും. മ​നു​ഷ്യ​നെ​ന്ന​ത്​ യ​ന്ത്ര​മാ​യി മാ​റു​ന്ന ദി​വ​സ​ങ്ങ​ൾ. ഒ​ടു​വി​ൽ, പെ​രു​ന്നാ​ൾ ന​മ​സ്​​കാ​രം ആ​രം​ഭി​ക്കാ​ൻ അ​ര മ​ണി​ക്കൂ​റോ ഒ​​രു മ​ണി​ക്കൂ​റോ മാ​ത്രം സ​മ​യം ബാ​ക്കി​നി​ൽ​ക്കെ ക​ട​യ​ട​ച്ച്​ ഒ​രോ​ട്ടം...

സ​മീ​പ​ത്തെ പ​ള്ളി​ക​ളി​ൽ അ​വ​സാ​ന നി​ര​യി​ൽ ഇ​ടം പി​ടി​ച്ച്​ ന​മ​സ്​​കാ​ര​വും നി​ർ​വ​ഹി​ച്ച്​ വി​ശ്ര​മ​പ്പെ​രു​ന്നാ​ളി​ലേ​ക്ക്... ഇ​താ​ണ്​ നാ​ട്ടി​ലും മ​റു​നാ​ട്ടി​ലു​മെ​ല്ലാം ബാ​ർ​ബ​ർ​ഷോ​പ്​ ജീ​വ​ന​ക്കാ​രു​ടെ പെ​രു​ന്നാ​ൾ. മ​ണി​ക്കൂ​റു​ക​​ളോ​ള​മു​ള്ള നി​ൽ​പി​ന്റെ ആ​രോ​ഗ്യ പ്ര​ശ്​​ന​ങ്ങ​ളെ കു​റി​ച്ചാ​യി​രു​ന്നു നാ​ട്ടി​ലും വി​വി​ധ ഗ​ൾ​ഫ്​ രാ​ജ്യ​ങ്ങ​ളി​ലു​മാ​യി വ​ർ​ഷ​ങ്ങ​ളാ​യി ജോ​ലി ചെ​യ്യു​ന്ന ജം​ഷീ​ർ വി​ള​യി​ലി​ന്റെ വാ​ക്കു​ക​ൾ. ദൈ​ർ​ഘ്യ​മേ​റി​യ നി​ൽ​പ്​ കാ​ര​ണം വെ​രി​ക്കോ​സ്​ വെ​യി​ൻ, ന​ടു​വേ​ദ​ന ഉ​ൾ​പ്പെ​ടെ രോ​ഗ​ങ്ങ​ളാ​യും മാ​റും. ഇ​തി​നി​ട​യി​ലും, പെ​രു​ന്നാ​ളി​ന്​ ഒ​രു​ങ്ങാ​ൻ വ​രു​ന്ന​വ​രെ സു​ന്ദ​ര​ന്മാ​രാ​ക്കി, ഈ ​തി​ര​ക്കി​നെ ത​ങ്ങ​ളു​ടെ പെ​രു​ന്നാ​ളാ​ക്കി മാ​റ്റു​ക​യാ​ണി​വ​ർ.