ഹമദ് വിമാനത്താവളത്തിൽ പത്തര കിലോ കഞ്ചാവ് പിടിച്ചെടുത്തു

ദോ​ഹ: ഹ​മ​ദ് രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ​ത്തി​യ യാ​ത്ര​ക്കാ​ര​നി​ൽ​നി​ന്ന് ക​ഞ്ചാ​വ് പി​ടി​ച്ചെ​ടു​ത്ത​താ​യി ഖ​ത്ത​ർ ക​സ്റ്റം​സ് അ​റി​യി​ച്ചു. ബാ​ഗി​നു​ള്ളി​ൽ മൂ​ന്നു പൊ​തി​ക​ളി​ലാ​യി സൂ​ക്ഷി​ച്ച പ​ത്ത​ര കി​ലോ​ഗ്രാം ക​ഞ്ചാ​വാ​ണ് അ​ധി​കൃ​ത​ർ പി​ടി​ച്ചെ​ടു​ത്ത​ത്.

ഇ​ക്കാ​ര്യം ഖ​ത്ത​ർ ക​സ്റ്റം​സ് ട്വി​റ്റ​റി​ലൂ​ടെ ചി​ത്ര​ങ്ങ​ൾ സ​ഹി​തം പു​റ​ത്തു​വി​ട്ടു. പ​ക്ഷേ പി​ടി​ക്ക​പ്പെ​ട്ട​യാ​ൾ ഏ​തു ദേ​ശ​ക്കാ​ര​നാ​ണെ​ന്ന് വ്യ​ക്ത​മ​ല്ല. തു​ട​ർ ന​ട​പ​ടി​ക​ൾ​ക്കാ​യി മ​റ്റു ബ​ന്ധ​പ്പെ​ട്ട അ​ധി​കൃ​ത​ർ​ക്ക് കൈ​മാ​റി​യി​ട്ടു​ണ്ട്.

സ​മീ​പ ദി​വ​സ​ങ്ങ​ളി​ലാ​യി വി​വി​ധ കേ​ന്ദ്ര​ങ്ങ​ൾ വ​ഴി ല​ഹ​രി ക​ട​ത്താ​നു​ള്ള ശ്ര​മ​ങ്ങ​ൾ ഖ​ത്ത​ർ ക​സ്റ്റം​സും ആ​ഭ്യ​ന്ത​ര മ​​ന്ത്രാ​ല​യ​വും ത​ട​ഞ്ഞി​രു​ന്നു. ഖ​ത്ത​റി​ലെ അ​ൽ​റു​വൈ​സ് മാ​രി​ടൈം ക​സ്റ്റം​സ് ഡി​പ്പാ​ർ​ട്ട്‌​മെ​ന്റാ​യി​രു​ന്നു അ​ടു​ത്തി​ടെ ത​ണ്ണി​മ​ത്ത​ൻ വ​ഴി​യു​ള്ള ല​ഹ​രി​ക്ക​ട​ത്ത് പി​ടി​കൂ​ടി​യ​ത്. പ​രി​ശോ​ധ​ന​യി​ൽ നി​ര​വ​ധി ത​ണ്ണി​മ​ത്ത​നു​ള്ളി​ലാ​യി 62 കി​ലോ നി​രോ​ധി​ത ഹ​ഷീ​ഷാ​ണ് ക​ണ്ടെ​ത്തി​യ​ത്. രാ​ജ്യ​ത്തേ​ക്ക് അ​ന​ധി​കൃ​ത വ​സ്തു​ക്ക​ൾ കൊ​ണ്ടു​വ​രു​ന്ന​തി​നെ​തി​രെ ഖ​ത്ത​ർ ക​സ്റ്റം​സ് നേ​ര​ത്തെ ത​ന്നെ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

അ​ത്യാ​ധു​നി​ക ഉ​പ​ക​ര​ണ​ങ്ങ​ളും യാ​ത്ര​ക്കാ​രു​ടെ ശ​രീ​ര​ഭാ​ഷ വാ​യി​ക്കാ​ൻ വ​രെ ക​ഴി​യു​ന്ന സ​ജ്ജീ​ക​ര​ണ​ങ്ങ​ളും എ​യ​ർ​പോ​ർ​ട്ടി​ലും തു​റ​മു​ഖ​ങ്ങ​ളി​ലും ഉ​ണ്ട്‌.

ക​ള്ള​ക്ക​ട​ത്തു​കാ​ർ പി​ന്തു​ട​രു​ന്ന ഏ​റ്റ​വും പു​തി​യ രീ​തി​ക​ളെ​ക്കു​റി​ച്ച് ബോ​ധ​വാ​ന്മാ​രാ​കാ​നു​മു​ള്ള തു​ട​ർ​ച്ച​യാ​യ പ​രി​ശീ​ല​ന​വും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്ക് ന​ൽ​കി​വ​രു​ന്നു.