ഫി​സി​ക്സ് എ​ത്ര ഈ​സി; വി​ദ്യാ​ർ​ഥി​ക​ൾ​ക്ക് ഹാ​ൻ​ഡ്ബു​ക്കു​മാ​യി പ്ര​വാ​സി അ​ധ്യാ​പി​ക

ര​ണ്ടു​മാ​സം വേ​ന​ല​വ​ധി​ക​ഴി​ഞ്ഞ് സ്കൂ​ളു​ക​ൾ തു​റ​ക്കു​മ്പോ​ൾ കു​ട്ടി​ക​ൾ​ക്ക് പു​തു​മ​യു​ള്ളൊ​രു സ​മ്മാ​ന​വു​മാ​യാ​ണ് ശാ​ന്തി​നി​കേ​ത​ൻ ഇ​ന്ത്യ​ൻ സ്കൂ​ൾ അ​ധ്യാ​പി​ക സൗ​മ്യ മാ​ത്യൂ എ​ത്തി​യ​ത്. ഫി​സി​ക്സി​ൽ ബി​രു​ദ​വും ബി​രു​ദാ​ന​ന്ത ബി​രു​ദ​വു​മു​ള്ള സ്കൂ​ൾ അ​ധ്യാ​പി​ക ഭൗ​തി​ക ശാ​സ്ത്ര ശാ​ഖ​യു​ടെ ഉ​ള്ള​റ​ക​ളി​ലേ​ക്ക് വി​ദ്യാ​ർ​ഥി​ക​ൾ​ക്ക് വെ​ളി​ച്ചം പ​ക​രു​ന്ന ചെ​റു പു​സ്ത​കം. സി.​ബി.​എ​സ്.​ഇ, ഐ.​സി.​എ​സ്.​ഇ സി​ല​ബ​സു​ക​ളി​ൽ പ​ഠി​ക്കു​ന്ന എ​ട്ട്, ഒ​മ്പ​ത്, പ​ത്ത് ക്ലാ​സു​ക​ളി​ലെ വി​ദ്യാ​ർ​ഥി​ക​ൾ​ക്ക് ഫി​സി​ക്സി​ന്റെ അ​ടി​സ്ഥാ​ന പാ​ഠ​ങ്ങ​ളും പ​ക​രു​ന്ന പു​സ്ത​കം സ്കൂ​ൾ തു​റ​ക്കും മു​മ്പേ പ്ര​കാ​ശ​ന​വും ക​ഴി​ഞ്ഞു. നി​ത്യ​ജീ​വി​ത​ത്തി​ലെ അ​നു​ഭ​വ​ങ്ങ​ളെ ഉ​ദാ​ഹ​ര​ണ​മാ​ക്കി ഫി​സി​ക്സി​നെ ല​ളി​ത​മാ​യി പ​രി​ച​യ​പ്പെ​ടു​ത്തു​ക​യാ​ണ് അ​ധ്യാ​പ​ന മേ​ഖ​ല​യി​ൽ പ​രി​ച​യ​സ​മ്പ​ത്തു കൂ​ടി​യു​ള്ള ​എ​ഴു​ത്തു​കാ​രി. വ​ലി​യ ത​ത്ത്വ​ങ്ങ​ളും കാ​ര്യ​ങ്ങ​ളു​മെ​ല്ലാം ല​ളി​ത​മാ​യ ഉ​ദാ​ഹ​ര​ണ​ങ്ങ​ളി​ലൂ​ടെ ഓ​രോ അ​ധ്യാ​യ​ങ്ങ​ളി​ലു​മാ​യി വി​ദ്യാ​ർ​ഥി​ക​ൾ​ക്ക പ​രി​ച​യ​പ്പെ​ടു​ത്തു​ന്നു. 63 പേ​ജു​ക​ളു​ള്ള പു​സ്ത​കം ‘ഫ​ണ്ട​മെ​ന്റ​ൽ​സ് ഓ​ഫ് ഫി​സി​ക്സ്’ എ​ന്ന പേ​രി​ൽ ആ​മ​സോ​ൺ കി​ൻ​ഡ്ൽ എ​ഡി​ഷ​നാ​യാ​ണ് പ്ര​സി​ദ്ധീ​ക​രി​ച്ച​ത്. ക​ഴി​ഞ്ഞ ദി​വ​സം ശാ​ന്തി​നി​കേ​ത​ൻ സ്കൂ​ളി​ൽ ന​ട​ന്ന ച​ട​ങ്ങി​ൽ വൈ​സ് പ്ര​സി​ഡ​ന്റ് അ​ൻ​വ​ർ ഹു​സൈ​ൻ പ്ര​കാ​ശ​നം നി​ർ​വ​ഹി​ച്ചു. ഡോ. ​ഗി​രീ​ഷ് ഏ​റ്റു​വാ​ങ്ങി. സ്കൂ​ൾ പ്രി​ൻ​സി​പ്പ​ൽ റ​ഫീ​ഖ് റ​ഹിം, വൈ​സ് പ്രി​ൻ​സി​പ്പ​ൽ ഡോ. ​സ​ലി​ൽ ഹ​സ​ൻ എ​ന്നി​വ​ർ പ​​ങ്കെ​ടു​ത്തു.

2021 മു​ത​ൽ ഖ​ത്ത​റി​ലെ ദോ​ഹ​യി​ലെ ശാ​ന്തി​നി​കേ​ത​ൻ ഇ​ന്ത്യ​ൻ സ്കൂ​ളി​ൽ അ​ധ്യാ​പി​ക​യാ​ണ് ആലപ്പുഴ സ്വദേശിനിയായ സൗ​മ്യ മാ​ത്യൂ. മൈ​സൂ​ർ സ​ർ​വ​ക​ലാ​ശാ​ല​ക്ക് കീ​ഴി​ലെ തെരേസിയൻ കോ​ള​ജി​ൽ​നി​ന്ന് ബി​രു​ദ​വും, ജെ.​എ​സ്.​എ​സ് കോ​ള​ജി​ൽ​നി​ന്ന് ബി​രു​ദാ​ന​ന്ത​ര ബി​രു​ദ​വും പൂ​ർ​ത്തി​യാ​ക്കി. 2018ൽ ​വ​യ​നാ​ട്ടി​ലെ മേ​രി മാ​താ ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജി​ൽ അ​സി​സ്റ്റ​ന്റ് പ്ര​ഫ​സ​റാ​യും 2019ൽ ​വ​യ​നാ​ട് സെ​ന്റ് പാ​ട്രി​ക്സ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ഫി​സി​ക്സ് അ​ധ്യാ​പി​ക​യാ​യും പ്ര​വ​ർ​ത്തി​ച്ചി​ട്ടു​ണ്ട്. എം.​ജി സ​ർ​വ​ക​ലാ​ശാ​ല​യി​ൽ​നി​ന്ന് വി​ദ്യാ​ഭ്യാ​സ​ത്തി​ൽ ബി​രു​ദം പൂ​ർ​ത്തി​യാ​ക്കി​യി​രു​ന്നു.

ഒ​രു പു​സ്ത​കം എ​ഴു​തു​ന്ന​ത് ക്ലാ​സ് റൂം ​അ​ധ്യാ​പ​നം പോ​ലെ​യാ​ണെ​ന്ന് വി​ശ്വ​സി​ക്കാ​നാ​ണ് സൗ​മ്യ മാ​ത്യു​വി​ന് ഇ​ഷ്ടം. ഒ​രു പു​സ്ത​ക​ത്തി​ന് ഒ​രി​ക്ക​ലും ഒ​രു അ​ധ്യാ​പ​ക​നെ മാ​റ്റി​സ്ഥാ​പി​ക്കാ​ൻ ക​ഴി​യി​ല്ലെ​ങ്കി​ലും, വാ​യി​ക്കു​മ്പോ​ൾ ഒ​രു അ​ധ്യാ​പ​ക​ന്റെ സാ​ന്നി​ധ്യം ഒ​രു വി​ദ്യാ​ർ​ഥി​ക്ക് അ​നു​ഭ​വ​പ്പെ​ട​ണം. ഭൗ​തി​ക​ശാ​സ്ത്ര​ത്തി​ലെ ആ​ശ​യ​ങ്ങ​ൾ മ​ന​സ്സി​ലാ​ക്കു​ന്ന​തി​ൽ പ​ല സ്കൂ​ൾ വി​ദ്യാ​ർ​ഥി​ക​ളും വെ​ല്ലു​വി​ളി​ക​ൾ നേ​രി​ടു​ന്ന​താ​യി അ​നു​ഭ​വ​ങ്ങ​ളി​ൽ​നി​ന്ന് മ​ന​സ്സി​ലാ​ക്കി​യാ​ണ് ഭൗ​തി​ക​ശാ​സ്ത്ര​ത്തി​ന്റെ അ​ടി​സ്ഥാ​ന​കാ​ര്യ​ങ്ങ​ൾ ശ​ക്തി​പ്പെ​ടു​ത്തു​ന്ന​തി​നു​ള്ള ഒ​രു വ​ഴി​കാ​ട്ടി​യാ​യി ചെ​റു പു​സ്ത​കം ര​ചി​ച്ച​തെ​ന്ന് ഇ​വ​ർ പ​റ​യു​ന്നു.