മുൻകരുതൽ നടപടികളുണ്ടെങ്കിൽ വിമാനത്തിൽ സാമൂഹിക അകലം വേണ്ട

ദോഹ: വിമാനത്തിനുള്ള കോവിഡ്19 മുൻകരുതൽ നടപടികൾ സ്വീകരിക്കുന്നിടത്തോളം കാലം വിമാനത്തിനുള്ളിൽ സാമൂഹിക അകലം പാലിക്കേണ്ടതില്ലെന്ന് ഖത്തർ എയർവേസ്​​ സി.ഇ .ഒ അക്ബർ അൽ ബാകിർ. യാത്രക്കാരുടെ മാസ്​കുകൾ, കയ്യുറകൾ, ഫേസ്​ ഷീൽഡുകൾ, ക്യാബിൻ ക്രൂ അംഗങ്ങളുടെ പി.പി.ഇ എന്നീ മുൻകരുതൽ നടപടികൾ പാലിക്കുന്നിടത്തോളം കാലം വിമാനങ്ങൾക്കുള്ളിൽ സാമൂഹിക അകലം പാലിക്കൽ അനിവാര്യമല്ലെന്നും അക്ബർ അൽ ബാകിർ വ്യക്തമാക്കി. ആഗോള തലത്തിൽ ലോക്ക്്ഡൗൺ തീരുന്നതോടെ എല്ലാ സെക്ടറുകളിലും സർവീസ്​ പുനരാരംഭിക്കുകയാണ് ലക്ഷ്യമെന്നും ഇപ്പോൾ നേരത്തെ പ്രഖ്യാപിച്ച 80 റൂട്ടുകൾക്കാണ് പ്രാമുഖ്യം നൽകുന്നതെന്നും ലോക്ക്്ഡൗൺ തീരുന്നതോടെ സാധ്യമാകുന്ന വേഗത്തിൽ വിമാന സർവീസ്​ പുനരാരംഭിക്കുമെന്നും അദ്ദേഹം പറഞ്ഞു.

ഉപരോധത്തെ വലിയ രീതിയിൽ ചെറുത്ത് തോൽപ്പിക്കാൻ നമുക്ക് സാധിച്ചു. ഉപരോധരാജ്യങ്ങളിൽ നിന്നുള്ള വിമാന കമ്പനികളേക്കാൾ വളരാൻ ഖത്തർ എയർവേസിന് സാധിക്കുകയും ചെയ്തു. രാജ്യത്തി​െൻറ സാമ്പത്തിക ആവശ്യങ്ങൾ നിറവേറ്റുന്നതിനിടയിൽ ശക്തമായി നിലകൊള്ളാനും സാധിച്ചു. 
അൽ ബാകിർ കൂട്ടിച്ചേർത്തു. ഈ വർഷമോ അടുത്ത വർഷമോ ബോയിങിൽ നിന്നും എയർബസിൽ നിന്നും പുതിയ വിമാനങ്ങൾ എടുക്കുകയില്ലെന്നും ഇക്കാര്യം കമ്പനികളെ അറിയിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.ഖത്തർ എയർവേസി​െൻറ അഭ്യാർഥന നിരസിക്കുന്നത് ഭാവി വ്യാപാരബന്ധത്തെ അപകടത്തിലാക്കുമെന്ന് അദ്ദേഹം മുന്നറിയിപ്പ് നൽകുകയും ചെയ്തിട്ടുണ്ട്.ഫെബ്രുവരിയിൽ ഓഹരി വർധിപ്പിച്ചതിന് ശേഷം ബ്രിട്ടീഷ് എയർവേയ്സ്​ ഉടമകളായ ഐ .എ.ജിയെ പിന്തുണക്കുന്നത് ഖത്തർ എയർവേസ്​​ തുടരുമെന്നും അക്ബർ അൽ ബാകിർ പറഞ്ഞു.