കാത്തിരിപ്പിന്​ വിട, ഇതാ 'ഗൾഫ് ​മാധ്യമം'​ പെയിന്‍റിങ്​ മത്സര വിജയികൾ

ദോഹ: കാത്തിരിപ്പിന്​ വിട, കുരുന്നുപ്രതിഭകൾ വർണവിസ്​മയം തീർത്ത 'ഗൾഫ് ​മാധ്യമം' ഓൺലൈൻ തൽസമയ പെയിൻറിങ്​ മത്സരത്തിന്‍റെ വിജയികളെ പ്രഖ്യാപിച്ചു. നൂറുകണക്കിന്​ ചിത്രങ്ങളിൽ നിന്ന്​ പ്രമുഖ ചിത്രകാരൻമാരുടെ പാനലാണ്​ വിജയികളെ തെരഞ്ഞെടുത്തത്​.

വിവിധവിഭാഗങ്ങളിലെ വിജയികൾ

വാട്ടർ കളർ: കൃഷ്​ണ അശോക കുമാർ (ഒന്നാം സ്​ഥാനം), പുണ്യ പ്രമോദ്​ (രണ്ടാം സ്​ഥാനം), പ്രണവ്​ സായ്​ കാർത്തികേയൻ (മൂന്നാംസ്​ഥാനം)

​സ്​കെച്ച്​ വിഭാഗം: ആഷിത ബിജു (ഒന്നാം സ്​ഥാനം), എച്ച്​. ദക്​സിത്​ ദംസുര പീരിസ്​ (രണ്ടാം സ്​ഥാനം), മുഹമ്മദ്​ സഫ്​വാൻ (മൂന്നാം സ്​ഥാനം)

ക്രയോൺസ്​: അസ്​മിൻ ഫാത്തിമ (ഒന്നാം സ്​ഥാനം), മുഹമ്മദ്​ അർസ്​ നൗഷാദ് (രണ്ടാം സ്​ഥാനം)​, അബ്​ദുൽ റഖീബ്​ മുഹമ്മദ്​ (മൂന്നാം സ്​ഥാനം).

കഴിഞ്ഞ വെള്ളിയാഴ്​ചയാണ്​ സൂമിലൂടെ മത്സരം നടത്തിയത്​. ക്രയോൺസ്​ വിഭാഗത്തിൽ മൂന്ന്​ മുതൽ അഞ്ചുവയസു വരെയുള്ളവർക്ക്​ 'ഡ്രീം ഹോം' എന്നതായിരുന്നു വിഷയം. ആറുമുതൽ പത്ത്​ വയസുവരെയുള്ളവർക്ക്​ സ്​കെച്ച്​ പെൻ വിഭാഗത്തിൽ 'ഹാപ്പി ഫാമിലി' എന്നതായിരുന്നു വിഷയം. വാട്ടർ കളർ വിഭാഗത്തിൽ 11 മുതൽ 15 വയസുവരെയുള്ളവർക്ക്​ 'ഫെസ്​റ്റിവെൽ' എന്നതായിരുന്നു വിഷയം.

കോവിഡ്​കാലത്ത്​ കുട്ടികൾക്ക്​ പാഠ്യേതരപ്രവർത്തനങ്ങളിൽ സജീവമാകാൻ കഴിയാത്ത സാഹചര്യം പരിഗണിച്ചാണ്​ ചിത്രരചനമത്സരം നടത്തിയത്​. മൂന്ന്​ വിഭാഗങ്ങളിലായി നടത്തിയ മത്സരത്തിൽ വിവിധ രാജ്യക്കാരായ നൂറുകണക്കിന്​ കുട്ടികളാണ്​ പ​ങ്കെടുത്തത്​. മത്സരാർഥികൾ ചിത്രം വരക്കുന്നത്​ സൂമിലൂടെ മുടങ്ങാതെ സംഘാടകർ തൽസമയം നിരീക്ഷിച്ചിരുന്നു. സൈക്കിളുകളടക്കമുള്ള ഗംഭീര സമ്മാനങ്ങളാണ്​ വിജയികളെ കാത്തിരിക്കുന്നത്​.

സമ്മാനദാന ചടങ്ങ്​ ശനിയാഴ്​ച

ദോഹ: 'ഗൾഫ്​ മാധ്യമം' കഴിഞ്ഞ വെള്ളിയാഴ്​ച നടത്തിയ ഓൺലൈൻ തൽസമയ പെയിൻറിങ്​ മൽസരത്തിന്‍റെ വിജയികൾക്കുള്ള സമ്മാനവിതരണം ഒക്​ടോബർ 17ന്​ നടക്കും. ഗൾഫ്​ സിനിമ സിഗ്​നലിലുള്ള ഗൾഫ്​ മാധ്യമം ആസ്​ഥാനത്ത്​​ വൈകുന്നേരം 6.30നാണ്​ ചടങ്ങ്​. പ​ങ്കെടുത്ത എല്ലാ കുട്ടികൾക്കുമുള്ള സാക്ഷ്യപത്രം അടുത്തയാഴ്​ച വിതരണം ചെയ്യും. കൂടുതൽ വിവരങ്ങൾക്ക്​: 55373946.

സമ്മാനാർഹമായ ചിത്രങ്ങൾ