വടക്ക്​–കിഴക്കൻ ഭാഗങ്ങളിൽ ശക്തമായ മഴ

ദോഹ: രാജ്യത്തിെൻറ വടക്ക്–കിഴക്കൻ ഭാഗങ്ങളിൽ ശക്തമായ മഴ ലഭിച്ചതായി ഖത്തർ കാലാവസ്ഥ വകുപ്പ് അറിയിച്ചു. റാസ്​ ലഫാൻ, അൽ ജസ്സാസിയ മേഖലകളിലാണിത്​. മിന്നലോടുകൂടിയായിരുന്നു മഴ. മഴ കാരണം കാഴ്ചാപരിധി രണ്ട്​ കിലോമീറ്ററിലും താഴെയായിരുന്നു. വിവിധ ഭാഗങ്ങളിൽ വരുംദിവസങ്ങളിൽ ശക്തമായ കാറ്റിനും മഴക്കും സാധ്യതയുണ്ടെന്നും ജനം ജാഗ്രത പാലിക്കണമെന്നും അധികൃതർ അറിയിച്ചു. ശക്തമായ മഴയുള്ളപ്പോൾ വീടി‍െൻറ മേൽക്കൂരയിൽ ഉയരം കൂടിയ മരങ്ങൾക്കും പോളുകൾക്കും താഴെയോ നിൽക്കരുത്​. സുരക്ഷിത സ്ഥാനങ്ങളിലേക്ക് മാറണം.