കതാറയിലെ ഫാൽക്കൻ കഥകൾ

ദോഹ: അഞ്ചു ദിവസങ്ങളിലായി നടന്നുവരുന്ന അഞ്ചാമത്​ കതാറ ഇൻറർനാഷനൽ ഹണ്ടിങ്​ ആൻഡ്​​ ഫാൽക്കൻ പ്രദർശനം (സ്​ഹൈൽ) ഇന്ന്​ അവസാനിക്കും​. ഫാൽക്കൻ എന്ന പക്ഷി ഖത്തറിനും അറബ്​ ജീവിതത്തിനും എത്രമാത്രം വിലപ്പെട്ടതാണെന്ന്​ കാഴ്​ചക്കാരന്​ ബോധ്യപ്പെടുത്തുന്നതാണ്​ രാജ്യാന്തര ഫെസ്​റ്റ്​. രാവിലെ 10ന്​ തുടങ്ങി രാത്രി 10 വരെ നീളുന്ന മേളയിൽ വന്നും പോയുമിരുന്നത്​ അതിപ്രഗത്ഭരുടെ നിര. രാജ്യത്തിൻെറ ഭരണാധികാരി അമീർ ശൈഖ്​ തമിം ബിൻ ഹമദ്​ ആൽഥാനി, പിതൃ അമീർ ഹമദ്​ ബിൻ ഖലീഫ ആൽഥാനി എന്നിവർ മുതൽ പ്രധാനമന്ത്രി ശൈഖ്​ ഖാലിദ്​ ബിൻ ഖലീഫ ബിൻ അബ്​ദുൽ അസീസ്​ ആൽഥാനി, വിവിധ വകുപ്പുകളുടെ ചുമതലയുള്ള മന്ത്രിമാർ, സൗദി ആഭ്യന്തര മന്ത്രി അബ്​ദുൽ അസിസ്​ ബിൻ സൗദ്​ അൽ സൗദ്​, രാജകുടുംബാംഗങ്ങൾ, ഖത്തറിലെ വിവിധ രാജ്യങ്ങളുടെ അംബാസഡർമാർ, അവരുടെ കുടുംബാംഗങ്ങൾ എന്നിങ്ങനെ വി​.ഐ.പി നിര നീണ്ടുകിടക്കുന്നതായിരുന്നു.

പ്രമുഖരായ സന്ദർശകർക്ക്​ പുറമെ, രാവിലെ തുടങ്ങി അർധരാത്രി വരെ നീളുന്ന പ്രദർശനത്തിലേക്ക്​ സാധാരണക്കാരും ഒഴുകിയെത്തി. ഇന്ത്യക്കാർ ഉൾപ്പെടെയുള്ള പ്രവാസികൾക്ക്​ വലിയ കമ്പ​മില്ലെങ്കിലും വെള്ള കന്തൂറയണിഞ്ഞെത്തിയ തദ്ദേശീയരെ കൊണ്ട്​ രാവും പകലും കതാറയിലെ അൽ ഹികാമ സ്​ക്വയറും ഹാൾ ഒാഫ്​ ദി കൾചറൽ വില്ലേജും നിറഞ്ഞു. ഖത്തരികൾ മാത്രമല്ല, ഫാൽക്കൻ ആരാധകരായ വിദേശികളുമുണ്ട്​. സൗദി, യു.എ.ഇ, കുവൈത്ത്​ തുടങ്ങി ഗൾഫ്​ രാജ്യങ്ങളിൽ നിന്നും യൂറോപ്പിൽ നിന്നുമെല്ലാം മുന്തിയ ഫാൽക്കനുകളെ തേടി ആരാധകർ എത്തുന്നുണ്ട്​. രണ്ടു തരത്തിൽ ആവേശം നൽകുന്നതായിരുന്നു അഞ്ചാമത്​ ഫാൽക്കൻ ഫെസ്​റ്റ്​. ഒന്നര വർഷത്തിലേ​െറ നീണ്ട കോവിഡിൻെറ ഭയപ്പാടിൽ നിന്നും രാജ്യവും ജനങ്ങളും പതുക്കെ മോചനം നേടുന്നതിൻെറ സന്തോഷ കാഴ്​ചകൾ. പിന്നെ, അറബ്​ കപ്പ്​ ഫുട്​ബാളിനും ലോകകപ്പിനുമെല്ലാം വേദിയാവാനൊരുങ്ങുന്ന മണ്ണിൽ രാജ്യാന്തര മേളയുടെ തിരിച്ചുവരവ്​. കർശന ആരോഗ്യ സുരക്ഷയിലാണ്​ പ്രദർശനം തുടരുന്നത്​. ഓൺലൈൻ വഴി നേരത്തെ രജിസ്​റ്റർ ചെയ്​ത്​ ടിക്കറ്റ്​ എടുത്തവർക്ക്​ മാത്രം പ്രവേശനം. 18 വയസ്സിന്​ മുകളിലുള്ളവരും രണ്ട്​ ഡോസ്​ കോവിഡ്​ വാക്​സിൻ സ്വീകരിച്ചവരുമായിരിക്കണം എന്ന നിർദേശവുമുണ്ട്​. ഇന്ത്യക്കാർക്ക്​ ഫാൽക്കൻ വളർത്തലും വേട്ടയുമെല്ലാം അപരിചിതമാണെങ്കിലും യൂറോപ്​, ആഫ്രിക്ക, ഗൾഫ്​ നാടുകൾ എന്നിവിടങ്ങളിൽ നിന്നായി 19 രാജ്യങ്ങളിലെ 160ഓളം കമ്പനികൾ പ്രദർശനത്തിനെത്തിയിട്ടുണ്ട്​. വേട്ടയുമായി ബന്ധപ്പെട്ട സകലതും ഒരു കുടക്കീഴിൽ ഒരുക്കിയാണ്​ കതാറയിലെ പ്രദർശന വേദി കാഴ്​ചക്കാരെ ക്ഷണിക്കുന്നത്​.

ലക്ഷം റിയാൽ ലേല വിലവരുന്ന മുന്തിയ ഇനം ഫാൽക്കൻ മുതൽ, വിവിധ സ്​റ്റാളുകളിൽ വിൽപനക്കുവെച്ച പക്ഷികൾ വരെ അണിനിരക്കുന്ന പ്രദർശന നഗരി. ഫാൽക്കനുമായി ബന്ധപ്പെട്ട സകല വസ്​തുക്കളും വിൽപനക്കുള്ള വിവിധ ​സ്​റ്റാളുകൾ, മരുഭൂമിയിലെയും കാട്ടിലെയും വേട്ടക്കാവശ്യമായ തോക്കുകൾ മുതൽ സഞ്ചരിക്കാനുള്ള അത്യാഢംബര വാഹനങ്ങളും രാപ്പാർക്കാനുള്ള ടെൻറുകളും വരെ ഒരുക്കിയ പ്രദർശന വേദി. വിൽപനയും പ്രദർശനവും മാത്രമല്ല, ഫാൽക്കനുമായി ബന്ധപ്പെട്ടതെല്ലാം ഇവിടെയുണ്ട്​. അതിൽ ശ്രദ്ധേയമാണ്​ വിവിധ രാജ്യങ്ങളിൽനിന്നുള്ള ചിത്രകാരന്മാരുടെ തത്സമയ പെയിൻറിങ്​ പ്രദർശനം. തീർന്നില്ല വിശേഷങ്ങൾ. ഇനി വിദൂരങ്ങളിൽ നിന്നുവന്ന്​ പൊന്നും വിലക്ക്​ ഫാൽക്കനുകളെ സ്വന്തമാക്കി മടങ്ങുന്നവർക്ക്​ അവയുടെ ആരോഗ്യാവസ്​ഥ ഉറപ്പിക്കാൻ പ്രത്യേക ഫാൽക്കൻ ആശുപത്രികളുമുണ്ടായിരുന്നു പവലിയനിൽ. പ്രത്യേകം തയാറാക്കിയ ആശുപത്രിയിൽ എൻഡോസ്​കോപ്പി പരിശോധന മുതൽ, അത്യാവശ്യ സർജറികൾക്ക്​ വരെ ഡോക്​ടർമാരുടെ സംഘം റെഡി.

എൻെറ പെ​ാന്നേ... ഫാൽക്കനേ

മൂന്നാം ദിനത്തിലെ ഏറ്റവും ഉയർന്ന ലേല വില 6.66 ലക്ഷം റിയാൽ

കതാറ ഫാൽക്കൻ എക്​സിബി​ഷൻെറ മൂന്നാം ദിനമായ വ്യാഴാഴ്​ച ലേലത്തിൽ പോയ ഫാൽക്കൻെറ വിലയെത്രയെന്ന്​ അറിയാമോ.​..? അതുകേട്ടാലറിയാം അറബികൾക്ക്​ എത്രമാത്രം പ്രിയമാണ്​ ഈ പക്ഷിയെന്ന്​. മം​േഗാളിയൻ ഫ്രീ ചിക്​ എന്ന ഇനത്തിൽപെട്ട മുന്തിയ ഇനം ഫാൽക്കനെ 6,66,000 ലക്ഷം റിയാലിനാണ്​ ലേലത്തിൽ പിടിച്ചത്​. എന്നുവെച്ചാൽ, 1.34 കോടി ഇന്ത്യൻ രൂപ. അബ്​ദുല്ല മുർഷിദ്​ അൽ കാബിയാണ്​ പൊന്നും വിലക്ക്​ ലേലമുറപ്പിച്ചത്​. മറ്റൊരു മംഗോളിയൻ ഇനമായ ഫ്രീ ഗ്രാനസിനെ 3.66 ലക്ഷം റിയാലിനാണ്​ (73.81 ലക്ഷം രൂപ) അബ്​ദുല്ല റെയ്​സാൻ അൽ ദോസരിയെന്ന സൗദി പൗരൻ സ്വന്തമാക്കിയത്​. ലേലത്തിൽ 40,000 റിയാൽ മുതലാണ്​ വിളി തുടങ്ങുന്നത്​. ഓരോ ഫാൽക്കണിൻെറയും പ്രത്യേകത അനുസരിച്ചാവും വിലകയറുന്നത്​. മികവനുസരിച്ച്​ വിലയും കൂടും. അതേസമയം, സ്​റ്റാളുകളിൽ 10,000 മുതൽ ഒരു ലക്ഷം റിയാൽ വരെ വിലയുള്ള ഫാൽക്കനുകൾ വിൽപനക്കുണ്ട്​.