എംബസി ഓപൺ ഹൗസ്​ നാളെ

ദോഹ: എല്ലാ മാസങ്ങളിലുമായി പ്രവാസി ഇന്ത്യക്കാരുടെ തൊഴിൽ, കോൺസുലാർ പ്രശ്​നങ്ങൾ ബോധിപ്പിക്കാനും പരിഹാരം കാണാനുമായി ഖത്തറിലെ ഇന്ത്യൻ എംബസി സംഘടിപ്പിക്കുന്ന ഓപൺ ഫോറം ഇത്തവണ ആഗസ്​റ്റ്​ 26ന്​​ നടക്കും.

പ്രവാസികളുമായി ബന്ധപ്പെട്ട എല്ലാ പ്രശ്​നങ്ങളും ബോധിപ്പിക്കാനുള്ള അവസരമാണിത്​. വൈകീട്ട് മൂന്നു മണി മുതല്‍ അഞ്ചു മണി വരെ തൊഴിലാളികൾക്കും മറ്റും അംബാസഡർ ഡോ. ദീപക്​ മിത്തലിനും ഉദ്യോഗസ്​ഥർക്കും മുമ്പാകെ പരാതികൾ പറയാം. മൂന്നു മുതൽ നാലു മണി​വരെ എംബസിയിൽ നേരി​ട്ടെത്തി ഓപൺ ഫോറത്തിൽ പ​ങ്കെടുക്കാം. നാലുമുതൽ അഞ്ചുവരെ ​ടെലിഫോൺ വഴിയോ (00974-30952526) സൂം ഓൺലൈൻ പ്ലാറ്റ്​ ഫോം വഴിയോ (മീറ്റിങ്​ ​ഐ.ഡി 830 1392 4063, പാസ്​വേഡ്​ 121800) പ​ങ്കെടുക്കാമെന്ന്​ എംബസി അധികൃതർ അറിയിച്ചു.