ഇറാഖ്​ കുർദിസ്താൻ പ്രധാനമന്ത്രിയുമായി അമീറിന്‍റെ കൂടിക്കാഴ്ച

ദോഹ: ഖത്തർ സന്ദർശിക്കുന്ന ഇറാഖ്​ കുർദിസ്താൻ പ്രധാനമന്ത്രി മസ്​റൂർ ബർസാനിയുമായി അമീർ ശൈഖ്​ തമീം ബിൻ ഹമദ്​ ആൽഥാനി കൂടിക്കാഴ്ച നടത്തി. ചൊവ്വാഴ്ച ദോഹയി​ലെത്തിയ മസ്​റൂർ ബർസാനിയുമായി ബുധനാഴ്ച രാവിലെ അമിരി ദിവാനിലായിരുന്നു കൂടിക്കാഴ്ച. ഇരുരാജ്യങ്ങളും തമ്മിലെ ഉഭയകക്ഷി ബന്ധവും പൊതുതാൽപര്യമുള്ള വിഷയങ്ങളും ചർച്ച ചെയ്തതതായി ഖത്തർ ന്യൂസ്​ ഏജൻസി റിപ്പോർട്ട്​ ചെയ്തു. പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ ഖാലിദ്​ ബിൻ ഖലീഫ ബിൻ അബ്​ദുൽ അസീസ്​ ആൽഥാനിയും ചർച്ചയിൽ പ​ങ്കെടുത്തു. ഇറാഖ്​ കുർദിസ്താൻ പ്രധാനമന്ത്രി ഖത്തറിലെ വിദ്യാഭ്യാസ ആസ്ഥാനമായ എജുക്കേഷൻ സിറ്റി കഴിഞ്ഞ ദിവസം സന്ദർശിച്ചിരുന്നു. ശാസ്ത്ര, സാ​ങ്കേതിക വിദ്യാഭ്യാസ -ഗവേഷണ മേഖലയിൽ ഖത്തർ കൈവരിച്ച നേട്ടങ്ങൾ അദ്ദേഹം വിലയിരുത്തി.