കൊ​റി​യ​ക്കെ​തി​രെ ഖ​ത്ത​റി​ന് സ​മ​നി​ല

ദോ​ഹ: കോ​രി​ച്ചൊ​രി​ഞ്ഞ മ​ഴ​ക്കി​ട​യി​ലും ഉ​ശി​ര​ൻ പോ​രാ​ട്ടം കാ​ഴ്ച​വെ​ച്ച ഖ​ത്ത​റി​നെ നി​രാ​ശ​പ്പെ​ടു​ത്തി മ​ത്സ​ര​ഫ​ലം. വി​ല​പ്പെ​ട്ട മൂ​ന്ന് പോ​യ​ന്റ് സ്വ​ന്ത​മാ​ക്കാ​നാ​യി ​ലാ​വോ​സി​ലെ​ത്തി ഉ​ത്ത​ര കൊ​റി​യ​യെ നേ​രി​ട്ട ഖ​ത്ത​റി​ന് 2-2ന്റെ ​സ​മ​നി​ല. ശ​ക്ത​മാ​യ മ​ഴ ര​ണ്ടു ത​വ​ണ ക​ളി ത​ട​സ്സ​പ്പെ​ടു​ത്തി​യ​പ്പോ​ൾ, മി​ക​ച്ച മ​ത്സ​രം ഖ​ത്ത​ർ കാ​ഴ്ച​വെ​ച്ചു​വെ​ന്ന് ആ​ശ്വ​സി​ക്കാം. എ​ങ്കി​ലും വി​ജ​യ​മെ​ന്ന സ്വ​പ്നം ന​ഷ്ട​മാ​യ​ത് കോ​ച്ച് മാ​ർ​ക്വേ​സ് ലോ​പ​സി​നെ വേ​ട്ട​യാ​ടും.

ഏ​ഷ്യ​ൻ മേ​ഖ​ല യോ​ഗ്യ​താ മ​ത്സ​ര​ത്തി​ന്റെ മൂ​ന്നാം റൗ​ണ്ടി​ൽ ത​ങ്ങ​ളു​ടെ ര​ണ്ടാം അ​ങ്ക​ത്തി​ലാ​യി​രു​ന്നു ഖ​ത്ത​റും ഉ​ത്ത​ര കൊ​റി​യ​യും ഏ​റ്റു​മു​ട്ടി​യ​ത്. ക​ളി​യു​ടെ 19ാം മി​നി​റ്റി​ൽ റി ​ഇ​ൽ​സോ​ങ്ങി​ന്റെ ഗോ​ളി​ലൂ​ടെ കൊ​റി​യ​ക്കാ​ർ തു​ട​ങ്ങി. എ​ന്നാ​ൽ, 28ാം മി​നി​റ്റി​ൽ നാ​യ​ക​ൻ കു​ക് ചോ​ൽ ജാ​ങ് ചു​വ​പ്പു​കാ​ർ​ഡു​മാ​യി പു​റ​ത്താ​​യ​​തോ​ടെ കൊ​റി​യ​ൻ ആ​ൾ​ബ​ലം പ​ത്തി​ലേ​ക്ക് ചു​രു​ങ്ങി. ലാ​സ്റ്റ്മാ​ൻ ഫൗ​ൾ കൊ​റി​യ​ക്ക് ചു​വ​പ്പും, ഖ​ത്ത​റി​ന് പെ​നാ​ൽ​ട്ടി ഗോ​ള​വ​സ​ര​വു​മാ​യ​പ്പോ​ൾ അ​​ക്രം അ​ഫീ​ഫ് പ​ന്ത് ല​ക്ഷ്യ​ത്തി​ലെ​ത്തി​ച്ചു.

ആ​ദ്യ പ​കു​തി പി​രി​യും മു​മ്പേ 44ാം മി​നി​റ്റി​ൽ അ​ൽ മു​ഈ​സ് അ​ലി​യി​ലൂ​ടെ ഖ​ത്ത​ർ ര​ണ്ടാം ഗോ​ളും നേ​ടി. ര​ണ്ടാം പ​കു​തി​യി​ൽ മി​ക​ച്ച ക​ളി​യു​മാ​യി ഖ​ത്ത​ർ മു​ൻ​തൂ​ക്കം നേ​ടി​യെ​ങ്കി​ലും 51ാം മി​നി​റ്റി​ൽ കു​ക് ചോ​ൽ കാ​ങ് കൊ​റി​യ​ക്കാ​യി സ​മ​നി​ല ഗോ​ൾ നേ​ടി. പി​ന്നാ​ലെ, ശ​ക്ത​മാ​യി പെ​യ്ത മ​ഴ​യി​ൽ ക​ളി ഏ​താ​നും സ​മ​യം ത​ട​സ്സ​പ്പെ​ട്ടു. പി​ന്നീ​ട് ക​ളി​പു​ന​രാ​രം​ഭി​ച്ച​തി​നു ശേ​ഷം 87ാം മി​നി​റ്റി​ൽ ഖ​ത്ത​റി​ന്റെ മി​ക​ച്ച ഗോ​ള​വ​സ​രം ​കൊ​റി​യ​ൻ ഗോ​ളി ത​ട്ടി​യ​ക​റ്റു​ക​യാ​യി​രു​ന്നു. ഒ​ക്ടോ​ബ​റി​ൽ കി​ർ​ഗി​സ്താ​നും ഇ​റാ​നു​മെ​തി​രെ​യാ​ണ് ഖ​ത്ത​റി​ന്റെ അ​ടു​ത്ത മ​ത്സ​ര​ങ്ങ​ൾ.