എം​ബ​സി​യു​ടെ പേ​രി​ൽ ത​ട്ടി​പ്പ്; ജാ​ഗ്ര​ത പാ​ലി​ക്ക​ണ​മെ​ന്ന് മു​ന്ന​റി​യി​പ്പ്

ഫോ​ൺ ​വ​ഴി വി​വ​ര​ങ്ങ​ളും പ​ണ​വും ആ​വ​ശ്യ​പ്പെ​ട്ടാ​ണ് ത​ട്ടി​പ്പ്

ദോ​ഹ: ഇ​ന്ത്യ​ൻ എം​ബ​സി ജീ​വ​ന​ക്കാ​ർ എ​ന്ന​ പേ​രി​ൽ ഫോ​ൺ സ​ന്ദേ​ശ​ങ്ങ​ളി​ലൂ​ടെ ന​ട​ക്കു​ന്ന ത​ട്ടി​പ്പു​ക​ൾ​ക്കെ​തി​രെ മു​ന്ന​റി​യി​പ്പു​മാ​യി ഖ​ത്ത​റി​ലെ ഇ​ന്ത്യ​ൻ എം​ബ​സി. ​പ്ര​വാ​സി ഇ​ന്ത്യ​ക്കാ​രെ എം​ബ​സി​യി​ൽ​നി​ന്നോ എം​ബ​സി ഉ​ദ്യോ​ഗ​സ്ഥ​ർ എ​ന്ന വ്യാ​ജേ​ന​യോ ഫോ​ൺ ചെ​യ്ത് വ്യ​ക്തി​ഗ​ത വി​വ​ര​ങ്ങ​ൾ തേ​ടു​ക​യും പ​ണം​ത​ട്ടു​ക​യും ചെ​യ്യു​ന്ന​ത് ശ്ര​ദ്ധ​യി​ൽ​പെ​ട്ട​താ​യും ഇ​ത്ത​രം വ​ഞ്ച​ന​ക​ളി​ൽ വീ​ഴ​രു​തെ​ന്നും എം​ബ​സി സ​മൂ​ഹ മാ​ധ്യ​മ​മാ​യ ‘എ​ക്സ്’ പ്ലാ​റ്റ്ഫോ​മി​ലെ ഔ​ദ്യോ​ഗി​ക പേ​ജ് വ​ഴി മു​ന്ന​റി​യി​പ്പ് ന​ൽ​കി.

എം​ബ​സി ഉ​ദ്യോ​ഗ​സ്ഥ​ർ എ​ന്ന വ്യാ​ജേ​ന ഫോ​ൺ വ​ഴി ബ​ന്ധ​പ്പെ​ടു​ക​യും പാ​സ്‌​പോ​ർ​ട്ടു​ക​ൾ, വി​സ​ക​ൾ, അ​ല്ലെ​ങ്കി​ൽ എ​മി​ഗ്രേ​ഷ​ൻ ഫോ​മു​ക​ൾ എ​ന്നി​വ​യി​ൽ പി​ഴ​വു​ണ്ടെ​ന്ന് തെ​റ്റി​ദ്ധ​രി​പ്പി​ക്കു​ക​യും ഇ​ത് തി​രു​ത്താ​ൻ പ​ണം ആ​വ​ശ്യ​മാ​ണെ​ന്ന് അ​റി​യി​ക്കു​ക​യും ചെ​യ്താ​ണ് പ​ണം ത​ട്ടു​ന്ന​ത്.

രേ​ഖ​ക​ളി​ൽ ജ​ന​ന തീ​യ​തി, പേ​ര്, പാ​സ്​​പോ​ർ​ട്ട് ന​മ്പ​ർ എ​ന്നി​വ​യി​ൽ പി​ഴ​വു​ണ്ടെ​ന്നാ​ണ് ഇ​വ​ർ ഫോ​ൺ വ​ഴി അ​റി​യി​ക്കു​ന്ന​ത്. തു​ട​ർ​ന്ന് ക്രെ​ഡി​റ്റ് കാ​ർ​ഡ് വി​ശ​ദാം​ശ​ങ്ങ​ളും പ​ണ​വും ആ​വ​ശ്യ​പ്പെ​ടു​ന്നു. രേ​ഖ​ക​ളി​ൽ അ​ടി​യ​ന്ത​ര​മാ​യി തി​രു​ത്ത​ൽ വ​രു​ത്തി​യി​ല്ലെ​ങ്കി​ൽ ഖ​ത്ത​റി​ൽ ജ​യി​ൽ​ശി​ക്ഷ​യും നാ​ടു​ക​ട​ത്ത​ലും ഉ​ൾ​പ്പെ​ടെ ന​ട​പ​ടി​ക​ൾ നേ​രി​ടേ​ണ്ടി​വ​രു​മെ​ന്ന് ഭീ​ഷ​ണി​പ്പെ​ടു​ത്തി​യാ​ണ് ​ത​ട്ടി​പ്പു​കാ​ർ ക​ബ​ളി​പ്പി​ക്കു​ന്ന​ത്.

എം​ബ​സി ഉ​ദ്യോ​ഗ​സ്ഥ​ർ അ​ത്ത​രം ഫോ​ണു​ക​ൾ ചെ​യ്യു​ന്നി​ല്ലെ​ന്നും സം​ശ​യാ​സ്പ​ദ​മാ​യ വി​ളി​ക​ൾ ഒ​ഴി​വാ​ക്കാ​നും വ്യ​ക്തി​ഗ​ത വി​വ​ര​ങ്ങ​ൾ ആ​രു​മാ​യും വെ​ളി​പ്പെ​ടു​ത്താ​നോ പ​ണം കൈ​മാ​റാ​നോ പാ​ടി​ല്ലെ​ന്നും എം​ബ​സി അ​റി​യി​പ്പി​ൽ വ്യ​ക്ത​മാ​ക്കി.

എം​ബ​സി​യു​മാ​യി ബ​ന്ധ​പ്പെ​ട്ട ഇ​ത്ത​രം ത​ട്ടി​പ്പു​സ​ന്ദേ​ശ​ങ്ങ​ൾ ല​ഭി​ച്ചാ​ൽ cons.doha@mea.gov.in എ​ന്ന ഇ-​മെ​യി​ൽ വ​ഴി ബ​ന്ധ​പ്പെ​ട​ണ​മെ​ന്നും വ്യ​ക്ത​മാ​ക്കി.