എ​ക്സ്പാ​റ്റ്സ് സ്പോ​ര്‍ട്ടി​വ് കാ​ർ​ണി​വ​ല്‍ ടൂ​ര്‍ണ​മെ​ന്റു​ക​ള്‍ക്ക് തു​ട​ക്കം

ദോ​ഹ: എ​ക്സ്പാ​റ്റ്​ സ്​​പോ​ർ​ട്ടി​വ്​ സ്​​പോ​ർ​ട്​​സ്​ കാ​ർ​ണി​വ​ലി​നോ​ട​നു​ബ​ന്ധി​ച്ചു​ള്ള ടൂ​ര്‍ണ​മെ​ന്റു​ക​ള്‍ക്ക് തു​ട​ക്ക​മാ​യി. റ​യ്യാ​ന്‍ പ്രൈ​വ​റ്റ് സ്കൂ​ളി​ല്‍ ആ​രം​ഭി​ച്ച ബാ​ഡ്മി​ന്റ​ണ്‍ ടൂ​ര്‍ണ​മെ​ന്റി​ല്‍ 400 കാ​യി​ക താ​ര​ങ്ങ​ളാ​ണ്‌ പ​ങ്കെ​ടു​ക്കു​ന്ന​ത്. മൂ​ന്ന് ദി​വ​സ​ങ്ങ​ളി​ലാ​യി ന​ട​ക്കു​ന്ന ടൂ​ര്‍ണ​മെ​ന്റി​ന്റെ ഫൈ​ന​ല്‍ വെ​ള്ളി​യാ​ഴ്ച അ​ര​ങ്ങേ​റും. സ്പോ​ര്‍ട്സ് കാ​ര്‍ണി​വ​ലി​ന്റെ ലോ​ഗോ ബ്ര​സീ​ലി​യ​ന്‍ ഫു​ട്ബാ​ള​റും അ​ല്‍ അ​റ​ബി​യു​ടെ സ്റ്റാ​ര്‍ സ്ട്രൈ​ക്ക​റു​മാ​യ റ​ഫി​ഞ്ഞോ അ​നാ​ച്ഛാ​ദ​നം ചെ​യ്തു. ലോ​ക​ക​പ്പി​ന്‌ ഐ​ക്യ​ദാ​ര്‍ഢ്യം പ്ര​ക​ടി​പ്പി​ച്ച് 2022 പേ​ര്‍ ഗോ​ള്‍ വ​ല​യം നി​റ​ക്കു​ന്ന പ​രി​പാ​ടി വെ​ള്ളി​യാ​ഴ്ച റ​ഫി​ഞ്ഞോ ഉ​ദ്ഘാ​ട​നം ചെ​യ്യും. ഖ​ത്ത​റി​ന്റെ ഒ​ളി​മ്പ്യ​നും മു​ന്‍ ജിം​നാ​സ്റ്റി​ക് താ​ര​വു​മാ​യ മാ​ലി​ക് മു​ഹ​മ്മ​ദ് അ​ല്‍ യ​ഹ്‌​രി, ഹ​മ​ദ് മെ​ഡി​ക്ക​ല്‍ കോ​ർ​പ​റേ​ഷ​ൻ ക്യു.​ആ​ർ.​ഐ ഡ​യ​റ​ക്ട​ര്‍ ഡോ. ​മു​നാ അ​ൽ മ​സ്ല​മാ​നി, ഖ​ത്ത​ർ റെ​ഡ്ക്ര​സ​ന്‍റ്​ എ​ക്സി​ക്യൂ​ട്ടി​വ് ഡ​യ​റ​ക്ട​ര്‍ മു​ന അ​ൽ സു​ലൈ​തി, ഖ​ത്ത​ർ സ്പോ​ർ​ട്സ് ഫോ​ർ ഓ​ൾ ഫെ​ഡ​റേ​ഷ​ൻ പ്ര​തി​നി​ധി​ക​ളാ​യ അ​ബ്ദു​ല്ല മു​ഹ​മ്മ​ദ് ദോ​സ​രി, ഈ​സ അ​ൽ ഹ​റ​മി, ജ​ന​റേ​ഷ​ൻ അ​മേ​സി​ങ് പ്ര​തി​നി​ധി ഹ​മ​ദ് അ​ബ്ദു​ൽ അ​സീ​സ് തു​ട​ങ്ങി​യ​വ​രും ഇ​ന്ത്യ​ന്‍ എം​ബ​സി അ​പെ​ക്സ് ബോ​ഡി ഭാ​ര​വാ​ഹി​ക​ളും അ​തി​ഥി​ക​ളാ​യി സം​ബ​ന്ധി​ക്കും.

കാ​ർ​ണി​വ​ലി​ന്റെ ജ​ഴ്സി ഇ​ന്ത്യ​ന്‍ സ്പോ​ര്‍ട്സ് സെ​ന്റ​ര്‍ പ്ര​സി​ഡ​ന്റ് ഡോ. ​മോ​ഹ​ന്‍ തോ​മ​സ് പ്ര​കാ​ശ​നം ചെ​യ്തു. ക​ള്‍ച​റ​ല്‍ ഫി​യ​സ്റ്റ വൈ​കീ​ട്ട് മൂ​ന്ന് മ​ണി മു​ത​ല്‍ അ​ര​ങ്ങേ​റും. സി​നി​മ​താ​രം ഹ​രി​പ്ര​ശാ​ന്ത് വ​ര്‍മ ഉ​ദ്ഘാ​ട​നം ചെ​യ്യും.പെ​നാ​ല്‍ട്ടി ഷൂ​ട്ടൗ​ട്ട്, വ​ടം​വ​ലി, പ​ഞ്ച​ഗു​സ്തി, ബോ​ക്സ് ക്രി​ക്ക​റ്റ് തു​ട​ങ്ങി​യ ടൂ​ര്‍ണ​മെ​ന്റു​ക​ള്‍ ഉ​ച്ച​ക്ക് 1.30 മു​ത​ല്‍ റ​യ്യാ​ന്‍ സ്കൂ​ള്‍ കാ​മ്പ​സി​ല്‍ ആ​രം​ഭി​ക്കും. ഒ​രു മാ​സ​മാ​യി ന​ട​ന്നു​വ​രു​ന്ന വെ​യി​റ്റ് ലോ​സ് ച​ല​ഞ്ചി​ന്റെ അ​വ​സാ​ന​വ​ട്ട ശ​രീ​ര​ഭാ​ര പ​രി​ശോ​ധ​ന ബ​ര്‍വ സി​റ്റി​യി​ലെ കിം​സ് ഹോ​സ്പി​റ്റ​ലി​ല്‍ രാ​വി​ലെ ന​ട​ക്കും. വി​ജ​യി​ക​ളെ വൈ​കീ​ട്ട് കാ​ര്‍ണി​വ​ല്‍ വേ​ദി​യി​ല്‍ ആ​ദ​രി​ക്കും.