ഹൃദയാഘാതം: ആലപ്പുഴ സ്വദേശി ഖത്തറിൽ നിര്യാതനായി

ദോഹ: ആലപ്പുഴ ഹരിപ്പാട് വെട്ടുവേണി സ്വദേശി ഭാസി ഭവനിൽ ഭാസി മാധവൻ (58) ഹൃദയാഘാതം മൂലം ഖത്തറിൽ നിര്യാതനായി. 20 വർഷത്തോളമായി ഖത്തർ പ്രവാസിയാണ്​. രണ്ടു വർഷമായി അൽഖോറിലെ റിലയൻറ് ഗ്രൂപ്പിൽ ഹെവി ഡ്രൈവറായി ജോലി ചെയ്തുവരികയായിരുന്നു.

പിതാവ്: മാധവൻ. അമ്മ: ശാന്ത. ഭാര്യ: സുധാമണി. മകൻ: ഭരത് സൂര്യ. കെ.എം.സി.സി അൽ ഇഹ്സാൻ മയ്യിത്ത്​ പരിപാലന കമ്മിറ്റിയുടെ സഹായത്തോടെ നടപടി പൂർത്തീകരിച്ച്​ മൃതദേഹം തിങ്കളാഴ്​ച വൈകുന്നേരത്തെ ഖത്തർ എയർവേയ്​സ്​ കൊച്ചി വിമാനത്തി​ൽ നാട്ടിലേക്ക്​ കൊണ്ടുപോകുമെന്ന്​ ബന്ധപ്പെട്ടവർ അറിയിച്ചു.