ഭ​ക്ഷ്യോ​ൽ​പാ​ദ​​നം; കാ​ര്യ​ക്ഷ​മ​മാ​ക്കാ​ൻ ഫാ​ർ​മേ​ഴ്‌​സ് ഡി​ജി​റ്റ​ൽ പ്ലാ​റ്റ്‌​ഫോം

ദോ​ഹ: ഭ​ക്ഷ്യോ​ൽ​പാ​ദ​ന സം​വി​ധാ​ന​ത്തി​ന്റെ കാ​ര്യ​ക്ഷ​മ​ത വ​ർ​ധി​പ്പി​ക്കു​ന്ന​തി​നും രാ​ജ്യ​ത്ത് ഭ​ക്ഷ്യ​സു​ര​ക്ഷ ഉ​റ​പ്പാ​ക്കു​ന്ന​തി​നു​മാ​യി ‘ഫാ​ർ​മേ​ഴ്‌​സ് ഡി​ജി​റ്റ​ൽ പ്ലാ​റ്റ്‌​ഫോം’​ആ​രം​ഭി​ക്കു​ന്ന​തി​നു​ള്ള ക​രാ​റി​ൽ മു​നി​സി​പ്പാ​ലി​റ്റി മ​ന്ത്രാ​ല​യം ഒ​പ്പു​വെ​ച്ചു. ​ഭക്ഷ്യ​സു​ര​ക്ഷ​യു​മാ​യി ബ​ന്ധ​പ്പെ​ട്ട എ​ല്ലാ വി​വ​ര​ങ്ങ​ളും ശേ​ഖ​രി​ക്കു​ക​യും സം​യോ​ജി​പ്പി​ക്കു​ക​യും ചെ​യ്യു​ന്ന ഒ​രൊ​റ്റ ഡി​ജി​റ്റ​ൽ ഡാ​ഷ്‌​ബോ​ർ​ഡി​ന് കീ​ഴി​ൽ ല​ഭ്യ​മാ​ക്കും. പ​ദ്ധ​തി ആ​രം​ഭി​ക്കു​ന്ന​തി​നു​ള്ള ക​രാ​ർ അ​ടു​ത്തി​ടെ ഒ​പ്പു​വെ​ച്ച​താ​യി മു​നി​സി​പ്പാ​ലി​റ്റി മ​ന്ത്രാ​ല​യ​ത്തി​ലെ കാ​ർ​ഷി​ക​കാ​ര്യ വ​കു​പ്പ് ഡ​യ​റ​ക്ട​ർ യൂ​സ​ഫ് ഖാ​ലി​ദ് അ​ൽ ഖു​ലൈ​ഫി പ​റ​ഞ്ഞു.

‘നി​ല​വി​ൽ വി​വി​ധ പ്ലാ​റ്റ്‌​ഫോ​മു​ക​ൾ​ക്ക് കീ​ഴി​ലാ​ണ് വി​വ​ര​ങ്ങ​ൾ ശേ​ഖ​രി​ക്കു​ന്ന​ത്. ഈ ​ഡേ​റ്റ​യെ​ല്ലാം ഇ​നി ഒ​രൊ​റ്റ പ്ലാ​റ്റ്‌​ഫോ​മി​ൽ ല​ഭ്യ​മാ​ക്കും. തീ​രു​മാ​നം എ​ടു​ക്കു​ന്ന​വ​ർ​ക്ക് ഉ​ചി​ത​മാ​യ​തും സ​മ​യ​ബ​ന്ധി​ത​വു​മാ​യ രീ​തി​യി​ൽ കാ​ര്യ​ങ്ങ​ളെ സ​മീ​പി​ക്കാ​ൻ അ​ത് സ​ഹാ​യ​ക​മാ​കും’-​അ​ൽ ഖു​ലൈ​ഫി പ​റ​ഞ്ഞു.

പ്രാ​ദേ​ശി​ക കാ​ർ​ഷി​ക, ഡെ​യ​റി, കോ​ഴി ഫാ​മു​ക​ൾ എ​ന്നി​വ​യു​ൾ​പ്പെ​ടെ​യു​ള്ള​വ ഉ​ൽ​പാ​ദി​പ്പി​ച്ച ഭ​ക്ഷ്യ ഉ​ൽ​പ​ന്ന​ങ്ങ​ളു​ടെ​യും ഇ​റ​ക്കു​മ​തി ചെ​യ്ത​തും പ്രാ​ദേ​ശി​ക​മാ​യി ഉ​ൽ​പാ​ദി​പ്പി​ച്ച​തു​മ​ട​ക്കം ​ലേ​ലം ചെ​യ്ത​തും പ്രാ​ദേ​ശി​ക മാ​ർ​ക്ക​റ്റി​ൽ വി​ൽ​പ​ന ന​ട​ത്തി​യ​തു​മാ​യ ഭ​ക്ഷ്യ ഉ​ൽ‌​പ​ന്ന​ങ്ങ​ളു​ടെ​യും ഡേ​റ്റ ശേ​ഖ​രി​ക്കാ​നാ​ണ് പ​ദ്ധ​തി ല​ക്ഷ്യ​മി​ടു​ന്ന​തെ​ന്ന് അ​ൽ റ​യ്യാ​ൻ ടി.​വി​യോ​ട് സം​സാ​രി​ക്ക​വേ അ​ദ്ദേ​ഹം പ​റ​ഞ്ഞി​രു​ന്നു.

ഫാ​ർ​മേ​ഴ്‌​സ് ഡി​ജി​റ്റ​ൽ പ്ലാ​റ്റ്‌​ഫോ​മി​ന്റെ വി​ക​സ​നം ഉ​ട​ൻ പൂ​ർ​ത്തീ​ക​രി​ക്കു​മെ​ന്ന് അ​ദ്ദേ​ഹം പ​റ​ഞ്ഞു. പ്ലാ​റ്റ്‌​ഫോ​മി​ന്റെ പ്ര​വ​ർ​ത്ത​നം ത്വ​രി​ത​പ്പെ​ടു​ത്തു​ന്ന​തി​നാ​യി മാ​ർ​ച്ചി​ൽ മൂ​ന്ന് പ്രോ​ഗ്രാ​മു​ക​ൾ ആ​രം​ഭി​ക്കും. മ​റ്റ് പ​ദ്ധ​തി​ക​ൾ​ക്കും ഈ ​വ​ർ​ഷം​ത​ന്നെ ക്ര​മേ​ണ തു​ട​ക്ക​മി​ടും. ഉ​ചി​ത തീ​രു​മാ​ന​മെ​ടു​ക്കു​ന്ന​തി​നും വി​ശ​ക​ല​ന​ത്തി​നും കൃ​ത്യ​ത കൊ​ണ്ടു​വ​രു​ന്ന​തി​ന് യ​ഥാ​സ​മ​യ​ത്ത് വി​വ​രം ന​ൽ​കേ​ണ്ട​ത് അ​നി​വാ​ര്യ​മാ​ണെ​ന്ന് അ​ൽ ഖു​ലൈ​ഫി പ​റ​ഞ്ഞു.

വെ​ള്ളം ലാ​ഭി​ക്കു​ന്ന​തും ഉ​ൽ​പാ​ദ​ന​ക്ഷ​മ​ത വ​ർ​ധി​പ്പി​ക്കു​ന്ന​തും സാ​ങ്കേ​തി​ക​മാ​യും സാ​മ്പ​ത്തി​ക​മാ​യും ഖ​ത്ത​രി പ​രി​സ്ഥി​തി​ക്ക് അ​നു​യോ​ജ്യ​മാ​യ​തു​മാ​യ ആ​ധു​നി​ക കാ​ർ​ഷി​ക സാ​ങ്കേ​തി​ക​വി​ദ്യ സ്വീ​ക​രി​ക്കും. ഇ​ത്ത​ര​ത്തി​ൽ പ്ര​വ​ർ​ത്തി​ച്ച് ഖ​ത്ത​രി ഫാ​മു​ക​ളു​ടെ ഉ​ൽ​പാ​ദ​ന​ക്ഷ​മ​ത​യും കാ​ര്യ​ക്ഷ​മ​ത​യും ഉ​യ​ർ​ത്താ​ൻ മു​നി​സി​പ്പാ​ലി​റ്റി മ​ന്ത്രാ​ല​യം പ​ദ്ധ​തി​ക​ൾ ആ​വി​ഷ്ക​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു.