ഇ​റാ​ന് സാ​ന്ത്വ​ന​വു​മാ​യി അ​മീ​ർ തെ​ഹ്റാ​നി​ൽ

ദോ​ഹ: പ്ര​സി​ഡ​ന്റ് ഇ​ബ്രാ​ഹീം റ​ഈ​സി​യു​ടെ​യും വി​ദേ​ശ​കാ​ര്യ മ​ന്ത്രി അ​മീ​ർ അ​ബ്ദു​ല്ല​ഹി​യാ​ന്റെ​യും സ​ഹ​യാ​ത്രി​ക​രു​ടെ​യും ഹെ​ലി​കോ​പ്ട​ർ അ​പ​ക​ട മ​ര​ണ​ത്തി​ന്റെ ദു​ര​ന്ത​ത്തി​ൽ നീ​റു​ന്ന ഇ​റാ​ന് സ​മാ​ശ്വാ​സ​വു​മാ​യി ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യെ​ത്തി. ബു​ധ​നാ​ഴ്ച ഉ​ച്ച​യോ​ടെ തെ​ഹ്റാ​നി​ലെ​ത്തി​യ അ​മീ​റും പ്ര​ധാ​ന​മ​ന്ത്രി ശൈ​ഖ് മു​ഹ​മ്മ​ദ് ബി​ൻ അ​ബ്ദു​റ​ഹ്മാ​ൻ ആ​ൽ​ഥാ​നി​യും ഇ​റാ​ൻ പ​ര​മോ​ന്ന​ത​ നേ​താ​വ് ആ​യു​ത്തു​ല്ല അ​ലി ഖാം​ന​ഇ​യെ സ​ന്ദ​ർ​ശി​ച്ച് അ​നു​ശോ​ച​നം അ​റി​യി​ച്ചു. ത​ല​സ്ഥാ​ന​മാ​യ തെ​ഹ്റാ​നി​ലെ ഓ​ഫി​സി​ലാ​യി​രു​ന്നു ഖ​ത്ത​ർ അ​മീ​ർ ഇ​റാ​ൻ ​രാ​ഷ്ട്ര നേ​താ​വി​നെ സ​ന്ദ​ർ​ശി​ച്ച​ത്. ഇ​ട​ക്കാ​ല പ്ര​സി​ഡ​ന്റ് ഡോ. ​മു​ഹ​മ്മ​ദ് മു​ഖ്ബ​റി​നെ​യും അ​മീ​ർ സ​ന്ദ​ർ​ശി​ച്ചി​രു​ന്നു.

ഉ​ച്ച​യോ​ടെ മി​ഹ്റാ​ബാ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ ഇ​റാ​ൻ തൊ​ഴി​ൽ-​കോ​ർ​പ​റേ​ഷ​ൻ മ​ന്ത്രി സ​ലാ​ത് മു​ർ​ത​സ​വി, ഇ​റാ​നി​ലെ ഖ​ത്ത​ർ എം​ബ​സി അം​ഗ​ങ്ങ​ൾ ഉ​ൾ​പ്പെ​ടെ അ​മീ​റി​നെ സ്വീ​ക​രി​ച്ചു. ഞാ​യ​റാ​ഴ്ച ഉ​ച്ച​യോ​ടെ ഹെ​ലി​കോ​പ്റ്റ​ർ അ​പ​ക​ടം ന​ട​ന്ന​തി​നു പി​ന്നാ​ലെ തി​ര​ച്ചി​ലി​ന് പ്ര​ത്യേ​ക സം​ഘം ഉ​ൾ​പ്പെ​ടെ എ​ല്ലാ സ​ഹാ​യ​ങ്ങ​ളും ഖ​ത്ത​ർ വാ​ഗ്ദാ​നം ചെ​യ്തി​രു​ന്നു. തി​ങ്ക​ളാ​ഴ്ച മ​ര​ണം സ്ഥി​രീ​ക​രി​ച്ച​തി​നു പി​ന്നാ​ലെ അ​മീ​ർ ഇ​റാ​ൻ വൈ​സ് പ്ര​സി​ഡ​ന്റി​​നെ ഫോ​ണി​ൽ വി​ളി​ച്ച് ദുഃ​ഖം പ​ങ്കു​വെ​ക്കു​ക​യും ചെ​യ്തു. ഖ​ത്ത​റു​മാ​യി അ​ടു​ത്ത സൗ​ഹൃ​ദം പ​ങ്കു​വെ​ക്കു​ന്ന രാ​ജ്യ​മാ​ണ് ഇ​റാ​ൻ. കൊ​ല്ല​പ്പെ​ട്ട പ്ര​സി​ഡ​ന്റ് ഇ​ബ്രാ​ഹിം റ​ഈ​സി​യും വി​ദേ​ശ​കാ​ര്യ​മ​ന്ത്രി​യും അ​ടു​ത്തി​ടെ​യും ഖ​ത്ത​ർ സ​ന്ദ​ർ​ശി​ച്ചി​രു​ന്നു.