കപ്ലിക്കണ്ടി പോക്കറിനും അബ്​ദുൽ വഹാബിനും യാത്രയയപ്പ്

ദോഹ: കെ.എം.സി.സി ഖത്തർ മുതിർന്ന നേതാവും അഡ്വൈസറി ബോർഡ് അംഗവുമായ കപ്ലിക്കണ്ടി പോക്കർ ഹാജിക്കും തിരുവനന്തപുരം ജില്ല പ്രസിഡൻറ്​ അബ്​ദുൽ വഹാബിനും സംസ്ഥാന കമ്മിറ്റി യാത്രയയപ്പ് നൽകി. കോവിഡ്​ നിർദേശങ്ങൾ പാലിച്ചായിരുന്നു ചടങ്ങ്​. ദീർഘകാലത്തെ പ്രവാസജീവിതത്തിന്​ ശേഷമാണ്​ ഇരുവരും നാട്ടിലേക്ക്​ മടങ്ങുന്നത്​. സംസ്​ഥാന പ്രസിഡൻറ്​ എസ്.എ.എം ബഷീർ മുഖ്യപ്രഭാഷണം നടത്തി. ഒ.എ. കരീം, കെ.പി. ഹാരിസ്, കുഞ്ഞിമോൻ ക്ലാരി, കോയ കൊണ്ടോട്ടി, മുസ്തഫ എലത്തൂർ, റഹീസ് പെരുമ്പ, ഹംസ സുഹുലൂദ്, ജലീൽ ഇടവ, വി.ടി.എം. സാദിഖ് തുടങ്ങിയവർ പ​ങ്കെടുത്തു. ആക്ടിങ്​ ജനറൽ സെക്രട്ടറി റഈസ് അലി സ്വാഗതം പറഞ്ഞു.