ഗ്രാൻഡ് 'ബാക്ക്​ ടു സ്​റ്റഡി' പ്രമോഷൻ; കുട്ടികളുടെ ചിത്രചരനാ മൽസരം വ്യത്യസ്​തമായി

ദോഹ: രാജ്യത്തെ പ്രമുഖ റീ​ട്ടെയ്ൽ വ്യാപാര ശൃംഖലയായ ഗ്രാൻഡ് ഹൈപ്പർമാർക്കറ്റ് 'ബാക്ക്​ ടു സ്​റ്റഡി' പ്രമോഷൻെറ ഭാഗമായി വിദ്യാർത്ഥികൾക്കായി ഓൺലൈൻ ചിത്രരചന മൽസരം നടത്തി. മൂന്നു വ്യത്യസ്ത കാറ്റഗറികളിലായി 400ഓളം കുട്ടികൾ പങ്കെടുത്തു.

കാറ്റഗറി A യിൽ മൂന്നിനും അഞ്ചിനും ഇടയിലുള്ളവർ 'ഡ്രീം ഹൗസ്​' വിഭാഗത്തിൽ മൽസരിച്ചു. കാറ്റഗറി Bയിൽ ആറ്​ വയസിനും ഒമ്പത്​ വയസിനും ഇടയിലുള്ളവർക്ക്​ 'സേവ്​ ദ എർത്ത്​' വിഷയത്തിലാണ്​ മൽസരം നടത്തിയത്​. കാറ്റഗറി C യിൽ 10നും 13നും ഇടയിൽ പ്രായമുള്ളവർ 'ഡേയ്​സ്​ ഓഫ്​ സർവൈവൽ' ഇനത്തിൽ മൽസരിച്ചു. രജിസ്റ്റർ ചെയ്ത വിദ്യാർത്ഥികൾക്ക് എല്ലാ മെറ്റീരിയൽസും ഉൾകൊള്ളുന്ന കിറ്റുകൾ സൗജന്യമായി നൽകി. വിദ്യാർത്ഥികളുടെ കലാ കായിക കഴിവുകൾ പ്രോത്സാഹിപ്പിക്കുന്നതിന് വേണ്ടി ഇനിയും ഇതുപോലുള്ള ഓൺലൈൻ മൽസരങ്ങൾ സംഘടിപ്പിക്കുമെന്ന്​ റീജിയണൽ ഡയറക്ടർ അഷ്റഫ് ചിറക്കൽ അറിയിച്ചു.

സ്കൂൾ തുറക്കുന്നതിൻെറ ഭാഗമായി ഗ്രാൻഡ് ഹൈപ്പർമാർകറ്റ്​ ആരംഭിച്ച 'ബാക്ക്​ ടു സ്​റ്റഡി' പ്രമോഷനിൽ കുട്ടികൾക്ക് ആവശ്യമായ നിരവധി സാധനങ്ങളാണ് ഒരുക്കിയിരിക്കുന്നത്. ഉന്നത നിലവാരത്തിൽ വ്യത്യസ്ത ബ്രാൻഡിലുള്ള പേന , പെൻസിൽ, കളർ, സ്കൂൾ ബാഗ്, വാട്ടർ ബോട്ടിൽ, മാത്തമാറ്റിക്കൽ ബോക്സ് തുടങ്ങി നിരവധി സാധനങ്ങളാണ് വൻവിലക്കുറവിലും ഓഫറിലും ഗ്രാൻഡ് ഹൈപ്പർമാർക്കറ്റുകളിൽ ഒരുക്കിയിരിക്കുന്നത്.