ഗ​സ്സ: യു.​എ​ൻ സെ​ക്ര​ട്ട​റി​യു​മാ​യി സം​സാ​രി​ച്ച് പ്ര​ധാ​ന​മ​ന്ത്രി

ദോ​ഹ: ഗ​സ്സ​യി​ലെ ഇ​സ്രാ​യേ​ൽ ആ​ക്ര​മ​ണം തു​ട​രു​ന്ന​തി​നി​ടെ ഖ​ത്ത​ർ പ്ര​ധാ​ന​മ​ന്ത്രി ശൈ​ഖ് മു​ഹ​മ്മ​ദ് ബി​ൻ അ​ബ്ദു​റ​ഹ്മാ​ൻ ബി​ൻ ജാ​സിം ആ​ൽ​ഥാ​നി​യും ഐ​ക്യ​രാ​ഷ്ട്ര​സ​ഭ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സും ഫോ​ണി​ൽ ച​ർ​ച്ച ന​ട​ത്തി. വ്യാ​ഴാ​ഴ്ച രാ​ത്രി​യി​ൽ യു.​എ​ൻ സെ​ക്ര​ട്ട​റി പ്ര​ധാ​ന​മ​ന്ത്രി​യെ ​ടെ​ലി​ഫോ​ൺ വി​ളി​ച്ചാ​യി​രു​ന്നു ഗ​സ്സ​യി​ലെ നി​ല​വി​ലെ സ്ഥി​തി​ഗ​തി​ക​ൾ വി​ല​യി​രു​ത്തു​ക​യും സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ നി​ര​പ​രാ​ധി​ക​ൾ​ക്കെ​തി​രെ തു​ട​രു​ന്ന ആ​ക്ര​മ​ണ​ത്തി​ൽ ആ​ശ​ങ്ക അ​റി​യി​ക്കു​ക​യും ചെ​യ്ത​ത്.

ഇ​സ്രാ​യേ​ൽ ആ​ക്ര​മ​ണ​ത്തി​​ലെ ഖ​ത്ത​റി​ന്റെ ആ​ശ​ങ്ക പ്ര​ധാ​ന​മ​ന്ത്രി യു.​എ​ൻ ത​ല​​വ​നെ അ​റി​യി​ച്ചു. നി​ര​പ​രാ​ധി​ക​ളെ ല​ക്ഷ്യം​വെ​ച്ചു​ള്ള ആ​ക്ര​മ​ണ​ത്തെ​യും ആ​ശു​പ​ത്രി​ക​ൾ, സ്കൂ​ൾ, അ​ഭ​യാ​ർ​ഥി ക്യാ​മ്പു​ക​ൾ എ​ന്നി​വി​ട​ങ്ങ​ളി​ലെ ബോം​ബി​ങ്ങി​നെ​യും ശ​ക്ത​മാ​യ അ​പ​ല​പി​ക്കു​ന്ന​താ​യും ഇ​സ്രാ​യേ​ലി​ന്റെ കൂ​ട്ട ശി​ക്ഷ​രീ​തി സ്വീ​കാ​ര്യ​മ​ല്ലെ​ന്നും അ​ദ്ദേ​ഹം ശ​ക്ത​മാ​യ ഭാ​ഷ​യി​ൽ അ​റി​യി​ച്ചു. തു​ട​ർ​ച്ച​യാ​യ വ്യോ​മാ​ക്ര​മ​ണ​ത്തെ​യും ഫ​ല​സ്തീ​നി​ക​ളെ ബ​ലം പ്ര​യോ​ഗി​ച്ച് കു​ടി​യി​റ​ക്കാ​നു​ള്ള ശ്ര​മ​ങ്ങ​ളെ​യും അ​ദ്ദേ​ഹം വി​മ​ർ​ശി​ച്ചു.

ബോം​ബാ​ക്ര​മ​ണ​ത്തി​ൽ കു​ടു​ങ്ങി​യ ഫ​ല​സ്തീ​നി​ലേ​ക്ക് ദു​രി​താ​ശ്വാ​സ​വും മാ​നു​ഷി​ക സ​ഹാ​യ​വും ല​ഭ്യ​മാ​ക്കാ​ൻ അ​ന്താ​രാ​ഷ്ട്ര സ​മൂ​ഹ​വും ഐ​ക്യ​രാ​ഷ്ട്ര സ​ഭ​യും അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നും യു.​എ​ൻ സെ​ക്ര​ട്ട​റി ജ​ന​റ​ലി​നെ പ്ര​ധാ​ന​മ​ന്ത്രി ധ​രി​പ്പി​ച്ചു. വെ​ള്ളി​യാ​ഴ്ച ദോ​ഹ​യി​ലെ​ത്തി​യ കി​ഴ​ക്ക​ൻ രാ​ജ്യ​ങ്ങ​ളു​ടെ ചു​മ​ത​ല വ​ഹി​ക്കു​ന്ന അ​മേ​രി​ക്ക​ൻ അ​സി. സെ​ക്ര​ട്ട​റി ബാ​ർ​ബ​റ ലീ​ഫു​മാ​യും പ്ര​ധാ​ന​മ​ന്ത്രി കൂ​ടി​ക്കാ​ഴ്ച ന​ട​ത്തി. കൂ​ടി​ക്കാ​ഴ്ച​യി​ൽ ഗ​സ്സ​യി​ലെ സ​മാ​ധാ​ന ദൗ​ത്യ​വും വെ​ടി​നി​ർ​ത്ത​ലും ഇ​സ്രാ​യേ​ലി​ന്റെ ദ​യാ​ര​ഹി​ത​മാ​യ ആ​ക്ര​മ​ണ​ങ്ങ​ളെ​യും അ​ദ്ദേ​ഹം അ​പ​ല​പി​ച്ചു.

ഇ​സ്രാ​യേ​ൽ ആ​ക്ര​മ​ണം മേ​ഖ​ല​യി​ലെ മ​റ്റി​ട​ങ്ങ​ളി​ലേ​ക്ക് വ്യാ​പി​ക്കു​ന്ന​ത് ത​ട​യാ​നും സ​മാ​ധാ​നം സ്ഥാ​പി​ക്കാ​നു​മെ​ല്ലാ​മു​ള്ള ദൗ​ത്യ​ങ്ങ​ളു​ടെ ഭാ​ഗ​മാ​യാ​ണ് ബാ​ർ​ബ​റ ലീ​ഫി​ന്റെ മ​ധ്യ​പൂ​ർ​വേ​ഷ്യ​ൻ രാ​ജ്യ​ങ്ങ​ളി​ലേ​ക്കു​ള്ള സ​ന്ദ​ർ​ശ​നം. യു.​എ.​ഇ, ഒ​മാ​ൻ, ഈ​ജി​പ്ത്, ജോ​ർ​ഡ​ൻ എ​ന്നീ രാ​ജ്യ​ങ്ങ​ളി​ലും ഇ​വ​രെ​ത്തു​ന്നു​ണ്ട്.