ക​ളി​യൊ​ഴി​യു​ന്നി​ല്ല; ഫ്ര​ഞ്ച് സൂ​പ്പ​ർ​ക​പ്പും ദോ​ഹ​യി​ൽ

ദോ​ഹ: ഡി​സം​ബ​റി​ലെ ഫി​ഫ ഇ​ന്റ​ർ​കോ​ണ്ടി​നെ​ന്റ​ൽ ക​പ്പ് പോ​രാ​ട്ട​ത്തോ​ടെ ഖ​ത്ത​റി​ലെ ക​ളി​യു​ത്സ​വം അ​വ​സാ​നി​ക്കു​ന്നി​ല്ല. പു​തു​വ​ർ​ഷ​പ്പി​റ​വി​ക്കു പി​റ​കെ ​ഫ്രാ​ൻ​സി​ലെ ചാ​മ്പ്യ​ൻ ക്ല​ബു​ക​ളാ​യ പി.​എ​സ്.​ജി​യും എ.​എ​സ് മൊ​ണാ​കോ​യും ഏ​റ്റു​മു​ട്ടു​ന്ന ഫ്ര​ഞ്ച് സൂ​പ്പ​ർ ക​പ്പി​ന് ഖ​ത്ത​ർ വേ​ദി​യാ​കും. ജ​നു​വ​രി അ​ഞ്ചി​ന് ലോ​ക​ക​പ്പ് ഫു​ട്ബാ​ൾ വേ​ദി​യാ​യ 974 സ്റ്റേ​ഡി​യ​ത്തി​ലാ​ണ് മ​ത്സ​രം. വി​സി​റ്റ് ഖ​ത്ത​ർ നേ​തൃ​ത്വ​ത്തി​ലാ​ണ് ഫ്രാ​ൻ​സി​ലെ മു​ൻ​നി​ര താ​ര​ങ്ങ​ൾ മാ​റ്റു​ര​ക്കു​ന്ന ക്ല​ബ് ഫു​ട്ബാ​ളി​ന് ആ​തി​ഥ്യ​മൊ​രു​ക്കു​ന്ന​ത്. രാ​ത്രി 7.30നാ​ണ് ക​ളി​യു​ടെ കി​ക്കോ​ഫ്.

ഫ്ര​ഞ്ച് ലീ​ഗി​ലെ​യും ഫ്ര​ഞ്ച് ക​പ്പി​ലെ​യും ജേ​താ​ക്ക​ൾ ത​മ്മി​ലാ​ണ് ട്രോ​ഫി ഡെ​സ് ചാ​മ്പ്യ​ൻ​സ് എ​ന്ന പേ​രി​ലെ സൂ​പ്പ​ർ ക​പ്പി​ൽ മ​ത്സ​രി​ക്കു​ന്ന​ത്. ക​ഴി​ഞ്ഞ സീ​സ​ണി​ൽ ഫ്ര​ഞ്ച് ലീ​ഗി​ലും ഫ്ര​ഞ്ച് ക​പ്പി​ലും പി.​എ​സ്.​ജി​യാ​യി​രു​ന്നു ജേ​താ​ക്ക​ൾ. ഇ​തോ​ടെ​യാ​ണ് ലീ​ഗി​ലെ ര​ണ്ടാം സ്ഥാ​ന​ക്കാ​രാ​യ എ.​എ​സ് ​മൊ​ണാ​കോ​ക്ക് അ​വ​സ​രം ല​ഭി​ച്ച​ത്.

നേ​ര​ത്തേ ചൈ​ന​യി​ലെ ബീ​ജി​ങ് വേ​ദി​യാ​കു​മെ​ന്നാ​യി​രു​ന്നു പ്ര​ഖ്യാ​പ​നം. എ​ന്നാ​ൽ, ആ​തി​ഥേ​യ സ്ഥാ​ന​ത്തു​നി​ന്നും ചൈ​ന പി​ൻ​വാ​ങ്ങി​യ​തോ​ടെ ദോ​ഹ വേ​ദി​യൊ​രു​ക്കു​ക​യാ​യി​രു​ന്നു.