ഫി​ഫ ലോ​ക​ക​പ്പ്: ഖ​ത്ത​റി​ന്​ പി​ന്തു​ണ​യു​മാ​യി തു​ർ​ക്കി

ദോ​ഹ: ഖ​ത്ത​ർ ആ​തി​ഥ്യം വ​ഹി​ക്കു​ന്ന ഫി​ഫ ലോ​ക​ക​പ്പ് ഫു​ട്ബാ​ൾ ടൂ​ർ​ണ​മെൻറ് വി​ജ​യ​ത്തി​നാ​യി സ​ഹ​ക​രി​ക്കു​ന്ന​തി​ൽ തു​ർ​ക്കി പ്ര​തി​ജ്ഞാ​ബ​ദ്ധ​മാ​ണെ​ന്ന് അം​ബാ​സ​ഡ​ർ ഡോ. ​മു​സ്​​ത​ഫ ഗോ​ക്സു.സൗ​ഹൃ​ദ​രാ​ജ്യ​മെ​ന്ന നി​ല​യി​ൽ ലോ​ക​ക​പ്പി​നാ​യി അ​ക്ഷ​മ​യോ​ടെ​യാ​ണ്​ തു​ർ​ക്കി​യും കാ​ത്തി​രി​ക്കു​ന്ന​ത്.

ടൂ​ർ​ണ​മെൻറ് വി​ജ​യ​ത്തി​നാ​യി ഖ​ത്ത​റി​നൊ​പ്പം തു​ർ​ക്കി​യും നി​ല​കൊ​ള്ളു​മെ​ന്ന്​ ഡോ. ​ഗോ​ക്സു പ​റ​ഞ്ഞു.

2016ൽ ​തു​ർ​ക്കി​യി​ലെ പ​രാ​ജ​യ​പ്പെ​ട്ട സൈ​നി​ക അ​ട്ടി​മ​റി​യു​ടെ വാ​ർ​ഷി​ക​വു​മാ​യി ബ​ന്ധ​പ്പെ​ട്ട് മാ​ധ്യ​മ​പ്ര​വ​ർ​ത്ത​ക​രു​മാ​യി സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. 2016 ജൂ​ലൈ 15നാ​ണ് തു​ർ​ക്കി ഭ​ര​ണ​കൂ​ട​ത്തെ അ​ട്ടി​മ​റി​ച്ച് സൈ​ന്യം ഭ​ര​ണം പി​ടി​ച്ചെ​ടു​ക്കാ​ൻ ശ്ര​മി​ച്ച​തും പ​രാ​ജ​യ​പ്പെ​ട്ട​തും.

ഒ​രു ഇ​സ്​​ലാ​മി​ക രാ​ജ്യ​ത്ത് ആ​ദ്യ​മാ​യെ​ത്തു​ന്ന ലോ​ക​ക​പ്പി​നെ സ്വാ​ഗ​തം ചെ​യ്യു​ന്നു. ലോ​ക​ക​പ്പ് ച​രി​ത്ര​ത്തി​ലെ ഏ​റ്റ​വും മ​ഹ​ത്താ​യ ടൂ​ർ​ണ​മെൻറാ​യി ഇ​ത് മാ​റു​മെ​ന്നാ​ണ് വി​ശ്വ​സി​ക്കു​ന്ന​ത്. വ​മ്പ​ൻ കാ​യി​ക ടൂ​ർ​ണ​മെൻറു​ക​ളു​ടെ കേ​ന്ദ്ര​മെ​ന്ന നി​ല​യി​ൽ ആ​ഗോ​ള കാ​യി​ക ഭൂ​പ​ട​ത്തി​ൽ ഖ​ത്ത​റി​ന്‍റെ സ്​​ഥാ​നം നി​ർ​ണ​യി​ക്കു​ന്ന ചാ​മ്പ്യ​ൻ​ഷി​പ്പാ​യി ലോ​ക​ക​പ്പ് മാ​റും.

അ​ന്താ​രാ​ഷ്ട്ര കാ​യി​ക ചാ​മ്പ്യ​ൻ​ഷി​പ്പു​ക​ൾ​ക്ക്​ വേ​ദി​യാ​യി തു​ർ​ക്കി​ക്ക്​ വ​ലി​യ പ​രി​ച​യ​മു​ണ്ട്. സാ​ധ്യ​മാ​കു​ന്ന രീ​തി​യി​ലെ​ല്ലാം ഖ​ത്ത​ർ ലോ​ക​ക​പ്പി​ന് തു​ർ​ക്കി​യു​ടെ പി​ന്തു​ണ​യു​ണ്ടാ​കും. ലോ​ക​ക​പ്പ് വി​ജ​യി​പ്പി​ക്കു​ന്ന​തി​നു​ള്ള എ​ല്ലാ സ​ഹാ​യ​വും പി​ന്തു​ണ​യും ന​ൽ​കു​ന്ന​തി​ന് പ്ര​സി​ഡ​ൻ​റ് റ​ജ​ബ് ത്വ​യ്യി​ബ് ഉ​ർ​ദു​ഗാ​ൻ പ​ച്ച​ക്കൊ​ടി വീ​ശി​യി​ട്ടു​ണ്ടെ​ന്നും സു​ര​ക്ഷ മേ​ഖ​ല​യി​ൽ ലോ​ക​ക​പ്പി​ന് തു​ർ​ക്കി​യു​ടെ പി​ന്തു​ണ​യു​ണ്ടാ​കു​മെ​ന്നും ഖ​ത്ത​രി​ക​ളു​ടെ ര​ണ്ടാം വീ​ടാ​യ തു​ർ​ക്കി സ​ന്ദ​ർ​ശി​ക്കാ​ൻ എ​ല്ലാ വി​നോ​ദ​സ​ഞ്ചാ​രി​ക​ളെ​യും സ്വാ​ഗ​തം ചെ​യ്യു​ന്നു​വെ​ന്നും മു​സ്​​ത​ഫ ഗോ​ക്സു കൂ​ട്ടി​ച്ചേ​ർ​ത്തു.