അ​മീ​ർ സാ​ക്ഷി​യാ​യി; കു​തി​പ്പ് പൊ​ന്നാ​വ​ട്ടെ

ദോ​ഹ: പാ​രി​സി​ലെ സെ​ൻ ന​ദി​യി​ലും ക​ര​യി​ലു​മാ​യി ന​ട​ന്ന ഒ​ളി​മ്പി​ക്സി​ന്റെ ഉ​ദ്ഘാ​ട​ന​ച്ച​ട​ങ്ങി​ന് സാ​ക്ഷി​യാ​യി ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യും. വെ​ള്ളി​യാ​ഴ്ച രാ​ത്രി ന​ട​ന്ന ഉ​ദ്ഘാ​ട​ന​ച്ച​ട​ങ്ങി​ലും, അ​തി​ന് മു​ന്നോ​ടി​യാ​യി ഫ്ര​ഞ്ച് പ്ര​സി​ഡ​ന്റ് ഇ​മ്മാ​നു​വ​ൽ മ​ക്രോ​ണി​ന്റെ ഒ​ളി​മ്പി​ക്സ് സ്വീ​ക​ര​ണ പ​രി​പാ​ടി​യി​ലും അ​മീ​ർ പ​​ങ്കെ​ടു​ത്തു.

എ​ൽ​സി പാ​ല​സി​ലാ​യി​രു​ന്നു ഖ​ത്ത​ർ അ​മീ​ർ ഉ​ൾ​പ്പെ​ടെ വി​വി​ധ ലോ​ക​നേ​താ​ക്ക​ൾ​ക്കാ​യി ഫ്ര​ഞ്ച് പ്ര​സി​ഡ​ന്റ് സ്വീ​ക​ര​ണം ന​ൽ​കി​യ​ത്. തു​ട​ർ​ന്നാ​യി​രു​ന്നു സെ​ൻ ന​ദി​യി​ലും ക​ര​യി​ലു​മാ​യി ഒ​ളി​മ്പി​ക്സി​ന്റെ വി​സ്മ​യ​ക​ര​മാ​യ ഉ​ദ്ഘാ​ട​ന​ച്ച​ട​ങ്ങി​ന് തു​ട​ക്ക​മാ​യ​ത്.

ദീ​പ​ശി​ഖ തെ​ളി​യി​ക്കും മു​മ്പ് ന​ട​ന്ന ടീ​മു​ക​ളു​ടെ മാ​ർ​ച്ച് പാ​സ്റ്റി​ന് അ​മീ​റും ഖ​ത്ത​റി​ന്റെ സം​ഘ​വും സാ​ക്ഷി​യാ​യി. ന​ദി​യി​ലൂ​ടെ നീ​ങ്ങി​യ ബോ​ട്ടി​ൽ പ​ര​മ്പ​രാ​ഗ​ത ഖ​ത്ത​രി വേ​ഷ​ങ്ങ​ള​ണി​ഞ്ഞ് ടീം ​അം​ഗ​ങ്ങ​ൾ മാ​ർ​ച്ച്പാ​സ്റ്റി​ൽ പ​​ങ്കെ​ടു​ത്ത​പ്പോ​ൾ ഗാ​ല​റി​യി​ൽ എ​ഴു​ന്നേ​റ്റ്നി​ന്ന് ദേ​ശീ​യ പ​താ​ക ഉ​യ​ർ​ത്തി​ക്കൊ​ണ്ട് അ​മീ​ർ അ​വ​രെ അ​ഭി​വാ​ദ്യം ചെ​യ്തു.

സ​ഹോ​ദ​രി​യും ഖ​ത്ത​ർ ഫൗ​ണ്ടേ​ഷ​ൻ വൈ​സ് ചെ​യ​ർ​പേ​ഴ്സ​നും സി.​ഇ.​ഒ​യു​മാ​യ ശൈ​ഖ ഹി​ന്ദ് ബി​ൻ​ത് ഹ​മ​ദ് ആ​ൽ​ഥാ​നി​യും അ​മീ​റി​നൊ​പ്പ​മു​ണ്ടാ​യി​രു​ന്നു. ഖ​ത്ത​ർ ഒ​ളി​മ്പി​ക് ക​മ്മി​റ്റി പ്ര​സി​ഡ​ന്റ് ശൈ​ഖ് ജു​ആ​ൻ ബി​ൻ ഹ​മ​ദ് ആ​ൽ​ഥാ​നി, ഒ​ളി​മ്പി​ക് ക​മ്മി​റ്റി​യു​ടെ മ​റ്റു ഭാ​ര​വാ​ഹി​ക​ൾ എ​ന്നി​വ​രും ഗാ​ല​റി​യി​ലി​രു​ന്ന് ഖ​ത്ത​ർ ഒ​ളി​മ്പി​ക് ടീ​മി​നെ അ​ഭി​വാ​ദ്യം ചെ​യ്തു. ഹൈ​ജം​പി​ൽ ഒ​ളി​മ്പി​ക്സ്-​ലോ​ക​ചാ​മ്പ്യ​നാ​യ മു​അ​ത​സ് ബ​ർ​ഷി​മാ​യി​രു​ന്നു മാ​ർ​ച്ച് പാ​സ്റ്റി​ൽ ഖ​ത്ത​റി​ന്റെ ദേ​ശീ​യ പ​താ​ക വ​ഹി​ച്ച​ത്.

അ​ത്‍ല​റ്റി​ക്സ്, വോ​ളി​ബാ​ൾ, ഷൂ​ട്ടി​ങ്, വെ​യ്റ്റ് ലി​ഫ്റ്റി​ങ്, നീ​ന്ത​ൽ ഉ​ൾ​പ്പെ​​ടെ അ​ഞ്ച് ഇ​ന​ങ്ങ​ളി​ലാ​യി 14 കാ​യി​ക താ​ര​ങ്ങ​ളാ​ണ് ഖ​ത്ത​റി​നാ​യി മാ​റ്റു​ര​ക്കു​ന്ന​ത്. ഉ​ദ്ഘാ​ട​ന​ച്ച​ട​ങ്ങി​നു​ശേ​ഷം, എ​ക്സ് പ്ലാ​റ്റ്ഫോം വ​ഴി അ​മീ​ർ ഖ​ത്ത​ർ ദേ​ശീ​യ ടീ​മി​ന് വി​ജ​യാ​ശം​സ നേ​ർ​ന്നു. ഉ​ദ്ഘാ​ട​ന​ച്ച​ട​ങ്ങി​ൽ പ​​ങ്കെ​ടു​ക്കാ​ൻ ക​ഴി​ഞ്ഞ​തി​ന്റെ സ​ന്തോ​ഷം പ്ര​ക​ടി​പ്പി​ച്ച അ​മീ​ർ, ഒ​ളി​മ്പി​ക്സി​ൽ ഏ​റ്റ​വും മി​ക​ച്ച പ്ര​ക​ട​നം കാ​ഴ്ച​വെ​ക്കാ​ൻ ദേ​ശീ​യ ടീ​മി​ന് ക​ഴി​യു​മെ​ന്നും ആ​ശം​സി​ച്ചു.